Ақкөңілділік туралы сабақ жоспары, 6 сынып

Өзін – өзі тану сабағының жоспары

Мектеп: №40 жалпы білім беретін мектеп

Мерзімі : _________________

№ 11 сабақ

Тақырыбы : Ақкөңілділік туралы

Құндылық: Сүйіспеншілік

Қасиеттер: ақкөңілділік, жақсылық жасау, қайырымдылық

Мұғалiм:Қайсанова Ұ.М

Сынып: 6«Б»

Оқушылар саны: 25

Сабақ мақсаты: оқушыларға адам өміріндегі ақкөңілділік қасиетінің маңыздылығын түсіндіре отырып, сүйіспеншілік құндылығынң мәнін ашу

Міндеттері:

Білімділік: оқушылардың адамның ақкөңілділік қасиеті туралы түсініктерін кеңейту

Дамытушылық: оқушыларды жақсылық жасауға үйрету

Тәрбиелік: оқушыларды ақжарқындылыққа, қайырымдылыққа, бауырмалдыққа тәрбиелеу

Ресурстар:

Көрнекілігі: Дәйексөз, таратпа материалдар

Жабдықталуы: Үлестірме қағаздар, түрлі – түсті қарындаштар, музыкалық сүйемелдеу

Сабақ барысы:

1.Ұйымдастыру кезеңі. Тыныштық сәті

Сәлеметсіңдер ме, балалар! Бүгін көңіл күйіміз қалай? Сабаққа дайынбыз ба?

«Көңілді күн» бейнематериалымен бірге билеу

Сабақ барысын талдау:

Ұйымдастыру кезеңі арқылы балалардың сабаққа деген қызығушылығын ояту. Балаларға жақсы көңіл-күй сыйлау.

Үй тапсырмасын тексеру.

Өткен сабақта берген үй тапсырмасын тексеру, оқушылардың мәтін бойынша түсінігін сұрау, бағалау

Оқулықтың 50-52 беттеріндегі Серік Үсенұлының «Достар» мәтінін оқып, сұрақтарға жауап беру

Сабақ барысын талқылау:

Үй тапсырмасын тексеру арқылы балалардың өткен сабақта меңгерген білімдерін пысықтау

Әңгімелесу. «Достар»

Жандос пен оның анасының ізгі әрекетінен қандай әсер алдыңдар?

Адамға жақсылық жасау үшін онымен жақын туыс немесе дос болу міндетті ме? Неліктен?

Ақкөңіл адамдар қандай қасиеттерімен ерекшеленеді?

Өзгелерге көмек қолдарыңды соза білгенде қандай сезімде боласыңдар? Әңгімелеп беріңдер?

Қорытынды. Адам баласына тек жақсылық ойлап, оған адамгершілікпен жақсылық жасауға бейім, ақжарқын, аялы нұр көрсететін ұлттық мінезді ақкөңілділік мінез дейміз. Ақкөңілділік мінез өзара сыйласымнан, жайдары жарасымнан, ақниетті әрекеттерден айқын көрінеді.

Әңгімелесу тәсілі арқылы балалардың өтілген сабақ бойынша қалыптасқан түсінігін білу арқылы одан әрі дамыту. Балаларға достық туралы түсінік беру арқылы оқушылырдың ойын білу.

Сабақтың дана сөзі

Мааббат, достық, бауырмалдық – адамның ең бір асыл қасиеттері

Ғ. Мүсірепов

Хормен оқу

Ұлдарға оқыту

Қыздарға оқыту

Жазып қою

Талдау

Дәйексөзді балалардың жасап алуына мүмкіндік жасау

Шығармашылық жұмыс.

1 – тапсырма. Сыныптағы ақкөңіл, қайырымды балаға мінездеме мен портіретін жаса

2- тапсырма. «Адамның әуелден тоқымашы немесе хатшы болып тумайтыны сияқты, қайырымдылық пен жаман қылықтылық та адамға әуел бастан жаратылысынан дарымайды» деген қанатты сөзді «көзқарас- себеп – мысал – қорытындылау» әдісімен талқылау

3- тапсырма. Мәтінді оқып, сұрақтарға жауап беру

Тапсырма беру арқылы оқушылардың шығармашылығын дамыту, оқушылардың меңгерген білімін көрсетуге мүмкіндік беру, оқушылардың ой ұшқырлығы мен қиялын шыңдау

Үй тапсырмасы

Оқулықтың 53-54 беттеріндегі Мәдіхат Төрежановтың «Ғазизаның балалары» мәтінін оқу, сұрақтарға жауап беру, талдау

Сабақта меңгерген білімдерін көтеру және дамыту мақсатында берілетін, оқушылардың өздігінен орындауға арналған үй тапсырмасы.

Топпен ән айту

Мейірімді болайықшы, бауырлар

Көктем етіп көркейтсе де маңайын,

Көріп жүрміз өкпешілдің талайын,

Өшігуді қояйықшы өзгеге,

Кешірімді болайықшы, ағайын!

Көк нөсерін көл етсе де жауындар,

Көк пен жерді сел етсе де дауылдар,

Пейілдерді пенделікпен тарылтпай,

Мейірімді болайықшы, бауырлар!

Болашаққа қол ұстасып барайық,

Ақиқаттың ауылын іздеп табайық,

Кішірейіп кетпес ғазиз басымыз,

Кішіпейіл болайықшы, халайық!

Ел болғанмен емеспіз ғой онша көп,

Сонда дағы бөлінумен шаршап ек,

Өзімізге қалайтұғын нәрсені,

Тілейікші өзгеге де болса деп.

Ұлттың қамын жүректермен ұғынып,

Жұрттың жүгін көтерейік жұмылып,

Қаратайық қыбылаға жүздерді,

Таратайық адамзатқа жылылық

Топпен ән айту балалардың көңіл күйін көтереді, келесі сабаққа деген қызығушылықтарын оятады

Қорытынды