Ауылым береке әр күні бір мереке балабақшаға

«Қуаныш» бөбекжай-бақшасы

Ерте жас тобы

Ұйымдастырылған

оқу қызметі

«Ауылым-береке, әр күні-бір мереке»

Тәрбиеші: Хакимова А.М.

Төле би ауылы, 2018-2019 оқу жылы

Білім беру саласы: «Таным» «Коммуникация»

Ұйымдастырылған оқу қызметі: Жаратылыстану. Сөйлеуді дамыту

Тақырыбы: ««Ауылым-береке, әр күні-бір мереке»

Мақсаты: Ересектердің жетекшілігімен балаларға қолжетімді тәсілмен ұлттық құндылықтарды дәріптеу. Заманауи гаджеттерге тәуелділігін азайтып, ұлттық нақыштағы танымдық ойын-жаттығуларды насихаттау. Ұқыптылық, жинақылыққа үйрете отырып, әр заттың, бұйымның қадірін біліп-тануға үйрету. Ортада өз-өзін еркін ұстауға мүмкіндік туғызу.

Қажетті заттар, құралдар, декорация: киіз үйдің ішкі көрнісі, ыдыс-аяққа, ұялы телефонға арналған қапшықтар, түйенің макеті, ойыншық ұялы телефон, бойтұмар.

Барысы: Киіз үйдің ішінде балалар әрқайсысы өз ұялы телефондарымен ойнап отырады.

Екі әже әңгімелесіп отырады:

Балаларынның барлығын жинап алыпсын ғой.

Иә, мына ортаншы баланың кішкентайы туылғаннан әлжуаз, аурушан болды ғой. Көрсетпеген дәрігері, тоздырмаған есігі қалмады. Күзде біраз күн қалаға барып, қонақ болып қайттым. Сонда көргенім кешке дейін жұмыста өз балаларына еш уақыт жоқ. Сәл түшкірсе болды дәрігерге жүгіріп, дәрі-дәрмекті үйіп береді екен. Ол аз болса жұмыстан қайтқанда сөмке-сөмке тәттілер келеді. Жыламасын деп әр балаға қалта телефондарын бере салады. Сәл үлкендері TV, компьютерге шұқшиып, бір-бірімен сөйлесуді де қойыпты. Содан шалмен ақылдасып мектепке барғанша өзіміз қарап берейік деп шештік.

Е мұның дұрыс екен. Бәріміздікі сол. Келін де, бала да кешке дейін жұмыста, ал үйде құлақтарында телефон. Қазір тіпті бесіктегі нәрестені де телефон әуенімен ұйықтатады ғой.

Ауылға алып келіп, тәттінің орнына құрт-ірімшік, биос,йогурт сұраса айран-сүт бердім. Жартылай өңделген дайын тағамдардың орның кәдімгі ет басты. Міне үш айдан бері дәріні ұмытып, өңдері кірді. Атасы тас, асық жинап ойындар үйретіп отыр. Кешке TV орнына ертегілерді кезек-кезек айтамыз.

Десе де, ауылдың ауасының өзі жанға шипа емес пе?! Айтпақшы сендерді көшеді деп естіп келдім.

Иә, ауылға көшіп балаларды балабақшаға берсем бе деген ойым бар. Естуімше балабақшалар ұлттық тәрбиені бізден кем бермейді екен.

Дұрыс, дұрыс бірақ балаларын телефонмен ойнап жатыр ғой.