Астана айбынды ақ ордам тәрбие сағаты 6 сынып

Ашық тәрбие сағатының тақырыбы: «Астана – айбынды ақ ордам»

(Астананың 20 жылдығына арналған сайыс сабағы)

Сабақтың мақсаты:

а) білімділік – оқушыларға Астана қаласының 20 жылдағы жетістіктерімен таныстыру; Астана қаласының тарихи- мәдени орындарының маңызын түсіндіру;

ә) дамытушылық - оқушылардың жеке басының сапалық қасиеттерін арттыру, жеке тұлға қалыптастыру бағытында дүниетанымын кеңейту, ойлау қабілетін, тіл байлығын дамыту, сөздік қорларын байыту;б) тәрбиелік - өлең, жұмбақ, мақал-мәтелдер арқылы оқушыларды рухани-эстетикалық , еліміздің бас қаласы - Астананы құрметтеуге, тарихын білуге, Отансүйгіштікке тәрбиелеу.Түрі: танымдық сайыс сабақПәнаралық байланыс: әдебиет, тарих, орыс тілі, шетел тілі, бейнелеу өнері, музыкаКөрнекілігі: интерактивті тақта, слайд, сиқырлы әріптер, Астана қаласының суреттері, «Алма ағашы» макеті, түрлі түсті шарлар т.б.

Тәрбие сағатының барысы:

Мұғалім:

- Қош келдіңіздер, құрметті қонақтар, мұғалімдер, оқушылар! Біз бүгін бәріміз білетіндей, Астана қаласының 20 жылдық мерейтойына арналған «Астана-айбынды ақ ордам» атты танымдық сайыс сабағын өткізгелі отырмыз. Сабақтың мақсаты- Астана қаласының тарихы мен 20 жыл ішінде бағындырған жетістіктерін сөз ету, қаламыздың тарихи-мәдени орындарымен танысу, бас қаламызды құрметтеуге, сүюге тәрбиелеу болып табылады. Сіздердің Астана қаласы жайында білетін білім, біліктеріңізді бағалап, тамашалауға көптеген қонақтар келіп отыр.

Ал, құрметті қонақтар және сайысқа қатысушы «Бәйтерек» және «ЭКСПО-2017» топтары! Сіздерді бүгінгі сайыс кезеңдерімен таныстырып өтейін.

Сайыс кезеңдері:

1.Таныстыру. (топтың атын, ұранын, төсбелгімен қысқаша таныстырып өту, уақыты-3 минут)

2. «Кім көп біледі?» (Елордамыздың тарихына байланысты 12 шолу сұрақтарын қою, дұрыс жауапқа1 ұпай. Уақыты-5 минут)

3. «Бұл қай ғимарат?» (2 топқа жекелей 3 түрлі ғимараттардың суреті көрсетіледі. Уақыты- 6 минут)

4. «Үйге берілген тапсырма» (үйден дайындаған шығармашылық жұмыстары (өлең шығару, эссе жазу, ән айту, сурет салу, би билеу,жоба жасау, қолөнер т.б. ) Уақыты-12 минут.

5. «Астананы жыр етем...» сергіту ойыны. (Өлең шумағына қатысты ұйқас құрастыру. Уақыты-4 минут)

6. «Мың бір мақал, жүз бір жұмбақ» (мақалдан қалып қалған сөзді тауып және жұмбақтың шешуін тауып, орысша, ағылшынша аудару). Уақыты-5 минут.

7. «Дыбыстар сөйлейді» (берілген әріптерден басталатын Астана қаласына тілектерін айту). Уақыты-2 минут

8. Қорытынды. (мақтау қағазымен жеңіске жеткен топты марапаттау). Уақыты-3 минут.

Сайысымызды бастамас бұрын әділқазылар алқасын сайлап алайық. Сайыскерлердің білімін таразылап, өздеріңізге е баға беруші әділқазылар алқасымен таныс болыңыздар.

Ендеше сайысымызды бастауға рұқсат етіңіздер. Олай болса, іске сәт!

