Ардагерлерге арнау тәрбие сағаты 5 сыныпқа

Ардагерлерге арнауЕске түссе сол қасірет сол жылдар,Жүректерді дірілдетіп ой салар.Бойласақ тереңдетіп түбіне,Ашылмаған сырлар жатыр бұл сөзде.Қанды шайқас есте әлі бәрі де,Батырлардың даңқты ісі әр жерде.Аманаттап армандарын ақ таңға,Кетті ұшып ақ арманның жолында.Қан майданның жарасы әлі жүректе,Біледі жұрт таниды оны әр кезде.Айналған ақиқаттың туына,Қаһармандар,батырларым әлбете.Аналарым айырылды ұлынан,Аруларым айырылды жарынан.Қанша жанды жетім қылып өсірді,Қасіретті соғыс сөздің зардабы.Айырылса да талай батыр ұлдардан,Кездессе де талай қиын сындарға.Сенімменен,үмітпенен күтетін,Естілетін асқақ жеңіс ұраның.Міне,атты азаттықтың ақ таңы,Ұмытпайды мәңгі еске алады.Ерлікпенен қаза тапқан шайқаста,Батырлардың ерен ісі жырланды.Жас ұрпағым,жас буыным қарайла,Өткен шаққа тарихтың терең қойнына.Кешегі өткен дүлдүлдердің ер ісін,Ерліктерін дәріптейтін сен ғана.Сыйла оларды құрметтеп шыңға теңеп,Жырлар жазшы арыстанға оңы теңеп.Шалқып жүрген осы күннің арқасы,Қаһармандар,ардагерлер еңбегі.Оңайлықпен келді деме осы күн,Қан төгіліп жаста ақты көзден мың.Ардагерлер аман жүрші әр кезде,Айналған жеңіс тойдың себебіне.

Ардагерлерге арнау

Молдахметова Сауле Зилгараевна , учитель средней школы им. Б. Утетлеуова Сарыкольского района

Теңдессіз ерлік көрсеткен ардагер,

Оққа кеудесін тосқан майдангер.

Жас пен қанға шөлін қандырды жер.

Қанқұйлы жаумен шайқасқан күнде,

Санаулы қалған ардақты ардагер,

Сұрапыл қан майданда төккен тер.

Аспанымыз ашық, бейбіт күнде,

Көз алдынан кетпейді танктер.

Отан үшін отқа түскен ардагер,

Бойы таза ар, құрыштай жігер.

Мәңгі, мәңгі олардың есінде,

Елімізге қара бұлт төнген күндер.

Жау оғының дәмін татқан ардагер,

Дұшпанына күтпеген көрсетті өнер.

Жаралары тартылмаған көп жүрегінде,

Түсіне кіреді шайқаста қиылған өрендер.

Бейбіт таңына қол жеткізген ардагер,

Қанішерлерге тойтарыс берген жауынгер.

Әжімге толы, мейірбан жүзінде,

Соғыстың белгілері - өшпес іздер.

Арамыздағы, құрметті қаһарман-ардагер!

Қуаныш жасын сыйлаған әскер.

Ізгі ниетімізбен мерейтойда,

Тілейміз сізге бақытты, баянды күндер!

Тақырыбы: «Ардагерлерге тағзым ет»

Мақсаты: 1.Ұлы Жеңісті дәріптеу, өз Отанын, елін, жерін сүю, туған жеріне деген сүйіспеншілігін арттыру, Отанын, туған елін қорғай білуге тәрбиелеу.

2. Қазіргі өркениетке ұмтылған, қоғам талабына сәйкес өз пікір- көзқарасы, эстетикалық талғамы бар білімді, зерделі, рухани салт- дәстүрімізге жетік, ұлттық- патриоттық сезімі бай жеке тұлғаны қалыптастыру.

3.Ұлы Отан соғысында ерлік көрсеткен ата- бабаларымыздың ерлік істерін қастерлеп құрметтеу, рухын көтеру, үлгі- өнеге тұту.

Күтілетін нәтиже: Оқушылардың Ұлы Отан соғысы жайлы түсініктерін кеңейтіп, жеңістің оңайлықпен келмегеніне көздері жетеді.

Отанға деген шексіз махаббатқа, сүйіспеншілікке, өткені мен бүгінін таразыға сала алатын, келешегінің сабағын ертеңіне бағдар еткен рухтағы асқақ, жандары таза жастар тәрбиеленеді.

