Ауаны қорғау тақырыбында ашық сабақ, 1 сынып

Сабақтың тақырыбы: Ауа- Жердің қорғаны. Ауаны қорғау.

Сабақтың мақсаты:

І. Білімділігі:Оқушылардың білім- білік дағдыларын қалыптастыра отырып, ауа, ауаның қасиеті, ауа қозғалысы, ауаның құрамы, таза ауа, ауа- Жердің қорғаны, ауаны қорғау, ауаның ластану себептері туралы сөз қозғай отырып, ауаны тазарту, еліміздің ауаны қорғау үшін қолданылатын шаралар туралы таныстыра отырып, білімдерін шыңдау.

ІІ. Дамытушылығы: Оқушылардың сөздік қорын, логикасын, ойлау қабілеттерін, есте сақтау қабілетін, дүниетанымын, ой- өрістерінің дамуына жағдай туғызу. Логикалық ойлау, елестету, қабылдау, есте сақтау, бақылағыштық қасиеттерін дамыту.

ІІІ. Тәрбиелігі: Айнала қоршаған ортаны, табиғатты, жер бетіндегі тіршілікті сүюге, қорғауға, қамқор, әрі бауырмал болуға, білімпаз, табиғаттың қорғаушылары болуға тәрбиелеу.

Сабақтың түрі: Аралас сабақ

Сабақтың әдіс- тәсілдері: Сын тұрғысынан ойлау элементтерін қолдану, сұрақ- жауап, әңгімелеу, түсіндіру, баяндау, топпен жұмыс.

Көрнекілігі: тәжірибеге қажетті құралдар, кесте, ойын, сөзжұмбақ.

Пәнаралық байланыс: әдебиеттік оқу, еңбекке баулу.

Сабақтың барысы:

І. Шаттық шеңбері

Армысыз, шапағатты Аспан!

Армысыз, мейірімді Жер!

Армысыз, шұғылалы Күн!

Қайырлы таң! Қайырлы күн!

Сәлеметсіз бе, апалар!

Бәріміз күндей жарқырайық,

Бәріміз дос болайық!

ІІ. Өткен материалды еске түсіру. Жалпылау.

Үй тапсырмасын сұрау, тексеру.

Оқушылардың өткен сабақты қаншалықты меңгергендігін, түсінгенін байқау, анықтау.

Оқушының сөйлеу қабілетін, сөйлеу тілін сөздік қорын байқау.

Неге көңіл аудару қажеттілігін анықтау, ескеру. Жан- жақты тексеру.

ІІІ. Жаңа сабақ: Балалар сіздерге қазір сөзжұмбақ жасырамын.

қ

о

л

ғ

а

п

қ

ы

р

а

у

с

а

н

д

ы

қ

Қам жемеңіз ол жайлы,

Қымтағасын тоңбайды.

Қыста суық аяздан

Бес інісін қорғайды. (Қолғап)

Құлағы мен көзі жоқ,

Жоқ тіпті қол мен аяғы.

Бірақ ғажап өнерпаз,

Мәнерлеп ою ояды. (Қырау)

Кіруге адам баипайды,

Затыңды аман сақтайды. (Сандық)

Сабақтың тақырыбы: Ауа- Жердің қорғаны. Ауаны қорғау.

Жер шарын жан- жағынан біртұтас, қалың ауа қабаты қоршап тұрады. Сендер далада жүрсеңдер де, үйге кірсеңдер де, тіпті ұшақпен аспанға көтерілсеңдер де, ауа қоршауынан бос орын қалдырмастан толтырып тұрады. Кез келген заттың қуысында, топырақта, суда, тіпті біздің денемізде де ауа бар. Оған көз жеткізу үшін тәжірибе жасап байқайық.

Тәжірибе. Стақанға су құйып, оған бір түйір топырақ тастаңдар. Су бетіне шыққан көпіршіктер нені дәлелдейді?