1.Таныстыру. (топтың атын, ұранын, эмблемасын қысқаша таныстырып өту, 3 минут уақыт беріледі)

«Бәйтерек» тобы

«ЭКСПО-2017» тобы

2. «Кім көп біледі?» (Елордамыздың тарихына байланысты 12 шолу сұрақтарын қою, тез белгіні көтеріп жауап берген топ әр сұраққа 1 ұпайдан алады. Уақыты-5 минут).

1. Қазақстан тарихында неше астана болды? Атап беріңіз. (төрт)

1920 -1924 жылдары Орынбор қаласы1924- 1929 жылдары Қызылорда (Ақмешіт) қаласы1929 - 1997 жылдары Алматы қаласы1997 жылдан бастап Астана2. «Астана» қаласының атауы қай тілден алынған?

Қаланың атауы қазақ тілінен алынған. Қазақша ол сөз «Елдің бас қаласы» дегенді білдіреді. «Астана» сөзі қазақ тіліне парсы тілінен ауысқан. Онда ол «киелі орын», «босаға» деген мағыналарға ие. 3. «Думан» мұхитаралында теңіз суымен толтырылған қанша аквариум сыйып тұр? (13 үлкен аквариум)4. Ақмоланы Астана деп атауға жарлық қай жылы шықты? (06.05.1998.)

5. «Астана – жаңа Қазақстанның қуаты және оның көпұлтты халқын біріктірудің қайнар бұлағы» деп кім айтты? Н.Назарбаев 6. Астана күні қашан? (6 шілде)

7. Астана қай өзеннің бойында орналасқан? (Есіл)

8. Астана символы «Бәйтеректің» ұзындығы не себептен 97 метр? (Бұл сан астананың Алматыдан Астанаға 1997 жылы көшірілуіне байланысты)9. Әлемдік және дүстүрлі діндер басшыларының конгрессі өтетін жер (Бейбітшілік жіне келісім сарайы)

10. 2017 жылы Астанадағы басты көрме (ЭКСПО-2017)11. «Астана-арена» стадионы қанша орынға арналған? (30000)12. 1999 жылы ЮНЕСКО – ның шешімі бойынша Астана қаласына қандай атақ берілді? «Әлем қаласы» деген атақ берілді және «Бейбітшілік қаласы» деп аталды. 3. «Бұл қай ғимарат?» (2 топқа жекелей 3 түрлі ғимараттардың суреті көрсетіледі. Уақыты-6 минут)

Қандай ғимарат және қашан салынған?

«Бәйтерек» тобына:

1.Ақ Орда резиденциясы — Қазақстан Республикасы Президентінің Резиденциясы.

Астана қаласы Есілдің сол жағалауындағы жаңа әкімшілік орталығының аумағында 2001 ж. қыркүйек айында салына бастады. Ғимараттың жалпы көлемі 36 720 m2. Қазақстан Республикасы Президентінің Ақ ордасының ресми тұсаукесері 2004 ж. желтоқсанның 24 күні өтті.

2. Бейбітшілік пен келісім сарайы – архитектуралық құрылыс кешені, сәулет өнерінің бірегей туындысы. Ол Астана қаласының қолдан жасалған жота үстінде орналасқан.

Пирамида іспетті етіп тұрғызылған сарай 2006 жылы 2 қыркүйекте салтанатты түрде ашылды.

3."Думан" ойын-сауық орталығының Мұхитаралы-ТМД-дағы тұңғыш дүниеге келген бірден-бір нысан. Бұл әлемдегі көк мұхиттан 3 000 шақырымнан астам қашықтыққа алыстаған жалғыз Мұхитарал. Мұхитаралдың су қоры - 3 миллион литрді құрайды. Оны әзірлеу үшін 120 тонна теңіз тұзы қажет болды. Мұнда жұмыр Жердің әр түкпіріндегі теңіз жәндіктерінің 100-ден астам түрінен тұратын 2 000-нан артық теңіз тұрғындары тіршілік құруда.

«ЭКСПО-2017» тобына :

1. Қазақ елі монументі-Тарихи-мемориалдық кешеннің жалпы аумағы 5,2 гектар, соның монумент орналасқан орталық тұғырнамасы 1 гектар жерді алып жатыр. Ақ мәрмәрдан құйылған монументтің биіктігі – 91 метр, бұл –Қазақстан тәуелсіздігін алған 1991…