Көрнекілігі: Слайд, суреттер, «Ардагерлерге тағзым ет», «Жеңіс күні ұмытылмайды!» тақырыбы бойынша плакат ілінген.

/Ұлы Жеңістің 73 жылдығына/

Бүгінгі таңдағы Қазақстан жағдайында ұлттық патриоттық сезімін қалыптастырудың, адамгершілікке негізделген ұлт аралық береке –бірлікті, ынтымақтастықты, бейбітшілікті нығайтудың маңызы зор. Патриоттық сезім тұлғаның тектілігімен туындап, тәрбие арқылы өсіп жетіліп, патриоттық сана түрінде қалыптасады. Ұлттық патриотизм жеке адамның белгілі бір ұлтқа тән екендігін түсініп сезінуі, өз ұлтының қасиеттерін бойына сіңіруі және оны қастерлеп қадір тұтып, қорғап, сақтауға дайын болуы.

Халқы үшін тәуелсіздік жолында өмірлерін сарп еткен, ел аузында есімдері аңызға айналған батырларымыздың ерлігі мағыналы да, мәнді тарих беттерінен орын алып қала бермек.

Ерлік ешқашан есеппен жасалмайды, ол елім деп соққан жүректің әмірімен, тамырда атойлаған қанның жалынымен дүниеге келеді. Сондықтан да оның ғұмыры мәңгілік.

Құрметті ұстаздар, оқушылар бүгінгі күні ардагерлерге тағзым ете отырып, сіздерге 10 «Ә» сынып оқушыларының "Отты жылдар шежіресі" атты тақырыптағы радиолық қойылым тыңдалымын ұсынамыз.

Ақеділ: Қайырлы күн, құрметті ұстаздар, оқушылар!

Ұлы Отан соғысында құрбан болған аталарымыз бен әкелеріміздің, мәңгі жас болып жадымызда сақталған жауынгерлер мен офицерлер рухына, бейбіт кезеңде дүниеден өткен ардагерлер аруағына, бүгінде ортамызда жүрген Ұлы Отан соғысының ардагерлерінің құрметіне арналады.

І бөлім. «Бейбіт өмір»

Арай: Мамыражай ауыл өмірі. Ауыл жастары мектеп бітіру кешінде қыдырыстап жүр. (Сахнада 15 шақты қыз бен жігіт)

Нигора: Оу, қыздар, жігіттер бұл не тұрыс? Көңілімізді көтеріп би билейік.

Ақерке: Дұрыс айтасың, билесек билейік. (Ән басталып, би билей бастайды, осы кезде ән аяқтала бергенде ауа райы бұзылып, күн күркірейді. Радиодан дауыс естіледі.

Шыңғыс:Тыңдаңыздар, тыңдаңыздар! Сөйлеп тұрған Москва! 1941 жылы 22 маусымда фашистік Германия тұтқиылдан соғыс жариялап, елімізге басып кірді.

(Осы дауыс естіліп тұрғанда аң- таң болған жастар тұрып қалады, ауыл адамдары жинала бастайды. Сахнада адамдар тып- тыныш бола қалады).

Ерасыл: «Соғыс, соғыс» дейді, естідіңдер ме?

Гүлдана: Сұмдық- ай, соғыс дей ме? Енді қайттік? Күніміз не болар екен?

Дана: Қойыңдар, жамандық шақырмаңдар! Ел шетіне жау тисе, арқа сүйер азаматтар бар емес пе?!

Аян: Ат басына күн туса,

Ауыздықпен су ішер.

Ер басына күн туса,

Етігімен су кешер,- деген бар емес пе?! Жыламаңдар! Көз жастарыңды тиыңдар!

Жәйна: \баласын сүйіп келініне қарап)

Оралсын аман жеріне,

Көріссін туған елімен.

Үлкен үйден дәм татса,

Кешікпей дейді келеді.

Нигора:(қалтаға салынған топырақты берген келіні)

Кебін киген өледі,

Кебенек киген келеді.

Үлкен үйден дәм татса,

Кешікпей дейді келеді.

(Жарының соңынан жылап қалаған екен. Әскери музыка ойнап тұрады)

Жақсылық: "Отан үшін отқа түс, күймейсің" деген дана халқымыз. ел қорғауға ер намысымен аттанған біздің алдымызда үлкен бел жатыр.

