Астана менің жүрегімде тәрбие сағаты 8 сыныпқа

Тақырыбы: «Астана менің жүрегімде!»

Мақсаты: Астана қаласының көрікті жерлерін таныстыру және оқушылар бойында ұлтжандылық қасиеттерді қалыптастыру.

Астананың мәдени жетістіктерінің, оқушыларды Отансүйгіштікке, әсемдікке, салауаттылыққа баулу.

Көрнекілігі: суреттер, слайд

Қайырлы күн, құрметті білім құштар оқушылар! Бүгінгі біздің «Астана менің жүрегімде!» атты сынып сағатына қош келдіңіздер!

Кіріспе. Сарыарқа төсіндегі бұрынғы Ақмола, қазіргі Астана қаласы 1997 жылдан бері астана мәртебесіне ие. Осы күндері Астанада 1 миллионға жуық адам тұрады. 1998 жылы 10 - шілдеде Астананың халықаралық тұсаукесері болды. Сол жылы ЮНЕСКО - ның шешімі бойынша, Астанаға «Бейбітшілік қаласы» жоғары атағы берілді.Ерке Есілдің жағасында болашақ мыңжылдықтарға батыл қадам басқан жаңа Астананың бой көтергеніне уақыт шешімімен алғанда аз уақыт өтсе де, жас қала күннен күнге құлпырып, қанатын кең жайып келеді. Елбасы Нұрсұлтан Назарбаевтың тәуекелшіл бастамасымен өмірге келген тәуелсіз еліміздің бас қаласы Астана бүгінде төрткүл дүниеге танымал әлем астаналарының қатарынан ойып орын алды. Тәуелсіз еліміздің тірегі мен жүрегіне айналған. Астана қаласы дүние жүзіне өзінің қайталанбас архитектуралық құрылыстарымен таңданыс тудырған мемлекетіміздің бас қаласы. Ал енді осы ғимараттармен таныс болыңыздар.

Слайд көрсету.

Астананың көрікті жерлерінің суреті және тарихтарымен таныстыру.

Суреттермен таныса отырып келесі бөліміміз ойын өткізу ол үшін оқушылардың өткен білімдеріне шолу жасау барысында мынандай сұрақтар қою.

Қазақ туған елін, жерін алтын бесігім деп, дүниедегі байлық атаулының бәрінен де жоғары бағалаған, елін адал перзенттік ыстық жүрекпен сүйген, жырақта жүрсе туған жердің топырағын бір иіскеуді, кең жазира төсінде белін шешіп, армансыз бір аунауды аңсайтын халық.

Кең дала, көресің ғой, анау жатқан,

Жібектей жасыл шөптер бетін жапқан.

Асқар тау, балдан тәтті сулары бар,

Әне сол, анам еді мені тапқан! – деп туған жердің өзінің адал перзенті үшін қаншалықты қымбат, қандай ыстық екендігін ақын Мағжан Жұмабаевтың осы бір шумақ өлеңінен аңғарамыз. Олай болса ана тіліміз мемлекеттік мәртебе алып, толыққанды ел қатарына қосылдық.

Ал ендеше ортаға бірінші ойыншыларды шақырайық.

«Қазақстан» дейтін Отан – Анамыздың Елтаңбасының авторы кім? (Сәулетші Жандарбек Мәлібеков және әйгілі суретші Шота - Аман Уәлиханов)