Әжелер сайысы сыныптан тыс жұмыс 2 сынып

Әжелер сайысы

Мақсаты: Оқушыларды әжесін сыйлауға, аналарды құрметтеуге тәрбиелеу. Оқушылардың бойына адами қасиеттерді сіңіру.

Көрнекіліктері: Суреттер, нақыл сөздер, оқушылар шығармашылығынан көрме.

Барысы: І.Ұйымдастыру кезеңі. Балалардың зейінін тұрақтандыру.

Құрметті әжелер, армысыздар, Бәріңізде есен-саумысыздар. Жиналыппыз сәтті күні бәрімізде. Үлкен кіші, жасыңыз, кәрімізде. Төрлетіңіз қадірменді әжелер Гүл-гүл жайнап біздің мынау төрімізге.

Немере үшін ең мейірімді жан – әже. Ақ сүт берген аналардың анасы – әже. «Жан жүрегім, жарығым» деп немересін, шөбересін жүрегіне теңейтін де әже. Олай болса қадірменді қауым әжелердің ақ тілегі тойға жиналған көпшілік үшін тәбәрік деп ойлаймын. Сол әжелердің жолын біздерге берсе екен деп тілек айтамын.

Әжемнің саясында ер жеттім мен Аялы ақ бесікте тербетілген әжемдей ақ ниетті абзал жанды Таппаймын айналсам да жер бетінен.

2 «а» сыныбында өткізілгелі отырған «Әжелер сайысын» бастауға рұқсат етіңіздер.

Біздің бұл сайысымыз наурыз мерекесі қарсаңында өткелі отыр. Сондықтан осында отырған барша әжелерді, аналарды, ұстаздарды Наурыз мерекесімен құттықтаймыз. Енді сіздерді бүгінгі сайысымызға қатысқалы отырған әжелермен таныстыруға рұқсат етіңіздер.

Сайыстың аты сайыс болғандықтан бүгінгі біздің ардақты әжелеріміздің әділ бағасаын беру үшін әділ қазылар алқасын сайлап алуымыз керек. Әділ қазылар алқасына 3 кісі ұсынылып отыр. Олар: Сыныптың ата-аналар кеңесінің төрайымы Сыныптағы Айарудың әжесі Мадиярдың әжесі Еңіліктің атасы Қажымұқан ата Біздің сайысымыз ІV кезеңнен тұрады. І кезең. «Жеті атасын білген ер Жеті жұрттың қамын жер». (таныстыру). ІІ кезең. «Өнерлінің қолы алтын, Өлеңшінің сөзі алтын» (әжелер жүн түтіп, шүйкелейді немересі дайын оюдан өрнек құрастырады).

ІІІ кезең. «Халық тәлімі – тәрбие бастауы» деп аталады ( әжелер мақал- мәтелдер айтады, немересі тиым сөздер айтады).

ІV кезең. «Әжелердің жеңсік тағамы-ай» деп аталады (қазақтың ұлттық тағамдары туралы айту,немересі көктем көрінісін салу).

Ендеше І сайысымызды бастаймыз.