Бала психологиясындағы ата-ананың рөлі туралы мақала

Бала психологиясындағы ата - ананың ролі.

Отбасы - адам үшін ен жақын әлеуметтік орта.

Отбасы белгілі дәстүрдің, жағымды өнегелердің,

мұралар мен салт - дәстүрдің сақтаушысы.

Отбасында бала алғаш рет өмірмен, қоршаған

ортамен танысып,мінез- құлық нормасын игереді

Отбасы баланың азамат болып өсуінің негізі

болып табылады.

Отбасында баланың психологиялық қалыптасуының тиімді болуына үлкен әсерін тигізетін жағдайлардың бірі- баланың жарасымды мінез- құлқы. Зерттеулер адам психологиясын ана құрсағында жатып дамитынын дәлелдейді. Егер адам анасы дүниеге бойындағы сәбиін әкелгісі келмесе немесе одан құтылу ойы немесе күтпеген бала болса, ол балада өзіне- өзі қанағаттанбау, ешкімге керексізбін деген пікір қалыптасады. Осыдан барып қатыгездік, мейірімсіздік пайда болады. Баланың жақсы болып тәрбиеленуі ана құрсағында басталады. Өмірге келген жас нәресте өзін қоршаған ортамен, ең алдымен, өз отбасымен танысады. Перзент үшін дүниеде ең жетілген, білімді, мәртебелі адам - оның ата- анасы. Отбасында бала тәлім- тәрбие алып ер жетеді, баланың барлық адами қасиеттерінің қалыптасуына ықпал етеді, оны қоғамдық өмірге жетелейді, онда бала өз өмірінің өте маңызды бөліктерін өткізеді және де тұлға ретінде қалыптасады.

Көбінесе балаларда кездесетін мінез- құлық бұзылуы келесі үш себепке байланысты болуы мүмкін.

Бірінші отбасында ата - анасының үлгісінен меңгерген мінез- құлықтарын баланың мектепішілік қатынаста қайталауы.

Екінші- бала өз темпераментінің ерекшеліктерін меңгере алмағанымен байланысты.

Үшіншісі - баланы мектепте оқытуға бағдарлама бойынша даярлаудың қажеттілігі ата- анадан баланың даму ерекшеліктері туралы білімді талап ететіндігі.

Отбасындағы қарым- қатынас, үйдегілердің бір- біріне деген сый құрметі, жақсы жаман - қылықтары баланың қалыптасуына үлкен әсер етеді. Баланың бойынан көрінген кейбір арзымайтын кемшіліктерді дер кезінде түзеп, ескерту жасап тұрудың маңызы зор. Бала бойына асыл мұраларды сіңіре білу ата- ананың басты міндеті.

Қазақстан Республикасының Конститутциясында «балаларына қамқорлық жасау және оларды тәрбиелеу ата- ананың табиғи құқығы әрі парызы » деп, отбасының міндеті нақты көрсетілген.

Егер біз ұрпағымыз саналы да тәрбиелі болып өссін десек, ата- анаға психологиялық , педагогикалық білімді насихаттап отыруымыз қажет.