Аркен: Туған елдің келешегін сақтауға біз міндеттіміз! Ендеше, Отан үшін аттанайық!

Шыңғыс: Тыңдаңыздар, тыңдаңыздар! Отанымызды жау қапыда басты. Ел үшін, жер үшін барлық азаматтар Отан қорғауға аттаныңыздар!

Барлығы: Отан үшін аттанайық!\ Мылтық, миномет, снаряд дауыстары естіліп жатты.\

Ақеділ: Тепсе екпіні тау құлатқан,

Алған демі дауылдатқан.

Батыр қазақ, шапшаң баптан,

Аттан жауға, аттан, аттан!

Арай: 1941 жылы 22 маусымда ер азаматтар асығыс соғысқа аттанды.

2- бөлім. "Отан үшін отқа түс"

Ақеділ: Отанын қорғауда қазақстандықтар ерен ерлігімен танылды. Мәскеу үшін болған шайқаста қазақстандық 28 батыр жауынгердің ерлігі ерекше.

Арай: 1941 жылдың 16 қарашасы немістер Москваға Волокалам бағытында ұрысқа шықты.

(Шағындау келген бөлмеде қабырғадағы картаға мұқият генерал қарап тұрады).

Шыңғыс: Қап! Мына фашист иттің тікендей қадалып тұрғанын қарашы! Соқыр ішектей созылып тұрғанын нағылеттің!

(Осы кезде Бауыржан кіреді)

Аян: Бұйрығыңыз бойынша келіп тұрмын, жолдас генерал!

Шыңғыс: бері жақындаңыз, капитан Момышұлы! білген адамға карта- жердің айнасы. Көрмеген жерді карта арқылы танып, оның жол- жобасын, ой- шұңқырын, орман- даласын картадан ғана көріп отырмыз.

Аян: Иә, жолдас генерал." Карта- білмегенге сенімді жетекші" деген сөз бар ғой.

Шыңғыс: Дұрыс, ал енді жақындап қараңыз.Көріп тұрсыз, мына бармақтың таңбасындай қара белгі Демянск деген қала, жау қол астындағы жер, яғни дұшпанның армиясы. Мына жыбырлап шашылып картаның бетіндегі секпілге ұқсап жатқан 90 шақты деревняның барлығы дұшпан қолында. Осы жерлерді, бір сөзбен айтқанда Москваны дұшпанның шеңгелінен азат етіп, жерін босатып алу Сіздің полкке міндеттеліп отыр, капитан Момышұлы!

Аян: Түсінікті, жолдас генерал! Дұшпан осал емес, мықты жау. Құр бопсалауға ол көне қоймас. Бірақ олар қанша мықты болса да, біздің жауынгерлер олардан ыға қоймас.

Шыңғыс: Аһ, соғыс, соғыс! майдан, қырғын, арпалыс, қылшылдаған аяз, қасарысқан дұшпан. Осының барлығына шыдау керек.

Аян: Тізе бүгіп тірі жүргеннен,

Тік тұрып өлген артық емес пе?!

Шыдаймыз, жеңеміз жауды!

Шыңғыс: Капитан Момышұлы, сізге батальоныңызбен бірге Москва түбін жаудан азат етуді бұйырамын.

Аян: Құп болады, жолдас генерал!

(Бауыржан жанында 2-3 жауынгері бар)

Аян: -Әй, жігіттер, қазақ қазақ болғалы талай- талай қамаудан өткен. Талай шабуыл- жорықтарды басынан кешірген. Халық басына күн туғанда, қалың қауымды бастайтын ері болмаса, ел не болмақ? Халқымыз мұнда бізді қонаққа жіберген жоқ. майданға, халық бақытын қорғауға жіберді. Жігіттер, істеріңе адал болыңдар. Отан үшін, отқа түс, күймейсің. Өлсек шейітпіз, халық үшін қазамыз. Ал біріміз осалдық істесек- опасыздық жасағанымыз. Өлсек те ел намысы дегенді ұмытпайық.

Ерасыл: Бауыржан, дұрыс айтасың. Міндет те, кім екеніміз де, бұл жерге не үшін келгеніміз де түсінікті. Халқымызға, ел- жұртымызға, қазақ баласы деген атымызға қара таңба салмайық.