Ата-анаң алтын тұғырың тақырыбындағы ашық сабақ 11 сынып

Оқу ісінің меңгерушісі: Ашимбаева Д.С.

Өзiн-өзi тану сабағының жоспары

Мектеп: «Малонарым орта мектебі» КММ

Күні: 13.11.18.

Тақырып: «Ата-анаң алтын тұғырың»

Құндылық:Сүйіспеншілік

Қасиеттер:жақсы көру, кішіпейілділік, аянбай қызмет ету

Мұғалім: Канапина Гаухар Амангельдиновна

Сыныбы:11«а»

Оқушылар саны:4 оқушы

Сабақ мақсаты: Оқушыларға ата-ананы алтын тұғыр етіп ұстау, сүйіспеншілік құндылығынан туындайтынын ұғындыру.

Міндеттері:

Ата - анаға деген сүйіспеншілік сезіміне, ата-ананы құрмет тұтуға үйрету;

Ата – ананы қадірлеу, ардақтау, ата-ананың үмітін ақтауға баулу;

Махаббатқа, мейірімділікке, қамқорлыққа тәрбиелеу.

Ресурстар:(құралдар, мәлiметтер)

Сабақ барысы:

Ұйымдастыру кезеңi. Тыныштық сәтi.

«Күннің нұры» 3 минут

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басың

Үй тапсырмасын тексеру.

Ғабит Мүсіреповтың «Ақлима» әңгімесінен үзіндіні оқып келу 124 бет 7 минут

«Ақлима» әңгімесі 1944 ж. жазылған. Әңгіменің мазмұны:

Ақлима ана жалғыз ұлы Қасымнан қара қағаз алған болатын. Бір күні оған майданнан хат келді. Онда Сапар атты жігіттің анасына сағынышы толы сөзі мен басынан кешкен тауқыметі жазылған еді. Екі аяғынан айырылған жауынгердің өз ұлы болмағанын білген ана шүкіршілік етеді.