Армысың, әз Наурыз мерекелік сценарийі 3 сыныпқа

Наурыз-жыл басы

Ақ әже:

Наурызым әкелсін деп береке,ырыс, Дәніме толып тұрсын барлық ыдыс. Жаңадан келе жатқан жылдың басын Ақ құйып қарсы алғаның өте дұрыс.

Берекең осылайша ортаймасын, Шаңырақ биік тіккен шайқалмасын. Босағама о,Наурыз, құт боп кіріп Елімнің ырысты ет кәрі-жасын.

Атқа мінген ұл бала мен қыз бала шауып шығады.

Ұл бала:

Уа, ағайын, туысқан! Наурыз күн туды шығыстан. Сол тойға келдім шақырып Ат терлетіп алыстан!

Қыз бала:

Ақ түйенің қарны жарылды, Наурызды елім сағынды. Асыққын сен де сол тойға Барлық жұрт мұнда ағылды.

Оқушылар шығады

Шарапат: Келіңдер, Наурыз тойға бәрің бүгін Аямас өнерпаздар ән мен жырын. Тойлайық халық тойы Наурызымның Шуағын жерге төккен бақыт күнін.

Әлғазиз: Келіңдер,Наурыз күнін қарсы алайық. Билейік, жыр жырлайық, ән салайық. Қаһарлы қыстан өтіп наурыз келді, Арқаңды кеңге салшы, уа, халайық!

Ағуза: Келді ғой көктем, құдырет біткен ғажайып. Құрметпен оны күтіп ал, жұмыла халайық. Қалада,қырда жаңа жыл тойын дүрлетіп. Алаулуатып наурыздың отын жағайық!

Нұрболат:Ақ қар кетіп, қыс өтіп, Шырайлы шуақ жаз жетіп, Шаруаның бұл кенелген Күн мейрамы ежелден Құтты болсын бұл Наурыз!

Мұғалім: Құрметті қонақтар,сүйікті балалар! Наурыз мерекесі құтты болсын! Күлімдеген күн шуақты көктеммен бірге қазақ даласына жаңа жыл келеді. Әр адам келер жылдан үлкен үміт күтіп, оны ақ тілекпен қарсы алады.Міне, біздің асыға күткен Жаңа жылымыз да табалды-рықтан аттағалы тұр.Бәрімізге жаңа жыл бақыт пен берекенің жылы болсын!

Қолында дүрбісі мен киіз кітабы бар Жұлдызшы ата келеді.

Жұлдызшы:Армысыңдар,ағайындар!Бармысыңдар,бауырлар! Осында Наурыз тойы болады дегенді естіп келіп тұрмын.Халқымыз «Той дегенде қу бас домалайды» деп бекер айтпаған. Жасым біразға келсе де мен де қарап жата алмадым. Сендерге жеткенше асықтым.Жаңа жылдарыңыз құтты болсын!

Мұғалім: Ел ішінде ардақ тұтар еңселі, Ортаға шық, Жұлдызшы, берірек кел. Баршамызды қызықтырған биылғы Сізге мәлім қандай жылдың келгені.

-Балалар,бұл біздің Жұлдызшы атамыз.Қолындағы дүрбісімен жұлдыздарға қарап болашақ-ты болжап отырады.

Жанель:Жұлдызшы ата,биылғы келетін Жаңа жыл иесін айтып беріңізші.

Жұлдызшы:Қане,қарап жіберейін.Ә-Ә-Ә, көрдім.Биылғы жыл иесі Доңыз екен ғой. Жарықтық жерге қонуға жақындап қалыпты.

Мұғалім: Жұлдызшы ата, он екі жыл бір мүшелді құраған, Бұрынғылар «Жылың не?» деп сұраған. Әрбір жылдың өзіне тән сыры бар, Ниет қойып білу керек мұны адам-дегендей, әрбір жаңа жылдың адмзатқа әкелер өзңндік жаңалығы мен сый-сыяпаты болады емес пе? Доңыз жылының қасиеті жайында мына жиналған қауымға не айтар едіңіз?

Жұлдызшы:Айтайын,қарағым (кітабына қарап).Егер жыл иесі Доңыз болса, ол берекелі болуға тиіс.Жаз жаңбырлы, күз егінді, қыс жұмсақ болады. Мал басы артып, жанға-жан қосылады.Жер бетінде адалдық,мейірімділік,дархандық пен ізеттілік салтанатын құрады. Жер-Ана өз перзенттеріне барынша жомарттық танытады.

Мұғалім:Ой,ата-ай! Мынауыңыз тамаша екен.Айтқаныңыз келсін.

-Ал, балалар,қонақтар! Олай болса,берекелі де,мерекелі де жыл болғалы тұрған Доңыз жылын қарсы алатын уақыт келген сияқты.

-Доңыз жылын қарсы алар шақта бұл,Дабылшылар дүрсілдете қақ дабыл!

Доңыз келеді

Доңыз: Мен келдім міне ортаңызға Амандық тілеп баршаңызға. Саулығын берсін деймін бәріңізге Жеткенше барлығымыз тышқан жылына.

Іңкәр: Наурызға бүгін міне ағылды жұрт Күттіріп, бар жұртымды сағындырып. Аттаған есігімді жаңа ғана О, доңыз,құтты келдің,жоғары шық!

Шарапат:Қадамың құтты болсын! Еліме бақыт жылы, бейбіт жылы болып кір!

Мұғалім: Бас қонақ өзіңсің осы тойда Отыршы төрімізге көрпе жай да. Қарсы алған Доңыз жылын алғаш рет Бүлдіршін көрсет өнер осындайда,- деп кезекті балаларға берелік.Жаңа жылға дайындаған қандай тілектері бар екен.

1-бала: Тақпақ айтам жыл басы, Құлағың сап тыңдашы. Бар бөбекке өзімдей Бейбіт өмір сыйлашы.

2-бала: Күттіріп келген жыл басы Бізбене бірге жырлашы. Дастарханыма елімнің Береке,ырыс сыйлашы.

3-бала: Тақпағым бар жаттаған Соны айтып мақтанам Бір жасқа мені өсірді Жаңа жыл жаңа аттаған.

4-бала: Әнім де, саған биім де Құт қонақ өзің үйімде. Қуаныш сыйлап еліме Күлімде,Наурыз, күлімде.

Мұғалім: Балалар,іштеріңде мерекеге әннен шашу шашатындарың бар ма?

Ағуза «Наурыз-көктем» әні

Інжу: Жұлдызшы ата, айтыңызшы, 22 наурызда Күн мен түн теңеледі дегені рас па?

Жұлдызшы: Балам, осы жаққа қарай Күн мен Түннің өздері келе жатыр. Олардың өздерінен сұралық.