Асылым өзің тақырыбына арналған тәрбие сағаты

Маңғыстау облысы

Бейнеу ауданы

Жанкелдин атындағы орта мектебі

Бастауыш сынып мұғалімі

Ажибаева Гулсим Айтжановна

«Асылым өзің!»

Мақсаты: Тіршілікті жалғастырушы аналардың өмірі, олардың қасиеті неде екенін түсіндіру. Ананы құрметтей білуге тәрбиелеу. Аналарды, ұстаздарды мерекелерімен құттықтау. Халқымыздың ата-бабадан келе жатқан асыл салты ананы құрметтеу, қыз баланы сыйлау, жасы үлкенді сыйлау, парасатты, мейірімді болуға үйрету.

Көрнекілігі: шар және гүлдермен безендіру, ана туралы жазылған қанатты сөздер, оқушылардың шығармашылығы, ана туралы слайдтар, бейне көріністер

Жүрісі: 1. Ұйымдастыру

2. Шаттық шеңбері

Аяулы Ана!

Күнім де Ана, ай да Ана!

Жетеді саған қай дана?

Асылым өзің!

Бас иіп өтер Әулием менің сен ғана!

Ақ сүтінен жаралған,

Ақ сүтінен нәр алған,

Анаға бас иеміз!

3.Топқа бөлу. Ортадағы ақ және қызыл гүлдерді теру арқылы екі топқа бөлінеді.

4. Кіріспе сөз.

- Әлемдегі жақсылық атаулының бәрі күннің нұрынан, ананың сүтінен тараған. Ана – бұл біз үнемі, күн сайын, бүкіл өмір бойы айтатын үздік, ерекше есім. Ана – бұл бізге жылу мен жарық беретін, дүние мен өмір қуанышын сыйлайтын күн. Аналық махаббат шексіз және сарқылмайды. Ана жүрегі өз баласын сүюден ешқашан да жалықпайды. Баласының көп қателігін кешіреді, көмектеседі және қолдау көрсетеді. Сенеді және мақтан етеді. Асыл аналар! Көктемдей құлпырып, күндей күліп жүре беріңіздер! Отбасыларыңызға амандық, балаларыңызбен бақытқа бөленіп ұзақ өмір сүріңіздер! Сонымен құрметті аналар, ұстаз-аналар бүгінгі «Асылым өзің!» атты мерекелік іс-шарамызды тамашалаңыздар.

Расул: Құрметті асыл аналар, қадірлі ұстаздар, қыз-қызғалдақтар! Көгімізде бейбітшілік нұрындай болып көктем шуағы төгілгенде адамзатты қуанышқа бөлеп, адам баласына өмір, жылылық, әсемдік сыйлайтын Аналар мерекесі де келіп жетті.

Ән: «Анажаным» Орындайтын Ақмаржан

Нұрәділ: Ана! Осы бір қасиетті сөзде қаншама мол мейірім, асып төгілер мол қуаныш бар.

-Иә, біріміз мама, біріміз апа және ана, анашым, шеше, апатай, маматайым, мам, ма деп атап жатамыз.

Ақмаржан: Ана есімін ауызға алмайтын адам баласы жоққа тән. Бұл есім жер шарындағы күллі адамзатқа тиесілі. Жердің өзіне де Жер Ана деп теңеу айтып жүрген жоқ па? Ана жайында ғұлама атаулының бәрі де жүректерінен жарып шыққан асыл сөздерін қалдыруы сондықтан

«Аналар жайында ұлылар не дейді?» (қанатты сөздер)

Әсет: Жер бетіндегі ең әдемі сөз – Ана! Адам алғаш сөзін де осы сөзден бастайды. Шырылдап жерге түскеннен-ақ сенің бір жақының, бір досың, бір ұстазың бар. Ол – Ана! Ана деген сөздің өзі ыстық. Ана – өмірдің гүлі, отбасының берекесі.

«Ана дегеніміз кім?»

Ана – ұстаз, дана, гүл, күн, дос, кемеңгер, нұр, тәрбиеші, өмір сыйлаушы, ең жақын адам.

Темірлан: Ана дегеніміз – өмірдің бастауы мен таусылмайтын жалғасы. Ана – тіршілік көзі, махаббат пен шабыттың нәрі. Ана махаббаты адамға…