Бала тәрбиесіндегі ата ананың рөлі туралы баяндама

Баяндама

Бала тәрбесіндегі ата-ананың рөлі

Бала барлық үлгі-өнегені өзі шыққан отбасымен ата-анасынан алады. Оның азаматтық келбеті, мінез-құлқы жанұядағы жандардың күшті ықпалымен қалыптасады. Баланы жақсы көру – барлық ата-анаға тән қасиет. Алайда тек жақсы көру балаға жақсы тәрбие бергендік болып есептелмейді. Ата-ананың ең ардақты міндеті – бала бойына ең жақсы қасиеттерді сіңіре білу, күн сайын емес, сағат сайын баланың оқуын, еңбегін, ойының, жолдастарымен қарым-қатынасын үнемі ерінбей бақылап жақсылыққа жөн сілтеу.

Мен, Қайыргелді Мадина Сұнғатқызы ББ- 413 тобының студенті 2017 жылдың 2 ақпанынан бастап 15 наурыз аралығында өндірістік диплом алды тәжірибесінен «Екібастұз қаласының әкімшілігінің білім бөлімінің №11 ЖОББМ» КММ өттім.

Тәжірибе барысында берілген тапсырмаларға сәйкес барлық пәндерден сабақ, зерттеу жұмыстарын, тәрбие сағаттарын, сабақ жоспарларын, ата-аналармен жұмыс жасадым.

Ата-анамен жұмыс мен үшін қызықты болды. Сондықтан, осы жұмысқа тоқталғым келіп отыр. Мектептегі маңызды жұмыстардың бірі – ата-анамен жұмыс. Ата-анамен жүргізілетін жұмыстардың төмендегідей түрлері бар:

1. Ата – аналар комитеті жұмысы, яғни ата-аналар комитетінің отырысы.

2. «Ашық есік» күнін өткізу.

3. Ата-анаға арналған әңгімелер мен лекциялар, сауалнамалар, тренинг.

4. Ата-аналар жиналысы.

5. Оқушының жанұясына барып, жеке әңгіме өткізу.

Жоғарыдан аталған тізімдердің ішінде мен ата-аналармен жиналыс өткіздім. Жиналыстың тақырыбы: «Баланың басты ұстазы - ата-анасы». Жиналыстың мақсаты: Ата-аналарды бала тәрбиесіндегі ролін анықтау, кеңес беру. Жиналысқа жалпы саны он екі ата-ана қатысты. Ата-аналарды қызықтыру мақсатында «Жүрек лебізі» атты тернинг өткіздім. Бұл тренигта ата-аналар бір-біріне жүрекке жылы лебіздерін жазып, жанындағы ата-анаға сыйлайды. Тренингтен соң ата-аналармен «Баланың басты ұстазы – ата-анасы» тақырыбында әңгіме жүргіздім. Әңгімеде тәрбиенің рөлі бала үшін қаншалықты маңызды екеніне тоқталдым. Жиналысты әрі қарай өрбіту үшін «Қызықты сұрақ» ойынын өткіздім. Ойынның атауы айтып тұрғандай тосын әрі қызықты сұрақтарға ата-аналар жауап беру керек. Мысалы: «Балаңызға ашуланғанда аузыңызға ең алдымен қандай сөз түседі?» деген қызық сұраққа қызық жауап берген ата-ана «шошқа» деп жазған екен.