Астана еліміздің бас қаласы тәрбие сағаты 3-сынып

«Астана – еліміздің бас қаласы». Мақсаты: Балаларға еліміздің бас қаласы - Астана туралы мәлімет беру. - Баланың ізгілік қасиетін дамыту. Ойын арқылы балалардың ой - өрісін, қимылын ұштау. - Отанға туған жерге деген сүйіспеншілігін арттыру, өз елін, отанын сүйетін патриот болуға тәрбиелеу.

Көрнекілігі: Қазақстан республикасының рәміздері. Астана қаласының ғимараттары. Әдісі: әңгімелесу, ойын жаттығулар. Жүргізуші: Қайырлы таң балалар, Қайырлы таң қонақтар. Сіздерді салтанатты мереке Астана күнімен құттықтаймыз! Жылу шеңбері: Ал енді балалар бір - бірімізге алақанымыз арқылы жылу шеңберін күн секілді жылы жүзбен күлімдеп жылы лебіз білдірейік: Деніміз сау болсын, Күніміз күлімдесін, Еліміз аман болсын, Ата - анамыз қасымызда болсын, Бәріміз дос болайық, Бәріміз бақытты болайық, Аспанымыз ашық болсын.

Ән: Ән ұран. Жүргізуші: Қане балалар орнымызға отырайық. Біз бүгін сендермен отанымыз туралы әңгімелесеміз: Балалар отан деген сөзді қалай түсінесіңдер. Балалар: Туған жерім, ата мекенім, отбасым, халқым. Жүргізуші: Дұрыс балалар, отан дегеніміз біздің еліміз туған үйлеріміз, өзіміз туып өскен жеріміз. Біз қай мемлекетте тұрамыз? Балалар: Қазақстан Республикасы. Жүргізуші: Қ. Р президенті кім? Балалар: Нұрсұлтан Әбішұлы Назарбаев. Жүргізуші: Қазақстан Республикасының мемлекеттік тілі қандай? Балалар: Қазақ тілі. Жүргізуші: Қазақстан көп ұлтты мемлекет. Қазақстанда әр түрлі халықтармен ұлт өкілдері тұрады. Соның ішінде қандай ұлт өкілдерін білесің? Балалар: Орыс, өзбек, түрік, қытай. Жүргізуші: Елімізді қандай рәміздерін білесіңдер?

Балалар: Ту. Елтаңба. Әнұран. Жүргізуші: Ту, Елтаңба, Әнұран бір сөзбен қалай айтамыз? Балалар: Рәміздер. Балалар ту, елтаңба, әнұран туралы білгендерін айтады: Бейбіт: Ту. Біздің республикамыздың мемлекеттік Туы - тік төртбұрышты көгілдір түсті мата. Тудың көгілдір түсі ашық аспан мен тыныштықты білдіреді. Тудың ортасында күн тұр, ол жылулықты білдіреді. Күннің астында қанат жайған қыран бүркіт бар. Жанында ою - өрнек салынған, алтын түспен берілуі тыныштықты, байлықты білдіреді. Нұрсұлтан: Елтаңба. Қазақстанның Елтаңбасы дөңгелек пішінді және Тудың түсіндей көгілдір түсті. Оның ортасында шаңырақ бейнеленген. Күннің сәулесіндей айнала уықтар тараған. Екі жағында екі қанатты тұлпар салынған ол - қорғауды білдіреді. Бидай сабақтары тоқшылықты, молшылықты білдіреді. Үстінде « жұлдыз», астыңда «Қазақстан» деген жазуы бар. Жандаулет: Әнұран. Мемлекеттік әнұран – маңызды мемлекеттік шараларда орындалады. Әнұранды тұрып айтады, тұрып тыңдайды. Жүргізуші: Ел ордасы қай қала? Балалар: Астана. Біздің еліміздің бас қаласы Астана туралы мағлұмат айту. Түсіндіру. Астана туралы тақпақтар: Жандос: Ел бөбегі бүлдіршін, жас баламыз. Астанамыз, астана бас қаламыз. Ұлжан: Астана арман қала, Бағы ба

Зарина: Шырқап көкке асқан - ән Болашаққа бас қадам. Қазақ рухын биіктет, Ей, бас қалам - Астанам. Назерке: Отанымның төрінде, Сарыарқаның өрінде. Ту ұстаған Астанам, Әсем қалам - бас қалам. Балалар, енді отан туралы мақал - мәтелдер айтайықшы. Әмина: Отансыз адам – ормансыз бұлбұл. Отан үшін отқа түс - күймейсің. Отан - оттан да ыстық. Отанды сүю отбасынан басталады. Балалардың орындауында ән: "Отан".

Ойын: «Рәміздерді құрастыру». Балалар қиылған суреттерді құрастырады. Жансаяның орындауында ән «Ертегілер». Балалардың тақпақтары: Бекжан: Сарыарқаның төсінде Гүл жайнаған, Астанам Ақпейілдей арнайы Ақ тілегім, жас бала. Бейбіт: Елордасы елімнің, Қазағымның жүрегі Астанамды бірінде, Күллі әлем біледі. Абзал: Жыр қып төктім өзіңе Шумақтарын сезімнің Әсем қала – Астанам Құрдасымдай өзімнің. Балнұр: Әуелейді асқақ ән Болашаққа бастаған Мәртебемсің сен менің Айналайын Астанам. Жандаулет: Қымбат маған есілің Жүрегімде жүреді Жарқын болсын ертеңнің Осы елдің тірегі. Диас:Жаса - жаса Астанам, Өркен жол бастаған. Болашақтың есігін Оң қолыңмен аш маған.