Армысың, әз Наурыз тәрбие сағатының жоспары

М.Тынышпаев атындағы ҚазККА

Ақмола көлік колледжі

БЕКІТЕМІН Директордың тәрбие ісі жөніндегі

орынбасары А.О.Сәрсенбаева «____»___________2019ж.

Тақырыбы: «Армысың әз Наурыз»

Жетекшілік сағаты

ЭҚ-18/1, АБ-36/2 тобының жетекшісі:

______________________Б.Д.Мухтарханова

Астана 2019

Күні:_____________________ Тобы:____________________ Тақырыбы: «Армысың әз Наурыз» Мақсаты: Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білуге тәрбиелеу. Көрнекілігі: Нақыл, қанатты сөздер, сайысқа керекті жабдықтар, музыкалық орталық Барысы: Жүргізуші: - Армысыздар, ұстаздар, ата – аналар, қонақтар! Бәріміздің асыға күткен Наурыз тойымыз келіп жетті. Тойларыңыз құтты болсын! Наурыз – «жаңа күн» деген сөз. Бұл күн – біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын! Өздеріңіз көріп отырғандай біздің топ бүгін 3 топқа бөлінген. 1-топ Шаңырақ 2-топ Береке 3-топ Ырыс Бүгінгі Наурыз мерекесінде 3 топ бақ сынамақ. (Ортаға әр топтан 1 жүргізушіден шығады) Жүргізуші: Наурыз айы – Шығыс күн есебі бойынша жылдың алғашқы айы. Бұл айда жылдың алғашқы айы есебінде күн мен түн теңеледі, сол себептен Наурыз жыл басы болып саналады. Ендеше Наурыз сайысымызды бастайық. Сайыс бағдарламасы 5 байқаудан тұрады. 1 – бөлім: «Кел, танысайық» 2 - бөлім: «Ағаш көркі жапырық» 3 -

Сайысымыз: 5-10 балдық жүймен бағаланады

Жүргізуші: Деген екен Қазақ халқы «Сәлем – сөздің анасы,» Біледі оны еңкейген қарт, еңбектеген баласы. Амандасу – ізгіліктің, сыпайылықтың белгісі, Сәлем достар! Амансың ба? Қалайсың? – деп «Кел, танысайық!» атты бөлімімізді бастаймыз. Ортаға сайыскерлерімізді шақырамыз. (Бұл байқауда әр топ өз топ мүшелерімен таныстырады.) І-жүргізуші_____________________________________: Наурыз – көктем мерекесі. Наурыз – жыл басы.

Наурыз – жаңа серпін, жаңа леп. ІІ-жүргізуші _____________________________________: Наурыз – қуаныш мерекесі, Бақыт пен шаттық мерекесі. ІІІ-жүргізуші _____________________________________: Наурыз – шаруаның мерекесі. Наурыз – еңбек мерекесі. І-жүргізуші _____________________________________: Армысыңдар, халайық, Бармысыңдар, халайық. Наурыз тойын жұп жазбай Жылда қарсы алайық. ІІ-жүргізуші _____________________________________: Ал, халайық, тұрмайық, Әндетейік жырлайық! Ортамызды ашайық, Ырыс тілеп бұл жылға, Жырдан шашу шашайық! ІІІ-жүргізуші _____________________________________: Наурыз тойым, Наурыз тойым Құтты болсын, халайық! Қане достар, қане достар Шырқап әнге салайық. Бәрі бірге: Ән: «Наурыз көктем» Жүргізуші: Келесі бөліміміз «Ағаш көркі жапырақ» деп аталады. Бұл бөлімде сайыскерлеріміз Жауап жазылған стикерді ағашқа іліп безендіреді. 1 – сұрақ: Абайдың шын аты кім? (Ибраһим) 2 – сұрақ: 1 дециметрде неше сантиметр бар? (10см) 3-сұрақ Наурызды қалай түсінесің? 4-сұрақ. Наурыз көже неден жасалады?

1-сұрақ. Ұлттық киімдерді ата? 2-сұрақ. Қазақ ұлтына тән тойларды атаңыз. 3 – сұрақ: Адам өміріне қажетті 5 жағдай...(ауа, тағам, жылу, жарық, су) 4 – сұрақ: Қызыл кітап не үшін қажет? (Азайып бара жатқан жануарлар мен өсімдіктерді қорғау үшін қажет)

1 – сұрақ: Қазақтың ұлттық киімдерін ата? 2-сұрақ: Ұлттық ойындарды білесіңдер ме?, оларды ата? 3-сұрақ: Наурыз қай мезгілде және Наурызда қандай ерекшеліктер болады? 4-сұрақ: Күн мен түн теңелетін мезгілді ата?

Жүргізуші Наурыз мейрамы — өте ерте заманнан бері халықтар тойлап келе жатқан тұрмыстық мереке. Ол парсымыз «Наурыз» жаңа күн деген сөзінен шыққан. Бұл жөнінде халқымыздың кемеңгер ұлдары Абай, Шәкәрім, Мұхтар Әуезов, Ахмет Байтұрсынов біршама деректер жинаған. Күн мен түн теңелген, мал төлдеп, адамның аузы аққа тиген, жер бусанып, малдың аузы көкке тиген ырыстың басын қазақ елі – «Ұлыстың ұлы күні»- деп атайды екен. Наурыз -

күні жаңарудың, өсудің, түлеудің басы. Наурыз күні — имандылық мереке. Наурыз — көктем мерекесі, еңбек тойы, ырыс пен молшылық бастауы. Ендеше келесі кезеңімізге көшсек «Өнерлі өрге жүзер» Әр топтан бір бала өз өнерлеріңізді ортаға салсаңыздар

Жүргізуші: Күн оянды, әлемге нұрын шашып, Түн оянды, жұлдызы жамырасып. Сан әуенге толтырып төңіректі Жер оянды, тіршілік әнге басып. Келесі бөлім «Мені жалғастыр» деп аталады. Бұл бөлімде мақалды жалғастырады.

1топ. Әдепті бала – арлы бала, Әдепсіз бала сорлы бала Орағың өткір болса, қарың талмайды, Отаның берік болса, жауың алмайды. Бір тал кессең –он тал ек

2 топ. Отансыз адам — Ормансыз бұлбұл. Ер жігіт: «Өскен елім, — дейді, Кіндік кескен жерім», — дейді. Туған жердің күні де ыстық, Күлі де ыстық.

3топ. Іргесі берік елді — жау ала алмас, Ауызы бір елді — дау ала алмас. Тісің барда ысқыр, Мұрның барда пысқыр. Батырға оқ дарымайды, Батылға жау жоламайды.

Жүргізуші 5 – бөлім бұл «Ою ойғанның ойы ұшқыр» 3 топтан қыздар ортаға шығып оюдың бір түрін қағазға түсіруі керек

Көрсетті өнерлерін жаңа ғана, Сыналып үлкендерден үлгі алуға. Салты бар өнерлі осы ортада, Берер деп әділ – қазы әділ баға – деп, әділ – қазыларға сөз кезегін береміз. (Әділ-қазы шешімі айтылады)

Алғыс хаттармен марапатталады