Аяулы анашым тақырыбындағы мектепалды ертеңгілік жоспары

Аяулы анашым.

Жүргізуші: Құрметті қонақтар,балалар , аяулы да ардақты аналар ,әжелер!

Бүгінгі біздің «Аяулы анашым» атты ертеңгілігімізге қош келдіңіздер!

Көктемнің алғашқы мейрамы аналар мерекесі құтты болсын!

Баршаңызға көтеріңкі көңіл күй, әрқашанда денсаулықтарыңыз мықты болып,әдемі де сұлу , бақытты болуларыңызға тілектеспіз.

Ардақты ана ,аяулы ана ,қымбаттым,

Тәтті ұйқыңды бөліп,талай үн қаттың.

Өміріме нәрін берді ақ сүтің

Кең құшағың аясындай қарсы алайық.

Осы мерекеге балаларды қарсы алайық.

Балалардың сіздерге арналған «Әже»әнін қабыл алыңыздар.

«Қарлығаш» тобының бүлдіршіндерінің аналарға арналған тақпақтарын қабыл алыңыздар.

Әли: Аналарды сүйеміз

Сөзін ойға түйеміз

Әжені де ардақтап

Әдеппен бас иеміз.

Арафат: Мен айтамын тақпақ

Өз апамды мақтап

Менің апам әдемі

Менің апам аппақ.

Әмина: Жанымызды жайнатқан

Сіздер ғой аналар

Зор денсаулық,мол бақыт

Тілейміз біз аналар.

Айым: Менің әжем мейірбан

Мені жақсы көреді

Қажетіне жарасам

Жас балаша күледі.

Нұрым: Мені жақсы көреді,

Көп ертегі біледі.

Әжем айтып береді.

Еркелетіп жүреді.

Әмір: Анам болса қасымда,

Басқа бақыт не керек,

Анашымның жүрегі

Мейірімді ғой керемет.

Біздің «Қарлығаш» тобының қыздарына арналған «Теңізшілер» биін тамашалаңыздар.

Ойын:Шалшықтан өту,қолшатырмен.

Бүлдіршіндердің тақпақтарын қабыл алыңыздар.

Аяна: Шай қайнатып берейін,

Шекер салып жан әжем

Өзім құйып берейін,

Балдай тәтті бал әжем.

Сұлтан: Сегізінші наурызға

Құттықтаймыз ананы

Теңеп оны жұлдызға

Сый тартамыз анаға .

Алуа: Сыйлаймын мен әжемді,

Сізге арнап жаттаған

Мейрамыңыз бүгінгі

Құтты болсын,ақ анашым.

Адия: Мені жақсы көреді,

Көп ертегі біледі

Әжем айтып береді.

Еркелетіп жүреді.

Дамир: Апам менің айым.

Қазағымның айы

Егер анам болмаса

Не болады жайым.

Айару: Ақ анашым аппағым

Өзің жайлы тақпағым

Өзің жайлы әнімді

Арнадым саған бәрінде.

Аналарға арналған «Мерекеңмен анашым » атты әнін қабыл алыңыздар.

Бүлдіршіндердің тақпақтарын қабыл алыңыздар.

Жәнібек: Бала,бала,бала деп

Мені өсірген анашым,

Гүлге толсын құшағың

Бақытты бол анашым.

Ақбота: Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

Көктем кіреді: Музыкамен

Би: «Көбелектер»

Ойын:Орамал ілу.

Балалардың аналарға арналған сыйлықтары :Гүл сыйлау.

Осымен біздің ертеңгілігіміз аяқталды ,сау болыңыздар.