Астана әсем қала тақырыбына арналған тәрбие сағаты

«Астана Әсем қалам»

Мақсаты: Астанадағы барлық ғимараттардың ерекшеліктерімен таныстыру. Ұрпақтан ұраққа жалғасып келе жатқан ұлттық мәдениетімізге құрметпен қарап, егеменді елімізге деген сүйіспеншілігін, патриоттық сезімін ояту. Балаларды өз отанын сүюге, елордасы Астанасын мақтаныш етуге тәрбиелеу.

Көрнекіліктер: слайд, Астана қаласы туралы суреттер.

Сабақ барысы:

Ұйымдастыру: балалар шеңбер болып отырады. Содан соң бір-біріне жақсылық тілейді.

-Қайырлы таң балалар!

Арайлап таң атты

Алтын сәуле таратты

Жарқырайды даламыз

Қайырлы таң ұстазым

Қайырлы таң достарым!!!

Тәрбиеші: Балалар, біз қай Республикада тұрамыз?

-Қазақстан Республикасында

Өзіміз тұратын мекенді тағы қалай атауға болады?

– Отан, Атамекен, Туған жер…

Тақпақ айту:

Амина: Отан жерім, отан-суым

Отан-қуат, Отан нәр

Отан-ұран, Отан-туым

Отан мәңгі гүлденер

Бейбарыс: Алтын ұяң-Отан қымбат

Құт-берекең-атаң қымбат

Аймалайтын –анаң қымбат

Мейірімді апаң қымбат

Кіндік кескен жерің қымбат

Ұят пенен ар қымбат

Мақал-мәтел

Туған жердей-жер болмас

Туған елдей-ел болмас

ӘН: Менің Отаным

Отан- менің ата-анам

Отан -досым бауырым

Отан- өлкем астанам

Отан- туған ауылым!

Отан-тарих, Отан-тіл

Жасаған елім, өз халқым

Отан-өлең, Отан-жыр

Көтерген көкке ел даңқын.

Сендер ҚР Рәміздерін білесіңдерме? Қане, кім айтып береді?

Ту,Елтаңба, Әнұран

Фатих: Рәміздерім-елдігімнің белгісі

Білу керек-бала-дағы ең кіші

Рәміздерім-Әнұран,Ту, Елтаңба

Рәміздерді жатқа білген жөн кісі

Әнұран айту:

Туымыздың түсі қандай? –көгілдір. Көгілдір түс нені білдіреді-бейбітшілікті, аспанымыз ашық болып, ешқашан соғыс болмасын дегенді білдіреді екен.

-Туымыз әрқашанда қайда ілініп тұрады?

Аяулым : Айнымайды аспаннан

Біздің тудың бояуы

Оны халық қашанда

Биікке іліп қояды

Елтаңбаның түсі қандай: сары-алтын түстес.байлықты білдіреді екен.

Фатима : Елтаңбасы елімнің

Неткен әйбат әдемі

Тұнығындай көңілдің

Ортада –аспан әлемі.

Милана : Тәуелсіздік жолында

Талай-талай тер тамған

Билігім өз қолымда

Еркіндігім-Елтаңбам!

– бағана айтқанбыз,ҚР тұрамыз деп.

– Қазақстан Елордасы қай қала?-

– Қазақстанның елордасы –Астана қаласы.

Астана қаласы-әсем қала.

Балалар,енді біз Астана қаласына саяхат жасаймыз.

– Қане, кім Астана қаласына барды?

«Қазақстанның бас қаласы-Астана қаласы-көрікті, әдемі,, жаңа қала». Астанада үкімет үйі, Елбасының қызмет орны-Ақ орда, ескерткіштер, театрлар, саябақтар, жасанды мұхит-Думан океанариумы, Бәйтерек бар.