Бала деген бір бақыт мерекелік ертеңгілігі

Тақырыбы: «Бала деген бір бақыт»

Ертеңгілік: 01.06.2018 ж. Муз залы.

Қатынасатын кейіпкерлер: Жүргізуші (20 бала, әнге -20, биге – 16 бала)

Жүргізуші: Сайқымазақтар, Мыстан, Қарақшы, Сотқар бала.

Ұйымдастырушылар : Манкебаева И.К. Сейдилдаева М.С.Бухарбаева З.

Ертеңгілік жүргізуші: Манкебаева И.К.

Мақсаты: Жаз мезгілінде болатын балалардың сүйікті мерекесімен таныстыру. Мерекелік көңіл күйлерін ояту. Әр баланың мерекеге қатысуын қадағалап, мерекені балалардың естерінде қалатындай өткізу.

Жүргізуші:

-Сәлеметсіздер ме, балалар! Бүгін Халықаралық балаларды қорғау күні.Біздің балабақшада бүгін мереке. Сіздер мерекені жақсы көресіздер ме?

Балалар:

Ия, жақсы көреміз.

Жүргізуші:

Бақшамызда бүгін ұзақ ойнайық,

Балаларды қорғау күнін тойлайық.

Алақай ау , алақай!

Той тойлайық, балақай!

Тақпақ айтып, кезектесіп, бір бірлеп,

Кел, қосылып ән шырқайық, би билеп!

Алақай ау , алақай!

Ән шырқайық , балақай!

Ұғып сөзін тәрбиеші апаның,

Гүл жайнаймыз аясында Отанның!

Алақай ау, алақай!

Гүл жайнайық, балақай!

Тақпақтар:

Мейіржан

Бала, бала, баламыз,Бақшамызға барамыз.Күні – бойы қызыққа,Батамыз да қаламыз.

Ержан

Мен гүлдерді жұлмаймын,Торғайларды қумаймын.Айтқан сөзді тыңдаймын,Анашымды сыйлаймын.

Артур

Біздер де бар қуыршақ,

Бұзау, қозы, құлыншақ.

Ойыншықтар тыңдайды,

Ақыл айтсақ бұйырсақ.

Айсезім

Алақай-ау, алақай,Той тойлайық, балақай.Қызарғанша алақан,Кел,соғайық балақай.

Дияр

Күміс күннің астында ,

Желбіреді туымыз.

Қазақ деген халықтың,

Ұлы менен қызымыз.

Ән: «Ойыншықтар»

- Балалар,бізге хат келіпті,оқып көрейік.

Хат: «Сіздердің сыйлықтарыңыз менде! Банандарыңызды мен алып кеттім. Іздемеңдер! Таба алмайсыңдар! Қарақшы.»

Жүргізуші:

-Мәссаған! Біздің банандарымызды қарақшылар ұрлап кетіпті. Енді не істейміз ,балалар? Қарақшыны тауып алып ,сыйлықтарымызды қайтып алайық! Келістік пе?Балалар:

-Ия.

Кенет алдарынан Мыстан кемпір кездеседі:

-Ээээй, эээээй, эээээй! ( Әрлі –берлі сыпыртқысы мен жүгіріп өтеді)

Ээээй, неғып жүрсіңдер?

Жүргізуші:

-Сәлеметсізбе, Мыстан әжей! Біз қарақшыны іздеп саяхатқа шығып едік. Себебі ол біздің балаларымыздың сыйлығын сұраусыз алып кетіпті.

-Еееее, солай де! Көңіліңіз түспесін, балалар! Мен балалардың дауысын естіп қуанып қалып едім. Мен көңілді балаларды жақсы көрем. Не істесем екен?! Олай болса би билеп алайық. Сосын мен сіздермен бірге саяхатқа шығамын!

Жүргізуші:

- Жарайды онда. Балалармен қандай би билейсіз?

Би:«Жұлдыз» биі

Жолда сотқар бала кездесіп қалады:

-Ээээээй, мен компотқа тұз салып жібердім, ойыншықтарды сындырдым, қыздардың шашын тартам, балдарды жылатам. Мен ешкімді тыңдамаймын!

Балалардың алдында тентектік жасайды.

Мыстан кемпір:

-Олай болмайды. Бұл балабақшаның балалары тәртіпті, ақылды, тіл алғыш, көңілді. Олар бізге тақпақтар, өлең айтып, би билеп, ойындар ойнап көңіл көтерді. Қалайша саған тентектік жасауға жол береміз?! Жоқ, олай болмайт!!!

Сотқар бала:

-Көрерміз!!! Ха- ха -хааа!!!