Ата-аналарға арналған тренинг, жаңартылған бағдарлама

Ата-анамен тренинг жоспары

Сабақтың тақырыбы: Бала – біздің болашағымыз

Мақсаты: Ата-аналар арасында диалог арқылы топтық жұмыста тиімді қарым – қатынас қалыптастыру.

Күтілетін нәтиже: Бала тәрбиесіндегіата- ананың жауапкершілігі артады; Ата-аналар мектеп пен арадағы өз міндеттерін ұстануды қалыптастырады. Ата-аналардың балаларымен әңгімелесу арқылы баланы ашуға деген көзқарасы пайда болады. Ата-аналар мен балалардың қарым-қатынасының қалыптасуы мен дамуына септігін тигізетін даму бағыттары бойынша сындарлы кері байланыс ұсынады;

Негізгі ой : Ата-аналармен мектеп қарым-қатынасын нығайтуды ұйымдастыру туралы

Жаттығулар 1.Тренинг « Шаттық шеңбері»

Дөңгеленіп тұрайық

Керегені құрайық

Уықтар боп иіліп

Шаңыраққа киіліп

Киіз үйді құрайық.

Міне, сіздермен біз үлкен киіз үйді құрдық. Осы киіз үй сияқты біздің мектебіміздің қабырғалары мықты болып, шаңырағы биік болсын дегім келеді.

Танысу: Бір шаңырақ иесі ретінде бір-бірімізбен жақынырақ танысайық.Мына үлгі бойынша. Менің атым Айман.Наздай қылығым бар намысшыл, нағыз мықты отанасының өзімін. Сіз ше? Солай әрқайсысы кезекпен өзін таныстырып шығады.

2. топқа бөлу (әке, ана, бала деген жазулары бар қиындылар тұрады, ата-аналар солардың қайсысын таңдаса сол топқ жайғасады).

3. «Бала» сөзіне ассоциация құру ( топта талқылау)

Берілген мәтінді үш топ өздігінше талдау:

Ерте заманда үй жануарлары түйе, қой, сиыр, жылқы, ит бәрі бас қосыпты. Түйе тұрып мақтаныпты.

Менің адам баласына пайдам шаш етектен! Көшсе көлігімін. Сүтімнен шұбат жасап ішеді. Жүнімнен неше түрлі киім тігеді.

Қой , сиыр, жылқылар да өз қасиеттерін айтып асып- тасады. Бәріде өстіп шалқып отырғанда, ит тырс етіп үндемей, қалғып-мүлгіп отыра береді. Сонда түйе:

Әй, салпаң құлақ! Неғып аузыңа құм құйылып қалды. Ауыз толтырып айтар ештемең жоқ- ау, сірә, -дейді. Сол кезде бұл әңгімені қожайындары тыңдап тұрып:

Бұл ит сендерді күзетпесе, қасқыр бәріңнің түбіңе жетер еді, - депті.

4. Топта сұрақтарды талдау (ақылдасып, топта талқылап ауызша жауап беріледі).

• Ата- ананың міндетіне не жатады?

• Үлгілі ата-анаға тән қандай қасиеттер бар?

• Баланың дамуына қандай тәрбие әдістерін қолданасыз?

5. Топтық тапсырма постер қорғау.

Үш топқа дербес тапсырмалар береміз.