Аспазшының қасығы ашық сабағы мектепке дейінгі балаларға

Күні: 28.02.2019жБілім беру саласы: Шығармашылық

Білім бөлімі: Мүсіндеу

Тақырыбы: «Аспазшының қасығы» Мақсаты: Балалардың қарапайым ыдыстар туралы түсініктерін толықтыру. Ермексаздан қасықты илеп жасауда саз кесекті саусақпен басып, тереңдетіп мүсіндеуге үйрету. еңбексүйгіштікке, шығармашылыққа тәрбиелеу.

Қажетті құралдар: Ойыншықтар (ыдыс түрлері) сиқырлы сандық.

Әдіс кезеңдері

Мотивациялық – қозғаушылық кезеңі.

Шаттық шеңбері:

Арайлап таң атты,

Алтын сәуле таратты.

Қайырлы күн достарым!

Қайырлы күн апайым.

Жағдаят.

Балаларға әр түрлі ыдыс – аяқтар салынған сәлемдеме келеді.

Шаттық шеңберінде сәлемдеседі.

Ұйымдастырушы-ізденушілік кезеңі.

– Ой, балалар, қараңдаршы?! Мұны кім әкелді? Тамаша екен, ішін ашып көрейін ба?

Балалар таңданады.

Мұнда шәйнек те бар, қасық , шанышқы, кесе де бар. Қандай әдемі ыдыс-аяқтар?! Ендеше, мен сендерді ыдыс – аяқтармен таныстырайын ба?

Ыдыс – аяқтардың өте көп түрлері бар. Қасық, шанышқы, шәйнек, стақан. Шәйнек – шәйді қайнатып ішу үшін қажет.

Ал стақанға сол шәйді құйып ішеміз. Тәрелкеге тамақ саламыз. Ол тамақты қасықпен, шанышқымен алып тамақтанамыз.

Ғажайып сәт. Топқа аю кіреді.

– Балалар, сәлеметсіңдер ме?

– Сәлеметсіз бе, аю аға?!

– Сендер мұнда неге жиналып отырсыңдар?

– Аю аға , біз ыдыс – аяқтар туралы танысып жатырмыз.

– Ай , бәрекелді, мен сендерден көмек сұрайын деп келдім? Мына ыдыстағы балды жей алмайтын болдым.

Балалар балды немен жейді?

Балалар: Қасықпен.

Аю: Ендеше маған ермексаздан қасық жасап беріңдерші.

Тәрбиеші: Ермексазды шымшып бөліп алайық. Енді тақтайшаның үстіне салып есеміз.

Бас бармағымызбен қасықтың бетін мыжу арқылы мүсіндейміз.

Сергіту сәті.

Добым ,добым домалақ,

Қайда кетің домалап.

Үстел үстін бүлдірдің,

Тәрелкені сындырдың.

Рефлексивті-түзетушілік кезеңі.

– Рақмет, сізге Аю аға.

Менің де орманға кететін уақытым болды. Балға әбден тоятын болдым.Рахмет сенедерге.

Сау болыңдар!

Көрме ұйымдастыру.

Ұйымдастырылған оқу қызметіне жақсы қатынасқан балаларды мақтаймын.