Атмосфера және оның құрамдас бөліктері, 7-сынып

Сабақ: География

Атмосфера және оның құрамдас бөліктері

Мектеп:№263 орта мектеп

Күні: 09.11.2017 ж

Мұғалімнің аты-жөні: Төлемісов Самат Әбілтайұлы

Сынып:7

Қатысқандар саны:9

Қатыспағандар саны:

Сабақ негізделген оқу мақсаты (мақсаттары)

7.3.2.1-атмосфераның құрамын сипаттайды

Сабақ мақсаттары

Барлық оқушылар:

Атмосфераның құрамы мен құрылысыны сипаттай алады және сипаттайды;

Көпшілік оқушылар:

Атмосфераның қабаттары бойынша құрамының өзгеріп отыратындығы жайлы айта алады және бағалайды;

Кейбір оқушылар:

-Атмосфераның ластану көздерін атап, қышқыл жаңбырлардың пайда болуын айта алады;

- өнекәсіптердің негізгі ластаушылар екендігі туралы қосымша ақпараттар пайдаланады, жинақтап, өңдеп, бағалайды. Баяндама немесе таныстырылым жасап түсіндіре алады.

Бағалау критерийі

- атмосфера ауасын құрайтын газдардың пайыздық үлестерін диаграммада көрсетеді;

- атмосфера қабаттарын қалыңдықтарын көрсете отырып, сызба түрінде бейнелейді.

Тілдік мақсат

Оқушылар:

Газ, азот, көмірқышқыл газы, оттегі, аэрозол, озон,атмосфера сөздерін үш тілде айтады

Құндылықтарға баулу

Топтық жұмыс барысында ынтымақтастықта жұмыс жасай алу дағдысы, жауапкершілік, академиялық шынайылықты қалыптастыру

Пәнаралық байланыс

Математика, биология, қазақ тілі

Алдыңғы білім

Литосфера тарауын қайталау

7.3.1.1 -литосфераның құрылысы мен заттық құрамын анықтайды

7.3.1.2 -Жердің тектоникалық құрылымы мен литосфералық плиталардың орналасуын картадан көрсетеді және сипаттайды

7.3.1.3 -Жер қыртысының тектоникалық қозғалыстарынталдайды: дрейф, коллизия, субдукция, спрединг

7.3.1.4 -литосфералық катаклизмдердің себеп-салдарын, таралуын түсіндіреді

7.3.1.5 - жергілікті компонент негізінде литосфералық катаклизмдер барысында өзін өзі ұстау ережелерін түсіндіреді

Жоспар

Жоспарлан

ған уақыт

Жоспарланған әрекеттер

Ресурстар

Сабақтың басы

(10 минут)

І.Ұйымдастыру кезеңі

Оқушылармен сәлемдесу, оқушылардың зейінін сабаққа аударту.

1."Сиқырлы конструкция" әдісі

Кез келген географиялық нысанның атын атаймын

Егер аталған нысан тау атауы болса, қолдарын жоғары көтереді.

Егер өзен атауы болса, бір түзуге тұрады

Егер көл атауы аталса дөңгелене тұра қалуы керек

Топтарға бөлу.

Себетпен конфет әкелу. Оқушыларға себеттен конфет алуларын сұраймын.Конфеттің түрлеріне қарай 2 топқа бөлініп отырады.

Топ басшысын сайлап, бағалау парақшалары таратылады

1-топ «Сары кәмпиттер»

2-топ «Көк кәмпиттер»

ІІ. Үй тапсырмасы. «Телефон» әдісі.

Оқушылар өздері қалаған оқушыға телефон соғып, үй тапсырмасы бойынша сұрақ қояды. Барлық оқушылар қамтылуы тиіс.

1.Жер сілкінісі дегеніміз не?

2.Цунами мағынасы, одан сақтану шаралары?

3.Сейсмикалық белдеулер нешеге бөлінеді?Оларды ата

4.Жанартаулар, ыстық бұлақтар, гейзерлер анықтамасын бер

5.Катаклизм дегеніміз не?

6.Геосинклиналь дегеніміз не ?

7.Жер бетіндегі литосфералық плиталар нешеу, оларды ата?

8.Литосфера қабаты туралы қысқаша сипаттама бер

9.Мантия және ядро дегеніміз не?

Оқушылар өз-өздерін бағалайды. Смайлик арқылы (әрбір дұрыс жауап үшін 1 смайликтен беріледі.)

Психологиялық көңіл-күйлерінің жақсы болуына ықпал ету.

Кәмпиттер, кәмпит салатын себет. Бағалау парақшалары. Презентация

Үй жайында қолданатын 2 телефон, бағалауға арналған смайликтер

Сабақтың ортасы

(20 инут)

«Көшбасшы және тыңдаушылар» әдісі

Берілген жаңа тақырыпты түсіндіру үшін сыныптан өз еркімен бір оқушы Көшбасшы ретінде өзін ұсынады. Көшбасшының қалауынша мәтінмен жұмыс жүргізу.

«Бесбармақ» арқылы бағалау

Жұптық жұмыс

«Екі жақты күнделік» әдісі.

Атмосфера — Жер шарының ауа қабығы, ол салмақ күшіне байланысты ғаламшармен бірге айналып, қозғалысқа түседі. Жалпы массасы 5-1015 т шамасында болатын атмосфера түрлі газдардан, су тамшылары мен шаң-тозаңнан тұрады. Атмосфераның төменгі бөлігі Жер бетімен шектесіп жатыр. Ал жоғары шекарасы ретінде соңғы ғылыми деректер бойынша 1000 км биіктік алынады, бұдан әрі қарай ауа өте сиреген күйде болады.

Шамамен 100 км-ге дейінгі биіктік аралығында ауа құрамы мынадай газдардан: азот — 78%, оттек — 21%, инертті газдар — 1%-ға жуық (оның 0,93%-ы аргон), көмірқышқыл газынан — 0,03%-ы тұрады. Ауа құрамындағы криптон, ксенон, неон, гелий және сутек газдары өте аз мөлшерде болады. Атмосфераның төменгі қабатында ауа құрамы салыстырмалы түрде тұрақты болады, тек өнеркәсіпті аудандар мен ірі қалалар үстінде көмірқышқыл газының үлесі он есеге дейін артуы мүмкін. Лас ауаның құрамында бөгде қосылыстар да кездеседі. Шамамен 200—1000 км биіктікте ауа құрамында оттек басым, ол ультра- күлгін сәулелер әсерінен атомдарға ыдыраған күйінде болады. 1000 км-ден биікте сиреген атмосфера негізінен гелий мен сутектен турады, сутек зарядталған атомдар күйінде таралған.

Атмосфера құрамындағы әрбір газдың атқаратын қызметі бар. Азот нәруызды (белок) заттар мен нуклеин қышқылдарының құрамына енеді, ал оның қосылыстары өсімдіктерді Минepaлды қорекпен қамтамасыз етеді. Оттексіз тірі организмдердің тыныс алуы мүмкін емес, сондай-ақ жану мен тотығу процестері де жүрмейді. Жасыл өсімдіктер көмірқышқыл газын пайдаланып, органикалық заттар…