Ар-намысым, Желтоқсан тәрбие сағаты, 11-сынып

Чакакова Бақыттың ашық тәрбие сағаттарының үлгілерінен

Тақырыбы: «Ар –намысым, Желтоқсан!»

Мақсаты:

1.Тәуелсіздік жолындағы күрестің тарихи шежірелерін таныту.

2.Жан мен тән жарасының жанға батқандағы өмірін құран еткен батырлардың ерлік істерін суреттеу.

3.Жас ұрпаққа патриоттық тәрбие бере отырып, елін, жерін,Отанын қорғауға әрі ұлтжанды болуға

тәрбиелеу.

Көрнекілігі:

1.Желтоқсан қаһармандарының суреттері,желтоқсан деректері,оқушылар шығармашылығынан

үзінділер,интерактивті тақта,слайдтар.

Өтілу барысы:

1.«Ар –намысым,Желтоқсан!»-жыр шашу.

2. «Бесеудің соты»-көрініс көрсету.

3. «Желтоқсан жаңғырығы»-арнаулар.

4.Оқушылар шығармашылығы

Кіріспе.

Сынып жет: Құрметті оқушылар көптен күткен Тәуелсіздік мерекесі де келіп жетті.Бұл мереке ерекше,Тәуелсіздікке- 22жыл,Желтоқсан оқиғасына- 28 жыл. Екеуі де ұлы тарихи оқиға.Сол себепті бүгінгі тәрбие сағатымызды «Тәуелсіз жылдар шежіресі»деген тақырыппен алып отырмыз.

Осы жылдар ішінде қаншама өзгерістер болып өткенін барлығымыз білеміз.Олай болса бір сәт тақтаға назар аударайық.

№1слайд.

Қазақстанның Тәуелсіз жылдар шежіресі

Хор- «Елім менің»

1-жүргізуші:

Әр халықтың тарихында өзінің ұлттық ар-намысын,құқықтары мен мүддесін қорғап қалуға, өзіндік бет-бейнесін егемен ел болуға лайық екендігін көрсетуге ұмтылған сын сағаттар болады.

Ол сын сағаты – біздің қазақ елі үшін 1986 жылғы Желтоқсан көтерілісі еді.

2-жүргізуші: Желтоқсаннын сол бір ызғарлы күні жылдар өтсе де көкірекке өксік болып кептеліп, жаныңды да тәніңді де қайта-қайта ызғармен осып-осып өтетіні бар.

1-жүргізуші: Бір сәтке көз жұмып өткен күнге сапар шексе, кеудеңді тілгілейтін сол кешегі Желтоқсан көтерілісінде жазықсыздан-жазықсыз жанаын құрбан еткекн қыз-жігіттердің бүгінде арамыздан мәңгілікке кеткеніне 26жыл толды.

2- жүргізуші:Құрметті қонақтар, ұстаздар, оқушылар!

Бүгін сол Желтоқсан құрбандарын еске алып,бір сәт басымазды иелік./ бір минут үнсіздік\

1-жүргізуші: 1986 жылы 16 желтоқсан күні СОКП Орталық Комитетінің бұйрығымен Қазақстан Компартиясы Орталақ Комитетінің VПленумы болып өтті.Пленумға 3-ақ адам қатысты.

Олар: СОКП Орталық Комитетінің Хатшысы-Разумовский,Колбин және Қонаев болатын.Бірауыздан Республика Партия ұйымының басшылығына Колбин сайланды.

2- жүргізуші: Пленумның шешімі жөнінде хабар Республикалық радиодан 16 желтоқсан күні

сағат 15.00-де берілді.Пленум шешімінің өрескел қатесіне Қазақстан жастары қарсы болды.

1-жүргізуші: Миллиондаған қазақ халқының ішінен еліне лайықты ие болар бір ұл, тіптен қыз туылмай ма? Бұл ұлттық ар-намысымызды аяққа таптаушылық!-деген ашу-ызамен ұлтының мүддесін , ар-намысын қорғау үшін билік жүйесінің ел талаптарының орындалуын талап етіп халқымыз бейбіт шерумен алаңға шықты.

2- жүргізуші:Өкінішке орай ,осы тұста Орталықтың Демонстраттарды қуып таратудың арнайы оперативті жоспары «Метель-1986»деп аталатын Ішкі істер министрінің №0385 бұйрығы іске асырылды.

1-жүргізуші: Алаңға әскери бөлімдер әкелінді. Киім үлгілері темір сауыт, темір қалпақ, қалқан, қолшоқпар,түтіндеткіш машина қорапшалар, белгі беру ракеталары,соғыс патропдары, «черемуха» газы, ізшіл қызмет иттер бөлімшесі де жеткізілді.

1-оқушы:

Бостандық үшін бірігіп,

Жас толқындар қадам басты.

Тәуелсіздік түндігін,

Желтоқсан желімен ашты.

2-оқушы:

Буырқанды Алматыда ел күші,

Бұдан әрі келмейді еш көнгісі.

Ұлға оқ атып,қызды сүйреп бұрымнан,

Бодансың деп басынудың белгісі.

Бұрқ-бұрқ етіп бой көтерді ой-қырдан,

Көшелерден ерлік өтті айтып ән.

О,әлемдік марғаулықтың бетіне

Тас лақтырған,қазақтарым,бейкүнәм!

3-оқушы:

Ер түркілер дауылпазын ұрғандай,

Қуатты күш, айбарлы күш бұл қандай?

Қасиетті бабалардың рухтары,

Алатауға жақындап кеп қалғандай.

Қай қиырда қазақ қуған қылаң-бақ?

Сұлу сөзге ел қашанғы жұбанбақ?

Жауынгерлік рух оянды жүректе

Қабанбайлап,Бөгенбайлап ұрандап!

Ғасырлардан намыс әні жеткендей.

Ақтарылды ән, ақтарылды дес бермей.

Қаһарланды Алматыда көшелер

Сауыт киген ер түріктер өткендей.

« Желтоқсан» әні хормен айтылады.

1-жүргізуші:

«Соғыңдар!»

« Құйын» операциясын бастаңдар!

Бітсін азаттық жайлы дастандар!

Тәртіпсіздерді қаладан

Шығарып тастаңдар!»

2-жүргізуші:

«Бесеудің хаты» атты пеьсадан үзінді көрсету.

Автор: Сот келді.

Сот: Қайрат Рысқұлбеков, Түгелбай Ташенов, Жамбылбек Тайжұмаев, Ертай Көпесбаев, Қайыргелді Күзембаевтардың қылмыстық істерін байланысты 15.06.1987 жылғы №2859 қылмыстық іс бойынша сот жүргізіледі.