Ата-анаға жадынама бастауыш сынып ата-аналарына арналған

Жадынама ата-аналарға

«Сіз өз балаңызды білесіз бе?».

Ата-аналар орыстың аса көрнекті педагогы К.Ушинскийдің: «Егер педагогика адамға жан-жақты тәрбие бергісі келсе, онда ол ең алдымен сол адамды да барлық жағынан бірдей білуге тиіс»деген қарапайым да ұлағатты сөздерін есте ұстаулары тиіс.

Ата-аналар өз баласын нашар білетінін әрдайым мойындай бермейді:Отбасындағы тәрбиелеу тәсілдері баланың жеке қасиеттеріне, оның ересек адамдар тарапынан жасалатын әр түрлі ықпал әсерін қалай қабылдайтынына қарай қолджанылатын болуы тиіс. Мысалы,әсер алғыш, балаларға ата-ананың байсалды түрде, еркелете отырып сөйлескені, ақыл-кеңес айтқаны бәрінене де жақсы әсер етсе, ал баяу қимылдайтын, самарқау балалардың дербес қимылдарын қолдап, белсенділікке ынталандыру дұрысырақ болады.

Бала туралы нелерді білу қажет?өте көп нәрсені. Балаңыздың достары барма және ең жақсы досы кім?Басқа балалармен араласқанда басқаруды ұната ма, әлде ойынға тек қатысама, әлде бағынуды жақсы көре ме? Өзі ойынды ұйымдастыра біле ме?Жолдастарына көмекке келуге әзір ме? Немесе көмектесуден қызғана ма?Жолдастарының жетістіктеріне қуана ала ма? Ол неге әуес? Осы сұрақтарға өкінішке орай ата-аналар көбіне жауап беруге қиналып жатады.

Қазіргі уақытта бала өзін компьютерлік ойындар, әр түрлі интернет жүйесіндегі мультфильмдер, кинолар арқылы тәрбиелеуде. Құлаққапты киіп алып түсініксіз әндерді тыңдау баланың санасының дамуына кері әсер тигізуде. Сондықтан баланың күнделікті өмір тіршілігіне үнемі араласып, бала дамуына қажет дүниемен танымын дамыту керек.Кітап оқып, өзіне шығармалар жаздыртып, өлең шығартып, ауада серуендеп, әңгімелесіп, өз дүниесін қалыптастыруға жетелей білу керек. Әлем ,өз елінің тарихымен таныстырып қызығушылығын арттыру. Көзбен көріп, қолмен ұстап тәрбиелену керек бала. Басқа адамдардың өмірлерін өнеге тұтып. Ұлағатты сөздерді жиі қолданып, мағынасын ұқтыру, салт дәстүрді ұстануға тәрбиелеу керек.Рухани құндылықтарын дарыту мақсатында көбіне баламен қарым-қатынас жасау керек.