Әрбір жан өз ісінің шебері тренинг сабағы

«Әрбір жан өз ісінің шебері» тренинг сабақ

Мақсаты:

1. Мұғалімінің әртүрлі жағдайда педагогикалық шеберлікті дұрыс пайдалана білуін дамыту.

2. Мұғалімнің кәсіптік деңгейін байқау және дамыту.

3. Мұғалімнің кәсіптік-педагогикалық ерекшеліктерін және эмоция жағдайларын дұрыс пайдалана білуіне жаттықтыру.

4. Мамандардың өздеріне деген сенімділіктерін арттыру, мақсаткерлік,кешірімділік туралы ойларын жетілдіру.

Қажетті материалдар мен көрнекіліктер: кестелер, үлестірмелі қағаздар,доп,тест сұрақтары.

Өткізілу әдісі: тренинг, тест әдістемесі,жаттығу.

Тренинг жүргізу барысы:

І.Ұйымдастыру.(жүргізілетін орынды дайындау,тренингтің өтілуі барысын түсіндіру.

«Сәлеметсіздерме, құрметті ! Бүгінгі сабағымыз әрбір жан өз ісінің шебері» деп аталады. Яғни, өз-өзіне сенімділікті арттыруға бағытталады. Қазақтың ұлы ақыны Абай Құнанбаев жырлағандай:

Сенбе жұртқа,тұрса да қанша мақтап,

Әуре етеді ішіне қулық сақтап.

Өзіңе сен өзіңді алып шығар,

Ақылыңмен еңбектің екі жақтап-деген шумақтарды еске ала отырып сабағымызды бастаймыз.

Вервалды қарым-қатынасқа түсуге байланысты эмоциялық жаттығу.

1 . Жаттығу «Сәлемдесу»

Қатысушыларға оқушылармен сәлемдесудің 10 түрлі эмоцисымен айтылу ұсынылады.

Қатысушыларға үлесстірмелі қағаз таратылады.

Үлестірмелі қағаздағы сөздер:

1.Қорқынышпен

2.шын көңілмен

3.қуанышпен

4.қанағаттанбай сәлемдесу

5.беделді сәлемдесу

6.таңғалып сәлемдесу

7.кінәләп сәлемдесу

8.селқос сәлемдесу

9.келемеждеп немесе әзілдеп сәлемдесу

10.ренішпен сәлемдесу

2. Жаттығу: Мына сөйлемді әртүрлі эмоцияда, дауыс ырғағы мен айтып

көріңіз.

«Қоян көжегінтастап кетіпті»

Қатысушыларға үлестірмелі қағаз таратылады.

1.сыбырмен

2.Қатты дауыспен

3.толқындап

4.қатты тоңып тұрған тәрізді

5.сіздің ұртыңызда ыстық картошка тұрғандай

6.кішкентай қыз бала сияқты.

3. Жаттығу: Тасбақа жаттығуы

Мақсаты: Қатысушылардың шыдамдылық реациясын байқау.

Қатысушылар бір сызықтың бойынан тұрады. Әрбір қатысушы тасбақа болады. Тасбақа сияқты жай жүре отырып бір бірімен жарысады. Кімнің қандай шыдамдылықта екенін байқаймыз. Ең соңында қалған адам жеңімпаз болады.

4. Жаттығу Лидер жаттығуы

Мақсаты: Қатысушының интуициясын, байқампаздығын байқау.

Он қатысушы шығады соның ішінен бір қатысушы сыртқа шығады. Қалған қатысушылардың ішінен бір қатысушы билейді соған қарап қалған қатысушылар бірдей билейді. Сыртқа шыққан қатысушы келіп сол биді үйретіп отқан қатысушыны табады.

5. Жаттығу . Караокэ жаттығуы

Мақсаты: Қатысушының қабылдауын, жылдам сөйлеуін, сөйлеу мәнерін байқау және дамыту.