Аяулы анашым тәрбие сағаты, 4 сынып

Тақырыбы: Аяулы –Анашым

Сабақтың мақсаты:

8- наурыз –Халықаралық әйелдер мерекесін атап өту.

Анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету.

Оқушы бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыруға тәрбиелеу.

Көрнекілігі: Суреттер, мақал-мәтелдер. Шарлар.

Сабақтың түрі: дәстүрлі емес

Барысы:

1 ) Ұйымдастыру кезеңі:

2 ) Кіріспе сөз:

3 ) 8 наурыз туралы мәлімет беру

4 ) Оқушылардың өлеңдері

5) Ойын

Кіріспе сөз.

Ана,ана, ана!не деген мейірлі, не деген шапағатты сөз еді. Осынау үш әріптен құралған қасиетті сөздің түп-төркінінде қаншама ұлы сезім жатыр десеңші. Сезім мен қасиет, бар махаббат пен шапағатты сыйдырып тұрған ұлы ана сезімін қадірлемейтін жан бар ма бұл өмірде?! Жақсылық атаулының барлығы да, күннің нұрынан ананың сүтінен тараған. Сондықтан құрметті ата –аналар, ұстаздар. Қадірлі апайлар, қызғалдақ қыздар бүгінгі сіздерге арналңан «Аяулы анашым» атты тәрбие сағатымызды бастаймыз!

Ендеше, балалар, бізде қазір қай мезгіл? (Көктем)

Көктемде бізде қандай мереке болды сонымен? (8 наурыз аналар мерекесі)

Мұғалім:

Көктем – күннің қанаты.

Көктем гүлді дала аты,

Самал өскен таң атты

Көктем жердің тынысы.

Көктем елдің ырысы – демекші көктемді де қарсы алайық.

Сыныпқа көктем деген жазуы бар оқушы кіреді:

Құстар келіп, ән думанға бөледі.

Қуанышқа кенеледі ел енді.

Жауқазындар жайқалады қырдағы

Мәз-мәйрам боп балалар гүл тереді.

Мұғалім:

Той пердесі ашылсын

Тойға шашу шашылсын

Аналарды құрметтеп,

Ән маржанын шашайық-

Құрметті аналар мен ақ жаулықты әжелер, кер маралдай керілген әпкелер, қарындас, құрдастар, ұстаздар! Сіздерді көктемнің алғашқы мерекесімен құттықтаймыз Ұзақ ғұмыр, бақытты өмір, отбасыларыңызға амандық пен қуаныш тілейміз!

Осы себепті біздің балалардың аналарына дайындаған ертеңгілігін тамашалаңыздар.

Тақпақтар. 1

Жан анам, құттықтаймын мереке күніңмен,

Көктемнің құлпыра бер нарт гүлімен.

Өрлесін елдің берген бақыт бағы,

Жазбасын шат көңілін ақ қүніңмен.

Сенен өскен балалар,

Батырлар мен даналар.

Құттықтаймыыз мейраммен,

Құрметті жан аналар!

Мен гүлдерді жұлмаймын,

Торғайларды қумаймын.

Айтқан сөзін тыңдаймын.

Анашымды сыйлаймын!

Анам ыдыс жуады,

Мінезі оның биязы.

Ол барында тұрады