Ауған сөнген шоқ өшкен арман тәрбие сағаты 6 сыныпқа

Шығыс Қазақстан облысы, Үржар ауданы, « Б.Сахариев атындағы Бақты орта мектеп-бақша»

КММ

Әдеби музыкалық ашық тәрбие сағаты Тақырыбы: «Ауған, сөнген шоқ,өшкен арман. Тек сенен , есте қалған...»

Мақсаты: Оқушыларды патриоттыққа,рухани адамгершілікке,Отанын сүюге,тәуелсіз еліміздің білікті де,білімді азаматтары болуға,аға буын өкілдерін құрметтеуге тәрбиелеу. Көрнекіліктер: Интерактифті тақта,сурет слайдтар,фото альбомдар, нақыл сөздер жазылған плакаттар. Шақырылған қонақтар:жерлестерімііз,Ауған соғысы ардагерлері,интернационалист жауынгерлер: Қаймақов Қалиқан,Акимбеков Ермек

1-жүргізуші: Армысыздар, ардагерлер лектегі, Өмірлерің – ерлік-күрес мектебі! 2-жүргізуші: Құрметті қонақтар, ұстаздар, оқушылар!

Өткенін ескермеген өшеді, Өткенін қастерлеген өседі,- демекші, Берер тәлімі мол тарихтың тірі куәгерлері бүгін біздің ортамызда! 1-жүргізуші: Биыл 15-ақпанда Кеңес әскерлерінің Ауғанстан жерінен шығарылғанына 30 жыл толады. Бұл – аз уақыт емес.

Ауған соғысының қасіреті кімдердің жүрегін жараламады десеңізші?! Азаматтық борышын атқаруға әскерге кетіп, табытпен оралғандары қаншама? 2-жүргізуші: Атышулы Ауған соғысының зардабы заман ауысқанымен тарихтың қасірет беттерінде жазулы. Біздің республикамызда 22000 адам соғысқа қатысып, 720 өмір қыршынынан қиылды, хабар-ошарсыз кеткен 20 тағдыр және бар. Азалы Ауған тақырыбын біз еш уақытта ұмытпаймыз. 1-жүргізуші: Сұм соғыстың зұлмат өртінде от болып жанып, шоқ болып жарқыраған , қараңғы қапас түнектен жұлдызды сәуле, арайлы күн болып болашаққа қимастықпен сағына қол бұлғап қалған қайран егіз тағдыр..., егіз есім...Аппаз бен Нұрлан... Сарбаз киіміндегі тас бейнелерің «Біздер Антқа

адал болдық! Отанды сүйіңдер – сендерге аманат осы» деп көздерімен ұқтырғандай... 2-жүргізуші: Ауғанстан жерінде қаза болған жауынгер ағаларымызды еске алуға бір минуттық үнсіздік жариялаймыз. ( Бір минуттық үнсіздік)

( Ән – «Бізді ұмытып кетпеңдер»)

Көбенов Төлеубек Ауған соғысы ардагері,Презсиденттік гвардия

Подполковнигі,Бақты орта мектебі түлегі

өмірбаяны Қызырбекова Балнұр таныстырады 1-жүргізуші: Отан – оттан да ыстық! Азаматтық парыздың ішіндегі ең үлкені – Отан қорғау! Жауынгер жүгі қашан да салмақты. Солардың арқасында біз той тойлап, ештеңеге алаңдамай өмір сүріп жатырмыз! 2-жүргізуші: Құрметті ардагер ағалар! Сіздердің өмірлеріңіз – жеке бір адамның жер бетіндегі тіршілігі емес. Сіздердің өмірлеріңіз – Отан тарихымен, халық өмірімен

бірігіп кеткен өшпес, өнегелі өмір. Сіздер қандай құрмет болса да соған лайықсыздар! 1-жүргізуші: Білеміз, жас өседі, туады ерлер, Қастерлеп, әке жолын қуады ерлер. Тумайды, сіздерден соң, тумасын-ақ, Соғыс деген сұм тажалға куәгерлер!

( Ән – «Сарбазым»)

2-жүргізуші: Отансүйгіштік қасиетіңді таныту үшін ... соғыстың болуы міндетті ме? Әрине, жоқ!

Кейде маған өсіп келе жатқан жас ұрпаққа соғыстан да қиын кезең туатындай болады да тұрады ...

Сол қиын кезеңдерде жеңіске жету үшін біздерге үлкен күш, ұлы рух қажет. Сіздердің Отанға, Антқа адал болған ұлы сезімдеріңіз бізді де Отансүйгіштікке жетелейді. 1-жүргізуші: Ел басына күн туған кезде «ереулі атқа ер салып, егеулі найза қолға алып», «толарсақтан саз кешіп» бабаларымыз қазақ елін сыртқы жаулардан қорғады. Кешегі Ұлы Отан соғысы кезеңінде қаншама ата-апаларымыз Антқа адал болудың үлгісін танытты. Мөлдір бұлақтан еш уақытта лай су ақпайтынын сіздер істеріңізбен дәлелдедіңіздер.

2-жүргізуші: Аққулардай асыққан мөлдір көлге, Сағыныштың азабын жеңдіңдер ме? Тұңғиықтың түбінен шығып бүгін, Туған жерге, ағалар, келдіңдер ме?

1-жүргізуші: Бүгінгі еске алу сағатымыздың аса қадірлі қонақтары, жалындаған жастық шағын, қарулас достарын ала бағанның арғы жағына қалдырған ардагерлеріміз бізің арамызда! Олар: - Ауған соғысының ардагерлері: Қаймақов Қалихан және Акимбеков Ермек ағаларымыз. 2-жүргізуші: (Көрініс) Өмірбаяндары Мүсілімова Гүлден,Жармұхаметқызы Мейірім

Қаймақов Қалиқан Акимбеков Ермек Б.Сахариев атындағы Бақты орта мектеп түлектері.

Бауырым, бұл хатымды аласың ба?

Ауғанның тауларының арасында, Бораған қорғасын оқ бас көтертпей, Жатырмыз ессіз-түссіз жар астында.

Қоршаудамыз, барады айдан асып, Анталаған жаулармен тайталасып, Іздеп жатқан ел де жоқ артымыздан, Шер-қайғыңды енді кімге айта аларсың?

Күңіреніп, күрсінеді Ауғанстан, Жігіттер де шаршады сұм соғыстан. Түн ортасы басталар қанды қырғын, Жарылыстан-жарылыс – күл боп ұшқан.

Күні өтеді осылай жастығымның,

Жолдасымның естідім ақтық үнін. Қансырады, құлады командирім,