"Армысың, Әз Наурыз" Мерекесі

"Армысың, Әз Наурыз" Мерекесі

Мақсаты: Оқушыларға Қазақ халқының ұлы мерекесі Наурыз мейрамы жөнінде түсінік бере отырып, халқымыздың салт – дәстүрін бойларына дарыту арқылы, шынайылыққа, адамгершілікке, ұлтжандылыққа тәрбиелеу.

Көрнекілігі: Қазақтың киіз үйінің жабдықтары, ұлттық тағамдар, ұлттық киімдер, т. б.

Тех-лық құралдар: дыбыстық апаратура, проекторлар, 4 микрофон, 2 ноутбук.

Кезеңдері:І. ТаныстыруІІ. "Әуенді тап" байқауыІІІ. Қазақтың салт дәстүрлері мен ырым – тыйымдарды атаIV. Ұлттық билерден сайыс.V. Ұлттық ойындар

Іс-шара басталғанға дейін қонақтарды дастархан басында 2 қыз қарсы алады

Фанфары

1-жүргізіші:

Армысыздар, халайық!Әр кез аман болайық.Наурыз тойын қуанып,Жылда қарсы алайық!

2-жүргізіші: Жер әлемді жайнатып, әнші құстар сайратып, наурыз тойын тойлатып, Ұлыстың ұлы күні келді ағайын. Той құтты болсын! Ақ мол болсын! Қайырлы күн, құрметті қонақтар! «Армысың, Әз Наурыз» мерекесіне қош келдіңіздер!1-жүргізіші: Гүлдей болсын өмірлеріңіз,Нұрға толсын көңілдеріңіз.Биік боп жұлдызыңызКөктемдей құлпырыңыз. Бақыт қонсын басыңызғаҚолдап жүрсін Тәңіріңіз!2-жүргізіші: Мерекелік құттықтау сөзді жетекшімізге береміз. 1-жүргізіші: Ой, халайық, халайық,Жырдан шашу, шашайық.Нәзік үнді Фатиманың

Әсем әнін тыңдайық Ән: "Наурыз"

2-жүргізіші:Наурыз – жаңа жыл тойы, халықтардың ынтымақ күні. Наурыз – қазақ күнтізбесінде бірінші айдың аты. Осы мерекені тойлайтын халықтар үшін үлкен салтанат. «Самарқанның көк тасы жібіген күн» деп қастерлейді.

Наурыз келсе,Құт келгені халайық!Есік ашып, шашу шашып,Ел боп қарсы алайық 2 қыз шашу шашады

1-жүргізіші: – Мұсылман ұғымы бойынша 21 – наурыз күні түнгі сағат үште аспаннан Қыдыр ата түседі екен. Бабаларымыз осы түнді кірпік ілмей күткен, Қыдыр бабаны қарсы алған. Осы түні әр адам қандай ой – арман ойласа, ол жаңа жылда қабыл болады деп ырым еткен.

Қыдыр ата келеді

2-жүргізіші: Қош келдің Қыдыр ата!Бата:Ұрпақтардың бағы болсын,Арайланған таңы болсын,Ақ батамен қол жайғанның,Тілегінің бәрі болсын,Елдің іргесі берік болсын,Жасқа қызмет, кәріге құрмет болсын.Ұлыстың Ұлы күні әрбір отбасына қуаныш, бақыт әкелсін!Ұлыс оң болсын! Ақ мол болсын!Аумин!

1-жүргізіші: Наурызда жаңа жыл басталады.Жаңа жыл жақсылыққа бастар әні.Жер ана да бусанып қозғалуда,Ақ көрпесін сыпырып тастағалы.2-жүргізіші: Құрметті қауым! «Армысың, Әз Наурыз» мерекелік іс -шарамызбен таныс болыңыздар:

1-жүргізіші:І кезеңде ТаныстыруІІ кезеңде "Әуенді тап" байқауыІІІ кезеңде Қазақтың салт дәстүрлері мен ырым – тыйымдарды ата

IV кезеңде Ұлттық билерден сайыс.V кезеңде Ұлттық ойындар

2-жүргізіші: Әділдікпен баға берер баршаға,Әділдікпен қарақылды қақ жаруға,Әділқазы алқаларын сайлайық,Үздік ауылды бүгін таңдап алуға – деп қазылар алқасын сайлайық:

Колледж директорі Құсайын Ж.Қ.

Дир орынбасары Ибраева Т.О.

Дир орынбасары Гомонова В.Г.

1-жүргізіші: Наурыз тойы тойланатын күн осы,Ақ дала жасыл далаға айналып,Наурыз тойға арналады жыр осы – дей отырып, іс – шарамызды бастаймыз!2-жүргізіші: Бүгін бізге сайысқа,Алуан ауылдар келіпті.Кім екенін білейік,Танысуға кезек берейік, – әр ауыл өздерін таныстырып өтсінІ. Таныстыру кезеңі2-жүргізіші: Өз ауылын таныстыру үшін..............................ауылын ортаға шақырамыз1-жүргізіші: .......................................................... ауылын шақырамыз.2-жүргізіші: .......................................................... ауылы

1-жүргізіші: .......................................................... ауылын шақырамыз.2-жүргізіші: .......................................................... ауылы

2-жүргізіші: Сіз білесіз бе? Наурыз мерекесін тойлау дәстүрлі дүние жүзі халықтарының көпшілігінің тұрмыс – салтында бағзы замандардан бері орын алған деседі.1-жүргізіші: Иә, иә. Бұл күнгі дастархандағы дәм, айтылар әңгіме көпке ортақ болған екен. 2-жүргізіші: О заманда ашқан қазақ өнер сырын,Шақырған сайыстарға бірі –…