Астана – балалық мекені тақырыбындағы сыныптан тыс жұмыс

«АСТАНА – БАЛАЛЫҚ МЕКЕНІ» атты балалар шығармашылық фестивалінің БАҒДАРЛАМАСЫ

1 Жүргізуші:

- Армысыздар, қадірменді конақтар! Қазақстан Тәуелсіздігінің тойына арналған «АСТАНА – БАЛАЛЫҚ МЕКЕНІ» атты балалар шығармашылық фестиваліне қош келдіңіздер!

2 Жүргізуші:

- Биылғы жылы біз жерінің асты байлыққа, жерінің үсті парасатты халыққа толы Қазақстан елі Тәуелсіздігін зор салтанатпен атап отырмыз.

Қазақстандықтар алмағайып өтпелі кезеңнің барлық қиындықтарын жеңіп, әлемдік сахнаға көтерілді. Республикамыздың осындай биіктіктерді бағындыруына барлық адамдар сүбелі үлес қосып келеді. Ұрпақтарының ырысы ортаймасын, намысы тапталмасын деп көксеген ата- бабамыздың арманы орындалған осы шақта баршаңызға бақыт, байлық, береке тілейміз! Еліміздің ертеңі жолындағы еңбектеріңіз жана берсін!

1 Жүргізуші:

- Ата-бабамыз ғасырлар бойы армандап өткен тәуелсіз ел болу мәртебесін көру – бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын! Жаңа ғасырда қайта түлеген, жасарып, түрленген еліміздің тәуелсіздігі тұғырлы болғай! Еліміздің Көкбайрағы бейбіт аспан астында желбіреп, әлемге таныла берсін деген ниетпен «АСТАНА – БАЛАЛЫҚ МЕКЕНІ» атты балалар шығармашылық фестивалін бастауға рұқсат етіңіздер!

2 Жүргізуші:

Елдігіңді шет елдер мойындады Сан армандар іске асты ойыңдағы. Терезесі тең елдер қатарында Салтанатпен өтуде тойың-дағы. Ұланың бар, ұрпағың, іргең берік, Тағдырыңды тапсырған тізгін беріп, Азаматтар ақтады сеніміңді Талай істе танытты кемеңгерлік – дей отырып, сахнаға ________ шақырамыз. Қарсы алыңыздар!

1 Жүргізуші: - АСТАНА. Бұл сөзге қазақ түгіл, төрткүл әлемнің еті үйренгендей. Астана сөзі тілге оралғанда шаһар ретінде жаңа-жаңа бойын тіктеп, еңсе көтеріп келе жатқан Елордасы көз алдымызға келе қалады. Ол – жай қала ғана емес, Елорда. Кеше ғана Тәуелсіздігін алып, буыны енді қатайып келе жатқан Қазақ мемлекетінің астанасы. Олай болса, келесі орындалар әніміз Елордасы Астанамыздың құрметіне арналады. Қарсы алыңыздар!

2 Жүргізуші:

- Тәуелсіздік күні! Бұл күн – ата-бабамыздың сан ғасыр бойы аңсаған арманының жүзеге асқан, елімізге еркіндік сыйлаған Ұлы күн. Осындай маңызы бар тарихи думанда еліміздің туы асқақтап, келешегі өркейе берсін.

Қазақстан Республикасының Тәуелсіздігіне орай шын жүректен шыққан ыстық ықыласымызды келесі би шашуымызбен қабыл алыңыздар!

1 Жүргізуші:

Егемендік – бұл елімнің елдігі, Егемендік – барлық ұлттың теңдігі. Егемендік – елін, жерін қорғаған, Ербол менен Қайраттардың ерлігі.

Желтоқсаным – тәуелсіздік тірегі, Желтоқсанды қадір тұтып тұр елі. Есте сақтап ағалардың ерлігін, Жүректерге сақтау керек үнемі. Келесі кезекте __________________қарсы алыңыздар!

2 Жүргізуші:

Бойкүйездік жат маған, Елім еркін, шат заман!... Мен әлемге: «Тәуелсіз Қазақпын»,-деп мақтанам!- деп ақын ағамыз жырлағандай, көк туын көкте желбіретіп, Әнұранын шалықтатқан еліміздің барша азаматтарына береке-бірлік, жасампаз еңбек, толағай табыстар тілейміз. Олай болса келесі бір мерекелік шашуымызды қарсы алыңыздар:

1 Жүргізуші:

Аңсатқан шырын, шарбат бал-уызы,