Әз Наурызға арналған ертеңгілік мерекелік бағдарламасы

Сейткалиева Бибигуль Ермекқызы

Тақырыбы: «Армысың,әз Наурыз!

Жүргізуші: Армысыздар құрметті қонақтар, тәрбиешілер! Ұлыстың ұлы күні құтты болшын! Күлімдеген шуақты көктеммен бірге,қазақ даласына жаңа жыл келді.

Жаңа жыл бақыт жылы,бейбіт жылы болсын! Жаратылыс жаңарып,теңелген кез күн мен түн! Ел сұрасып жаңалық.Бір-бірінен білген күн.Наурыз көже тартысып.Үйден үйге кірген күн,ән мен биге қатысып ,қауым боп ойнап,күлген күн-дегендей құрметті қонақтар баршаңызда бүгінгі біздің «наурыз тойымызға қош келдіңіздер»

Наурыз келсе құт келгені халайық.Есік ашып,шашу шашып,ел болып қарсы алайық! Бәрімізді қуанышқа бөлеген,ұлыстың ұлы күні Наурыз құтты болсын!

Жүргізуші: Әр адам келер жылдан үлкен үміт күтіп,оны ақ тілекпен,ақ ниетпен қарсы алады.Ендеше,ақ кимешекті ақ әжеміз атамыз келе жатыр наурыз тойына қарсы алайық.Қош келдіңіздер!

Залға әдемі киінген Ата мен Әже кіреді.

Ата: Аманбысың,ұлдарым аманбысың,қыздарым!Наурыз мерекелерің құтты болсын!Әр отбасына құт-береке әкелсін!

Әже: Амансыңдар ма балаларым! Амансыңдар ма қонақтар! Ұлыстың ұлы күні Наурыз мерекесі құтты болсын!Наурыз әр отбасына құт береке әкелсін.Бұл адамдар таза киініп,ауласын тазалап,тал егеді,бұлақтың көзін ашып су жібереді.Жылы көже жасайды.Ол өте дәмді көже,бұйыртса,сол көжеден бүгін дәм татасыңдар.

Жүргізуші: Балалар,олай болса,Ата мен Әжеге өнерімізді көрсетейікші.

Көктемнің төкті нұры,

Көңілдің кетті мұңы.

Келіңдер балалар,ән шырқайық,

Ұлыстың ұлы күні.

Ән: «Құтты болсын Әз наурыз!»

Жүргізуші: Ортада өз тілегін айту үшін

Айжұлдыз: Күттіріп келген жыл басы

Бізбен бірге жырлашы

Дастарханға елімнің

Береке ырыс сыйлашы.

Айару: Наурыз тойы әдемі

Әжем еске түсірді

Біздерге арнап әдемі,

Наурыз көже пісірді.

Дидар: Кел балалар ойнайық,

Наурыз тойын тойлайық,

Баянды боп мереке

Қыр гүліндей жайнайық.

Мадина: Құстар құстар келеді

Жерді шуға бөледі

Көктем келді деп бізге

Жақсы хабар береді.

Айбибі: Көке бояп өңірді

Көктем келді көңілді

Бау-бақшада орманда

Құстар әні көңілді.

Әже наурыз мерекесі жайында түсінік береді.Торсық туралы айтып өту.

Жүргізуші: Қыздарымыз сіздерге биін көрсеткісі келіп отыр.

Наурыз тойын бастаймыз

Бимен оны қостаймыз.

Би: «Торсық»

Музыка әуенімен Қожанасыр кіреді.

Жүргізуші: Қош келдің Қожанасыр,біздің Наурыз мерекемізге!

Қожанасыр: Амансыңдар ма мен де балалардың өнерін көргім келіп тұр,бірақ алдымен ойын ойнап алайық.