Ауғаныстан ақиқаты бойынша 5-сынып тәрбие сағаты

Күні: 14.02.2020ж Сынып: 7 «Ә»

Тәрбие сағатының тақырыбы: Ауғанстан ақиқаты.Мақсаты:Білімділігі: Ауған соғысының тарихи мағынасын ашып, оқушыларға түсіндіру.“Ауған соғысы” жайлы тереңірек біліп тану, соғыс ардагерлері туралы мәлімет алу.Дамытушылық: Тарихи деректердің маңыздысын аша білуге және материалдарды диалектикалық тұрғыдан талдай білуге дағдыландыру.Тәрбиелік: Ауған соғысының ардагерлерін құрметтеу, жас ұрпақтың патриоттық сезімдерін оятып, Отан үшін отқа түсіп қыршынынан қиылған, жат жерде көз жұмған Қазақстан азаматтарын еске алу, жауынгерлердің қысқа ғұмырынан үлгі-өнеге, тарихи тағылым беру, оқушылардың сөйлеу мәдениетін дамыту, елжандылыққа, отансүйгіштікке, ізгілікке баули отырып тәрбие беру.

Көрнекілігі: Тақырыпқа сай слайд, суреттер

Тәрбие сағаттың барысы:

І Ұйымдастыру кезеңі

Сәлемдесу . ҚР әнұранын орындау

Негізгі бөлім

І бөлім. Деректеме «Ауғанстан ақиқаты»

Соғыс - жан алып , жан беру.

Соғыс - халықтың басына келген қасірет, жұт.

Кеңес әскерлерінің Ауған жерінен шығарылғанына 26 жыл толуына байланысты

«Ұрпаққа үлгі болған ерлік» тақырыбындағы тәрбие сағатымызды ашық деп жариялаймыз.

Ауғанстан ... Біз ол туралы біз не білеміз? Ауғанстан бұл - ертеден қалыптасқан мұсылман мемлекеті.Бірақ бұл ел бізге ұмытылмас қайғы мен қасірет әкеледі деп ешқашан ойлаған емеспіз. Біреудің жүрек жарар ұлын, біреудің арқа сүйер бауырын жұлып әкетерін кім білген?!

Ауған соғысы — КСРО Қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс. КОКП және КСРО басшылығы Ауғанстандағы 1978 жылғы сәуір төңкерісі нәтижесінде билікке келген “халықтық-демократиялық үкіметті” қолдап, көршілес елдің социалистік бағытпен дамуын көздеп, “интернационалдық әскери жәрдем береміз” деген желеумен оның ішкі істеріне араласты. Бұл “қырғи қабақ соғыс” кезеңі өткеннен кейінгі уақытта да КСРО-ның өзге елдерді өз ықпалына қарату саясатының айқын көрінісі еді.

Қазақстаным, көгерсін, гүл боп жайнасын,

Ел-жұртың күнін бейбітшіліктің тойласын.

2030, одан да әрі мәңгілік

Басыңнан бағың, қасыңнан құтың таймасын.

ІІ бөлім. “Өлең – сөздің патшасы” Бітпейді соғыс салған салдарлары, Бейбіт күн адамзатқа арман ба әлі Қырық бірдің отты жылы көнергенде Жаңғыртты жолсыз жанжал Ауғандағы Таулы аймақ Кабул, Баграм, Қандагарда Өлім сеуіп ұлыған қанды аралда Он сегіз – жирмадағы боздақтардың Көрсеткен ерлігінде сан болар ма. Бауырым, сен де соған барып қайттың Кеудеңе орден, медаль тағып қайттың Тілейміз енді соғыс болмағанын Жат жерде жансыз дене қалмағанын Ұрпағымыз бейбіт күн еңбек етіп, Ашық аспан астында самғағанын ! Дәулетбек Қалышкенұлы

ІІІ бөлім. «От кешкен Ауғанстан ардагерлері» Ауғанстан соғысына қатысқан ардагерлер туралы деректемелер

ІV бөлім. “Ойлан тап” жұмбақ жарысы.

1. Белі бүкір, алысқа түкір. (мылтық)

2. Жылт-жылт еткен, жырғадан өткен. (мылтық оғы)

3. Тиіп кетсе тырс етіп қақ жарылған, Бар тетігі адамзатқа бағынған Мерт қылады жақын келген нәрсені Қастық қылса, жаудың жайы табылған. (бомба)

4. Сырты ағашпен қабатталған Ілініп бір бөлшегі салақтаған, Асылды ішіндегі алсаң тартып Тіліндей сұр жыланның, жалақтаған. (қылыш)

5. Көзге түсіп көріне жүрмейді, Сүйтсе де бірде танып кідірмейді Күні-түні барады тынбай жүріп Қалғып-мүлгіп бір сағат кідірмей (өмір)

6. Өмір-өмір, өмірден Жаққан оты көмірден Шыңрау деген бір құс бар, Жұмыртқасы темірден. (оқ, мылтық)

V бөлім. Сергіту сәті

ІV бөлім. Тақырып бойынша тапсырмалар орындау.

Тапсырма1. Сендер мына тапсырмада таңбалардың орнына әріптерді қойып жасырылған сөйлемді табыңдар: + >“ + < § ] + < § o“ x § x ← ↑ → ↑ v x # x % o # “+ <. Таңбалар: +- а, |- і, #- л, (- е, @- к, *- з, =- ұ, v- ж, x- ы, o- о, ~- р, % - б, $- ш, →- 7, {- м, ]- т, §- с, ¶- қ, - у, “- ғ , ↓- 5, ↑- 9 , ?- ң, ←-

1. Тапсырма

2. Төмендегі сұрақтарға жауап беріп құрақ құрау керек:

1. Ауған соғысына қатысқан қандай ардагерлерді білесіздер?

2. Ауғанстан соғысы қай жылы және қай күні болған?

3. Бұл соғыс неше жылға созылды?

4. 1979 жылы келісім шартты бұза отырып кім басып кірді?

Тапсырма 3.

Сендер мына тапсырмада нүктелердің орнына керек сөзді қойып, мақал-мәтелдің мағынасын ашыңдар.

а) Ердің аты...шығады.

ә) Ер игісі...жүгін көтереді.

б) Досыңның досы дос, Жауының...одан да жақсы дос.

в) Батыр...дәулеті, Балқұрақ...сәулеті.

г) Ер жігіт...үшін туады, ...үшін өледі.

Қорытынды бөлім

1989 жылы, Ақпан айының 15-де талай аналарды перзеттерден айырған, мыңдаған жерлес бауырларымыз қаза тапқан қасіретті де, қайғылы да «Ауған соғысы» аяқталды. Жылдар өткенімен жауынгерлеріміздің өшпес ерлігі ел есінде сақталуда. Бүгінде «Ауған соғысы» қажет пе еді? деген сұрақтар көп қойылған кезде, біз жастар, еліміздің сол соғысқа қатысқан ұлдарын Отан алдындағы борыштарын адал атқарған азаматтар деп құрмет тұтамыз.

Не болды екен, көңілім тыншымайды,

Кім болды екен басатын гүл шырайды.

Енді ғана нұрланған бұл өмірдің

Ақ жолынан алыста жүрші, қайғы.?!

Үзілді гүл бүршік атқан жаңадан,

Қиылды өмір, енді ғана жаңарған.

Наз көңілдер су сепкендей басылды,

Төгілді жас жабырқаулы жанардан.