Арақ пен темекінің зияны туралы баяндама 9 сынып

Арақ пен, темекінің зияны

Қазіргі жаңа заманғы қоғам өмірінде басты мәселелердің бірі болып зиянды ішімдік өнімдерін пайдалану, жасөспірімдер мен жастар арасында таралу жағдайы болып табылады.

Қазіргі жаңа заманғы қоғам өмірінде басты мәселелердің бірі болып зиянды ішімдік өнімдерін пайдалану, жасөспірімдер мен жастар арасында таралу жағдайы болып табылады. Қазақстанда соңы түрлі аурулар мен өлімге алып келетін, сондай-ақ тұтастай қоғам өміріне зиян келтірумен қатар, бірінші кезекте өзінің өмірі мен дамуына қауіп төндіретін ішімдік өнімдерін тұтынушы 12- 15 жас аралығындағы жасөспірімдер 18,1 % - ды, 15- 17 жастағылар 37%- ды құрайды.

Арақ-шараптан адамға келетін зиянды есептеп шығарудың өзі қиын. Маскүнемдік адамдардың денсаулығын бұзып, шаңырақтың тату-тәттілігін шайқалтады, адамды әл-қуатынан, ерік-қайратынан айырады, тапсырылған іске салдыр-салақ қараушылықты тудырады, еңбек өнімінің төмендеуіне, өнеркәсіп пен транспортта жарамсыз өнім шығаруға, жұмысқа себепсіз кешігуге және апатқа ұшырауға әкеп соқтырады. Маскүнемдік ағайыншылыққа, сыбайластыкка, жең ұшынан жалғасушылыққа, тамыр-таныстыққа жол ашады, қылмыс жасауға итермелейді.

Арақ-шарапты салынып ішкен адамның бүйрегі мен бауыры, жүрегі мен нерв жүйесі алуан түрлі қатерлі ауруларға шалдығады және сонымен қоса жыныс органдары әлсіреп, келе-келе арақ-шарап еркекті белсіздікке апарып соқтырады. Ал, маскүнем әйелдерден туған балалардың жартысына жуығы дүниеге келгеннен кейінгі алғашқы айларда шетінейді. Шетінеуге нәрестенің миындағы ісікті сырқаттар себепкер болады. Емшекте баласы бар әйелдердің маскүнемдігі тіпті өрескелдік. Олар арақ түгіл, сыра ішуге де болмайтынын естерінде сақтаулары керек пе?. Ана сүтімен нәрестенің организміне енген алкоголь баланы тынышсыздандырады, ұйқысын нашарлатады, ақыл-есінің жетілуіне кедергі келтіреді. Ішкіліктің зияны мол екенін есте ұстаған семья мұны ұмытпағаны жөн.

Соған қарамастан «Арақ ішу дәстүріміз ғой!» деушілер де табылып қалады. Бұдан былай бұл зиянды «дәстүр» халық ұғымынан шығып, кейінгі ұрпақтың сөздік қорында болмауға тиіс.

Жалпы адам организміне зардап тек арақ-шараптан ғана емес, бұл күндері «сәнге» айналып жүрген темекі шегудің зияндылығы да аз емес.

Жыл сайын дүние жүзінде темекі шегудің салдарынан 4 млн. адам қайтыс болады екен. Мұны жыл бойына әр күн сайын 25 авиалайнер апатқа ұшырап, сол себепті түгел ажал…