Ақкөңілділік туралы сабақ жоспары 7 сынып

Өзiн-өзi тану сабағының жоспары

Мектеп: Р.Тоқатаев атындағы орта мектеп

Мерзiмі: 26.11.2019ж

Тақырыбы: Ақкөңілділік туралы

Құндылық: Сүйіспеншілік

Қасиеттер: Жақсы көру,кішіпейілділік,жомарттық

Мұғалім: Серікжан Самғат

Сынып: 6 «Б»

Оқушылар саны:

Мақсаты: Оқушыларға ақкөңілділік тақырыбын түсіндіре отырып,сүйіспеншілік құндылығының мәнін ашу.

Міндеттері:

Білімділік:Оқушыларды жақсы көруге және кішіпейілділікке үйрету

Дамытушылық:Оқушылардың бойындағы жомарттық қасиетін дамыту

Тәрбиелік:Оқушыларды аянбай қызмет етуге тәрбиелеу

Ресурстар: (құралдар, мәлiметтер күнделік, дәптер, оқулық.

Сабақ барысы:

Ұйымдастыру кезеңi.

5 Т – ережесі:

Тәртіп.

Талап.

Тыныштық.

Тазалық.

Татулық.

Тыныштық сәтi. «Орманға ойша серуен»

Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым босаңсып, сабырлы болуға тырысыңыз. Қазір біз орманға серуенге шығамыз. Өзіңізді сынып есігіне қарай беттетіп, есікті ашқаныңызды, дәлізбен өтіп, далаға шыққаныңызды елестетіңіз. Таза ауа жұтып, шашыңызды желбіреткен желді және бетіңізді сәл - пәл қыздырған күн сәулесін сезініңіз. Орманға қарай жүре бастаңыз.Келе жатқанда абай болыңыз, жәндіктерді басып кетпеңіз.Бір минут тоқтап айналаға көз салыңыз. Табиғаттың әсемдігі мен жылылығын сезініңіз. Гүлдің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдермен ағаштардың иісі, құстардың дауысы және жәндіктердің ызыңы.

Орманға ендей түсіңіз, қараңызшы ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз.Алаңқайға шығыпосында бірнеше минут демалыңыз, түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз.Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз.Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз.

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиянымыз тигізбес үшін қамқорлық жасауды түсінеміз. Сіздің кез келген уақытта келіп демалатын орныңыз бар. Ал қазір мектептен қайтуға дайындалыңыз. Орныңыздан тұрып, айналаға тағы бір рет қараңыз,келген жолыңызбен кері қайтыңыз, жолыңыздағы жәндіктерді басып кетпеңіз.Міне, мектептің алдына да келдік.Айналаңызға тағы бір қараңыз. Таза ауадан терең жұтыңыз, есікті ашып, өз орныңызға қайтып келіңіз. Осы жым – жырттық, тыныштық, қанағат сезімін өзіңде сақтаңыз. Көзіңізді ашып, күлімсіреңіз!

Үй тапсырмасын тексеру.

Ғазизаның балалары мәтінін оқып келу

Сұрақтар

1.Неліктен ағайынды бауырлар кінәні өз мойнына алуға тырысты ?

2.Бауырмалдық дегенді қалай түсінесіңдер ?

3.Бауырмалдық пен мейірімділік қандай ізгі қасиеттердің негізінде туындайды ?