Атажұрт танымдық сайысы, 9 сынып

9 - 11 сыныптар аралығындағы «Атажұрт» танымдық сайысы

Мақсаты: Жас ұрпақты еліміздің құқықтық реформаларының мәнін түсінуге үйрету, тарих тереңіндегі ата – баба салты мен дәстүрі, жеті жарғы заң жобаларымен таныстыра отырып, заңды сыйлауға тәрбиелеу

Оқушылардың құқықтық білімдерін жетілдіру, құқықтық білім әр адамның ісіне керек екенін ұғындыру, заң алдындағы жауапкершілікті арттыру, оқушылардың ой- өрісін дамыту, белгілі бір пікір айтуға, тұжырым жасауға үйрету, сөздік қорын молайту, оқушылардың бойына құқықтық патриоттық, адамгершілік тәрбиені сіңіру.

Көрнекілігі: ҚР Конституциясы,видеотаспа, слайд, постерлер

Сайыстың жүру барысы:

Мұғалімнің кіріспе сөзі:

Қазақтың ұлан байтақ жерін бабаларымыз ерлікпен қорғап , кейінгі ұрпағыма Асыл мұрам, ал балам деп айту үшін, қанша қиын заман бастарынан өткерсе де тұтас уланбай, жоғалмай, өртенбей, сынбай-жанбай, ауыр азап, қиын-қыстау кезеңдерді бастарынан өткізіп, бізге осы күнді сыйға тартты. Халқымыз сол заманнан бері –ақ, елінің елдігін, жерінің байлығын сақтап қалу жолында талай ержүрек, ақылды, шешен де білгір азаматтарының бастауымен Есім ханның ескі жолы, Қасым ханның қасқа жолы, Тәуке ханның жеті жарғысы деген қағидаларды сақтап, Абылайдың ақ жолы, Нұрсұлтан елбасымыздың нұрлы шапағатына ұласып отырғанын көріп отырмыз.

Біздің мемлекетіміз зайырлы құқықтық мемлекет. Оның ең қымбат қазынасы- Адам, адам өмірі. Оның құқықтары мен міндеттері, бостандығы сақталған және қорғалған. Ол біздің Ата заңымызбен қорғалады.

Эпиграф:

Ата заң әркімнің бойтұмары болып, оның әрбір қағидасы мүлтіксіз орындалғанда ғана ортақ мақсатқа қол жеткіземіз

Н.Ә.Назарбаев

1.Ұйымдастыру

Мәлімет беру. Қазақтан шыққан ең алғаш кәсiпқой заңгер – Ж. Ақпаев

Білмесек енді уақытта біліп жүрейік, білгенімізді айта жүрейік. Видеотаспаға назар аударайық

Жақып Ақбаев

Ақбаев(Ақпаев) Жақып(1876-1934)- қазақтың тұңғыш құқықтанушы- заңгері, Алаш зиялысы, Алашорда үкіметінің мүшесі. Қазіргі Қарағанды облысының Қарқаралы ауданында туған. 1903 жылы Санкт- Петербург университетінің заң факультетеін алтын медальмен бітірді. Мемлекеттік сынақ комиссиясында “Қазақтардың некелік құқығы” атты еңбегін түрмеде отырғанда аяқтап, 1907 жылы Орыс географиялық қоғамының Семей бөлімшесінің жазбаларында жарияланды.1907- 1927 жылдары аздаған үзілістермен Семей, Сырдария округтік губерниялық соттарында қызмет атқарды. Ресейдегі төрт өкімет тарапынан қуғын- сүргінге ұшырады. 1919 жылғы шілдеде ақ қазақтардың далалық соты атуға үкім шығарды. Қарақарлы, Семей, Омбы, Алматы түрмелеріне қамалып, әлденеше рет жер аударылды.

Сайысымызды бастамас бұрын «қара қылды қақ жарған әділ бағасын беретін әділ қазыларымызбен танысайық (танысу)

Жүрісі:

1. Таныстыру

2. Бұл кім? заттар арқылы : таразы, семсер, көзбайлауыш және мантиядан жұмбақ (Фемиданың) бейнені анықау керек

3. «Кім?», «Неше?», «Қайда?», «Қандай?».

4. Топ басшылар сайысы

5. Ойды аяқта

6. Қорытынды

Мұғалім сөзі:

Құрметті оқушылар! Өмірдегі ең қуатты күш өзіңнің қожалығың деп Монтель айтқан екен, ендеше осы заманда біз өзіміздің құқықтарымыз бен міндеттерімізді білеміз бе? Бүгінгі сабақта өздеріңе өздерің қожасыңдар, емін еркін болыңдар. Ең қорқыныштысы өзіңе деген сенімсіздік депті Дейл Карнеги, сендерде өздеріңе сенімді болыңдар. Іске сәт!

1-кезең Таныстыру

1 топ ІІ топ ІІІ топ

2-кезең Берілген заттардан жұмбақ бейнені анықтау

Бұл кім? фото суретке жауап беру.

Фемида - әділдік сот символы

(заттарарқылы : таразы, семсер, көзбайлауыш және мантиядан Фемиданың бейнесінжасау керек)