Аяулы анашым ойындары мен сценарийлері мектепке дейінгі балаларға

Жангелдин ауданы әкімдігі білім бөлімінің «Балдырған» бөбекжай– балабақшасы МКҚК

(ертеңгілік)

Ұйымдастырған: Стамкулова А.Ж.

Торғай селосы

Ұл балалар музыка әуенімен залға кіреді.

1 бала: Бейбарыс

Мерекеде келіп қалды

Бізде бәрі дайын ба?

Қазір қыздар келеді,

Сазайымызды береді.

2 бала: Ерасыл

Айттым ғой мен сендерге,

Үлгермейміз қазір деп.

Бәріне қыздар кінәлі,

Өлең айта болғаны.

3 бала: Азамат

Ұлдар, ұлдар ұрыспаңдар,

Әне өздеріде келіп тұр.

Көңілдірек қарсы алайық,

Біздің қыздар келіп тұр.

Ұлдар қыздарды қол соғып қарсы алады.

Жүргізуші: Сәлеметсіздер ме құрметті ақ жаулықты әжелер, асыл да- аяулы аналар, балабақшамыздың тәрбиешілері және ару қыздар! Сіздерді

8-наурыз Халықаралық әйелдер күнімен құттықтаймыз. Әрқашанда аспандарыңыз ашық болсын, жүздеріңізден мейірім, жарқын шуақ кетпесін. Бүгінгі мереке тек сіздерге арналады.

1 бала: Бейбарыс

Білесің бе Ерасыл?, ана деген керемет асыл жан. Менің анам кішкентай кезімде не айтсам соны алып беріп, түн ортасында шөлдесем тұрып шырын, су беретін.

2 бала: Ерасыл

Ал менің анам ұйықтар алдында ән, ертегі айтып ұйқыдан оянғанымда жүрегіме жылу беретін сөздер айтады.

Жүргізуші:

Бала, бала, бала деп,

Түнде шошып оянған

Түн ұйқысын төрт бөліп,

Түнде бесік таянған.

Аялы қолды талпынтқан,

Қаймақты сүттей қалқытқан

Суық болса жөргегі

Қорғасындай балқытқан,

Айналасына ас қойып,

Өзенді көлдей шалқытқан.

Қолын қатты тигізбей,

Кірлі көйлек кигізбей,

Иісін жұпар аңқытқан.

Бұл кім?

Балалар: Ана! Ана! Ана!

Жүргізуші: Құрметті, аналар, Сіздерге арналған мерекемізді бастаймыз!

Ән: Құттықтаймын мама!

1-бала: Нарғыз

Құшағыңа кіргенде,

Жылынамын бір демде.

Не жетеді көзіңе,

Мейірімді күннен де.

2-бала: Балнұр

Үн қатасың бал тілмен,

Еркелеймін әр күн мен.

Құттықтаймын, анашым,

Сегізінші наурызбен.

3-бала: Ердәулет

Еркелесем, күлімдейтін,

Ұрысқаны білінбейтін.

Маңдайымнан иіскеп менің,

«Құлыншағым, күнім», дейтін.

Жүргізуші: Ананың әрбір сөзі жылылыққа толы. Ананың көз нұры тастай мұзды да жібітеді. Сүйікті аналар, сіздерге деген балаларыңыздың жылы лебіздерін қабыл алыныздар!

Би :«Шығыс»

Жүргізуші: 8-Наурыз – аналар мерекесі, көктемнің сахнасы. Жылы нұрын төгіп, шуағына адамзатты баурап көктем келді. Табиғат құлпырып, бір әдемі әлемге бізді апарды.

4-бала: Айша