Асық ойындарының тәрбиелік және дамытушылық маңызы

Баяндама

«Асықтармен ойналатын ойындар»

Мақсаты: Балалардың дене мүшесінің сұлулығын қалыптастыру, денсаулығын нығайту және сақтау. Имммунитеттерін көтеру, ой-өрыстерін, ойлау және есте сақтау қабілеттерін дамыту. Ұлттық құндылықтарымызды дәріптей отырып тәрбиелеу.

Асықты тек ойын ретінде мес жалпы биылғы оқу жылынан бастап күнделікті оқу қызметтерінде 5 салаға кіріктіріп оқу құрал ретінде пайдалануды алдымызға мақсат етіп алып отырғанымыз сіздерге мәлім. Ендеше ең бірінші асықпен ойын түрлеріне тоқталып өтсем деп шағын ойын топтамаларын сіздерге дайындап келген болатынмын. «Ойын ойды да бойды да өсіреді» деп осы ойындарды жасап алдағы уақытта практикаларыңызда қолданады деп үміттенемін.

Д/ойын: «Сиқырлы асықтар»

Мақсаты: Балаларға санап, түстерді ажырата білуге үйрету арқылы саусақ моторикасын дамыту. Асықтардың бүк, шік түсу атауларын үйретіп, жоғары-төмен ұғымдарын қалыптастыру.

Барысы: Екі қатарлы дөңгелек қалыптың төменгі қатарында түрлі түсті 1-ден 10-ға (немесе 1-ден 5-ке) дейінгі сандар орналасқан. Әр санның қасында үлкен асықтар арқылы қалыптың екінші қатарындағы киіз үйде жиналған асықтарды санның түсі мен санына қарай жоғарыдан төмен қарай орналастыру. Орналасқан асықтардың түзу атауларын айту. (бүк, шік)

Д/ойын: «Мен қандай түспін?» немесе «Бұл қандай түс?»

Мақсаты:Ойын арқылы түстерді, пішіндерді ажыратуға, санап үйретуге, аз-көп ұғымдарын қалыптастыру арқылы логикалық ойлауын дамытып, ойларын жүйелі түрде жеткізу.

Барысы: Балалар пішіндердің атауларымен түстерін атап береді. Ортадағы түрлі түсті асықтарды пішіндердің түсіне қарай орналастырады. Әр бала пішіндердің атын, түсін атап, неше асық жинағанын айтады. Сұрақ-жауап арқылы ең көп асық жинаған баланы анықтау.

Д/ойын: «Сағат»

Мақсаты: Санауға, сағат тілінің бағытын білуге, уақытты бағдарлап, күн тәртібін сақтай білуге үйрету арқылы бала тілін дамыту.

Д/ойын: «Дәл санын тап!»

Мақсаты: Саусақ маторикасын дамыта отырып, балаларды сандық таңбаны танып білуге, түстерді айыра білуге үйрету.

Барысы: Балалар тақтайша бетіндегі сандарды ретімен санап санның түстерін айтады. Шытырман жолдармен асықты қозғалту арқылы асық үстіндегі сандарға байланысты жолдың қалтарысындағы дәл сол санды тауып алып, асықты апарады.

Д/ойын: «Көңілді асықтар»

Мақсаты: Саусақ маторикасын дамыту арқылы ойлау қабілетін арттыру. Түстерді ажырата білуге үйрету.