Армысың, әз Наурыз ашық сабағы, балабақшаға

«Армысың, әз Наурыз!»

Әжесі мен немересі екеуі наурыз көже пісіріп, бар тәтті-дәмдісін қойып, дастархан әзірлеп жатады.Барлығы әзір болған кезде әжесі немересіне атасын шайға шақырып келуге жібереді.

Әжесі: -Айналайын құлыным,барып атаңды шайға шақырсаңшы! Әне-міне дегенше қонақтарымыз да келіп қалар.Дастарханымыз,наурыз көжеміз де дайын болды.

Немересі: (жүгіре басып есік алдында жүрген атасын шақырады) -Ата, шайға келіңіз.Наурыз көже,дастарханымыз да дайын болды. Атасы: -Рахмет балам,өркенің өссін! Келе жатырмын. (Барлығы дастархан басына отырады.Әжесі наурыз көже құяды,атасына, немересіне береді)

Әжесі: -Балам,ит үріп жатыр.Қонақтарымыз келіп қалған сияқты,алдарынан шығып қарсы алшы.

Немересі: -Жарайды, әже! Сәлеметсіздер ме? Қош келдіңіздер,үйге төрлетіңіздер!

Қонаққа «Балапан» тобы келеді . -Рахмет! Қош көрдік. (Қонақтар үйге кіреді.Үй ішіндегі ақсақалмен төс қағысып,қол алысып, әжеймен амандасады.)

-Ассалаумағалейкум,ақсақал! Сәлеметсізбе әжей? Қал- жағдайларыңыз қалай,есен-саумысыздар?

Әжесі: Қош келдіңдер айналайындар! Жоғары төрлетіп отырыңдар,наурыз көжеден ауыз тиіңдер,қымыз ішіңдер!

Қонақ -Ұлыс күні қазан толса, Ол жылы ақ мол болар. Ұлы кісіден бата алса, Сонда олжалы жыл болар. –дегендей сіздерді арнайы ұлыстың ұлы күнімен құттықтап, әжеміздің тіл үйірер наурыз көжесінен дәм татайық деп жәнеде ата, ұлыстың ұлы күнінде сексеннің сеңгіріне келіп қалыпсыз ,«Орамал тон болмайды жол болады» дегендей мынау шапанды иығыңызға жабуға рұқсат етіңіз.(Қонақтар орындарынан тұрып ақсақалдың иығына арнайы алып келген шапандарын жабады)

Атасы: -Рахмет балам, өркендерің өссін! Әжесі: -Осындай сый-сияпаттарыңа рахмет айналайындар.Бақытты болғайсыңдар!Дәм алып отырыңдар.

-Қаламқас, құлным сен жақсы ән шырқаушы едің ғой. Дауысыңызды сағынып қалыппыз,бір ән шырқап жіберші құлыным.

Қаламқас: -Әрине,әжетай !Айтсам айтайын. (Қаламқас ортаға шығып,өзінің әнін орындайды.) Атасы: -Талабың таудай,өнерің үстем болсын алтыным. Қонақ: Ата-әже біз бұл өнермен шектелмейміз. Біздің биші де балапандарымыз бар. Өнерін тамашаланыздар. Қане, балақайлар ортаға келіп ата-әжелеріңе өнерлеріңді көрсете қойыңдар.

Би:Қара жорға Қонақтар: -Ал ата,әжей рұқсат болса біз жолға шығайық.Баратын тағы басқа жерлеріміз бар. Аман сау болыңыздар!

Әжесі мен атасы: Сау бол айналайын.Жолыңдарың болсын. Немересі: -Ата, әже сіздерді құттықтауға балабақшамыздың «Аққу» тобының балалары келе жатыр екен. Соларды алдарынан шығып қарсы алайын.

(Немересі келген қонақтардың алдынан шығып қарсы алады)

Қонақтар «Аққу» тобы -Сәлеметсіздерме? Ұлыстың ұлы күні құтты болсын! Дендеріңіз сау,аман-есен болып ,немере- шөберелеріңіздің қызығын көруге Алла Тағала нәсіп етсін!

Атасы:- Аумин балам,айтқандарың келсін! Әжесі: -Рахмет,құлындарым! Келгендерің жақсы болды,төрлетіңдер.Наурыз көже алыңдар,дастарханнан дәм алып отырыңдар.(Әжесі қонақтарға наурыз көжесінен құйып береді.)

Қонақтар: -Ата,әжей бізде сіздерді ұлыстың ұлы күнімен жәнеде атамыздың мерейтойымен құттықтап ,өз өнерлерімізді көрсетіп қайтуға әдейілеп келген едік.

Әжесі: -Бұларың өте дұрыс болған екен, балам. Ендеше өнерлеріңді тамашалайық.

Қонақ: Атай, біздің ұлдарымыз сіздің немеренізбен бірге ұлттық ойындар ойнап көрсек дейді. Кәне, ұлдар ортаға келіп ұлттық ойындарды көрсетіңдерші.

(Балалар ортаға шығып ұлттықойын түрлерін көрсетеді.) Немересі: Ой қазақтың ойындарын ойнаған сондай қызықты. Маған ұнап қалды. Енді жиірек ойнап тұралық.

Балалар: Әрине Қонақ: Әжей біздің қыздарымыз да өнерден қашық емес олар сіздерге арнап ән салып бермекші, иа қыздар. Хор: «Біз ауылға барамыз»