Бала тұлғасының ерік сапаларын дамытатын ойындар

І тарау. Бала тұлғасының ерік сапаларын дамытатын ойындар.

Баланың бойында дамытуға қажетті қасиеттердің біріне ерік сапалары жатады. Қазіргі уақытта ерік сапаларын уақытылы дұрыс дамытсақ, болашақта тәртіпті, ұқыпты, тұрақты, зейіні шоғырланған, қиындықты жеңе білетін болып өседі. Бұл қасиеттер баланың бойында өте маңызды рөль алады. Себебі ол адамның болашақ өмірінде қиындықтар туғызуы мүмкін. Сондықтан кез-келген ата-ана ерік сапаларын ерте балалық шақтан бастап тәрбиелегенді жөн көреді және де оны қарапайым ойындар арқылы жүзеге асыруға болады. Ойындар оларды ереже бойынша ойнауға, тәртіпті бұзбауға, пәрменді уақытылы орындауға, импульстерін басуға үйретеді. Берілген кейбір ойындарды сыныппен және үйде ата-аналармен ойнауға болады.

«Сабынды көпіріктер»

Ойын мақсаты: ойын барысында ерік күштерін көрсетуге үйрету (болып жатырған жағдайға қарамастан, байыптылық сақтауды үйрету). Ойын әзілдік сезімдерін, актерлік шеберліктерін дамытады.

Бұл ойынды балалар жұптасып ойнайды. Алдымен оқушыларға қарапайым ойын ережесімен оқушыларды таныстырады. Екі жұп ойыншы да ауыздарын үрлеп, көпіршіктердің бейнесін жасайды. Әрбір ойыншының мақсаты-қарсыласты жеңу, міндеті болып жатырған жағдайға қарамастан, сабырлылық сақтау. Ойын барысында алғаш күліп қойған ойыншы көпіршіктері жарылған болып есептеліп, жеңіліс табады.

Қарсыласты күлдіру үшін, қол қимылдарын қолдануға болады, бірақ қарсыластың үрлеген көпіршіктеріне қол тигізуге болмайды. Әрбір жұп арасынан жеңіске жеткендерді өзара жарыстырып, ойын ұйымдастыруға болады.

«Теңіз толқиды»

Ойын мақсаты: балаларды ерік-күшін басқаруға, өз іс-әрекетін бақылауға үйрету. Ойын баланың қимыл-қозғалыстарын дамытуға мүмкіндік жасайды.

Бұл ойын көп адамның балалық шағын еске түсіруі мүмкін. Көңіл-күйді көтеріп, тәрбиелейді. Ойынды аудитория ішінде де, сыртта да ойнауға болады. Жүргізуші 2-3 қадам арақашықтықта, ойыншылардың алдына тұрады және де төмендегі шумақтарды дауыстап айта бастайды.

Теңіз толқиды-1

Теңіз толқиды-2

Теңіз толқиды-3

ТЕҢІЗ ПІШІНІ-орындарында қатып қалыңдар!

Жүргізуші төмендегі шумақтарды айтып жатырған сәтте ойыншылар қолдары арқылы теңізді бейнелейді. «Қатып қал!» сөзі айтылған кезде, ойыншылар қандай күйде тұрса да, қатып қалуы керек. Қозғалып қойған немесе күліп қойған ойыншы жеңіліс тауып, ойыннан шығады. Ойынды балалар жалыққанша ойнауға болады.

«Қоңыраулы соқыртеке»