Бабын келтіру бапкердің қолында тақырыбындағы мақала

Бабын келтіру- бапкердің қолында.

Әрбір жас отбасын құрағаннан кейін жас сәбидің иісін иіскеп, жас келін ана болып, құшағында өз сәбиін тербеткісі, әлдилегісі келеді. Мен де Қанай би ауылына келін болып келген соң, тезірек қайын жұртыма немере сыйлағым келіп асықтым. Бірақ Алла маған сәби сүюді жыл өткен соң емес, бес жылдан кейін нәсіп етті. Тілегіміз қабыл болып тұңғышымыз ұл болды. Атын Абылай атадық.

Өз қатарластарынан бойшаңдығы мен дене бітімі жағынан ерекшеленді. Бірақ балам мен өз замандастарыма қарағанда денелілеумін деп қысылған жоқ. Бастауыш сыныптарда спортшыларға байланысты Есен деген құрдасы екеуі шағын қойылымдар қоюға ылғи қатысатын және онысы тәп-тәуір болып шығатын. Көрермендер қызу қол шапалақтап дән риза болысатын. Мектептегі КВН командасына, драмалық үйірмеге, әсіресе спорттық секцияларға аса қызығушылықпен баратын. Баламның бағына қарай мектебімізде 2006 жылы Зеренді балалар мен жасөспірімдер спорт мектебінің «Еркін күрестен» филиалы ашылды. Оған бастауыш сынып баласынан бастап, орта және жоғарғы буынның тілек білдірген ұл-қызы қатысты. Олардың өнерін мектепте өткен жарыстарда, «Наурыз» мейрамына арналған спорттық шараларда өзіміз де тамашалап жүрдік. Ол филиалдың жетекшісі, бапкері -мектебіміздің дене шынықтыру пәнінің мұғалімі Биғатов Сайлаубек Қажытайұлы. Сайлаубек Қажытайұлы өзі де күрес және спорттың көптеген түрінен талай жылдан бері жарыстарға қалай қатысса, солай шәкірттерін де тәрбиелеп келе жатыр. Өзіміз көзіміз көрген жарыстарға қалай риза болсақ, сырттай естігендерімізге де қуанысып жатамыз. Бүгінде бұл кісінің шәкірттерінің біразы бапкерінің жолын

Балам осы 2006 жылдан күні бүгінге дейін өз салмағына байланысты «Еркін» және «Қазақша» күрестен аудан, облыс, республика көлеміндегі жарыстарға қатысып, өз бағы мен бабын сынап жүр. Сайлаубек Қажытайұлы еліміздің түкпір-түкпірінде өткен жарыстарға өз шәкірттерін бабына келтіру үшін талай аламан бәйгелерге қосты. Оған кейде өзі демеуші болса, енді бірде демеушілер тауып барса, тағы басқа жолдары ата-аналар ретінде өзіміз де демеуші болдық. Балам өз бойындағы күш-жігерін осындай күш өнеріне салып, жақсы адам, жеке тұлға болып қалыптасуына үлес қосқан бапкері Сайлаубек Қажытайұлына алғысым шексіз. Балалар үшін жасаған ұстаздың еңбегі адал деп білемін.