Ата-ана мен бала қарым-қатынасы тәрбие сағаты 1 сынып

Тәрбие сағаты

Саламатсыздар ма, құрметті ұстаздар мен ата-аналар, әділ – қазылар және оқушылар! Бүгін сіздермен бірлесе отырып, “Баланың бас ұстазы – ата-ана” атты тәрбие сабағымызды бастауға рұқсат етіңіздер.

Тәрбие сабағымызды бастамас бұрын Оқушылар сарайының директордың міндетін атқарушы Қаракөз Мағжан Қанатұлына сөз береміз.

Лебізіңізге рахмет. сабағымызды жалғастырсақ,

Тәрбие сабағының мақсаты: Бүгінгі тәрбие сабағымызда оқушыларға ата-ана мен бала арасындағы қарым – қатынастың маңызын түсіну, отбасындағы тәрбие негіздерін ұғыну, ата – ананың бала өміріндегі рөлі мен жауапкершілігін көрсету.

Дамытушылық мақсаты: 1. Оқушылардың ойлау қабілетін дамыту, өзіндік пікір айтуға үйрету

2. Ата- анаға деген құрмет пен сүйіспеншілік сезімін қалыптастыру

3. Балалардың сөйлеу мәдениетін жетілдіру, өз ойын еркін жеткізе білуге баулу.

Тәрбиелік мақсаты: 1. Оқушыларды ата-ананы қадірлеуге, құрметтеуге тәрбиелеу

2. Отбасы құндылықтарын дәріптеу арқылы жауапкершілікті сезіндіру.

3. Үлкенге құрмет, кішіге ізет көрсету дағдыларын қалыптастыру.

Бүгіңгі тәрбие сабағымызға қатысатын ата-аналар және оқушыларымызбен таныс болайық.

1. Қожабекова Гүлнұр баласы Жарқынбекұлы Айсұлтан

2. Сүйімбаева Динара баласы Шыңғысхан Абай

3. Даулетбаева Жұмакүл баласы Тастайбек Ілияс

4. Қожақметова Гүлістан баласы Август Азамат

Ойынға 4 топ қатысады. Бүгінгі жарысымыз 5 турдан тұрады.

1-ші тур Айырмашылықты тап

2- ші тур Миға шабуыл

3-ші тур Сұрақ-жауап

4-ші тур Роботтағы шеңбер ойыны

5-ші тур Кім жылдам ойыны

Сайыста бақ сыналар, бап сыналар,

Бас жүлдені білімді, тапқыр алар.

Кім білімді, кім тапқыр шешуі қиын

Қазылар алқасы болмаса нық сыналар - деп алдымен қазылар алқасын сайлап алайық

1. Искаков Мұхтар

2. Джуркабаева Эльмира

3. Әндір Айдана

1 - тур

Байқап қара, көз салшы,

Қай жері басқа? Ойланшы!

Ұсақ деталь, түрлері,

Кім жылдам табар, көрсетші!

Айырмашылықты тап ойыны. Сіздерге қазір қаламыздағы белгілі Асқар Тоқмағанбетов ғимаратының 3 өлшемді графикасы беріледі. 2-ші суретте осы ғимаратқа өзгерістер енгізілді. Сіздерге тапсырма, кім көп айырмашылықтарды табады. Сол топ жеңіске жетеді. ЕКЕУІ

2 – тур

Желдей жүйрік боламын.

Жарыстарға барамын.

Қарсыласты қуалап,

Жеңісімді аламын!