Балабақша білім мен тәрбие берудің бақыт баспалдағы

«Балабақша-бақыт баспалдағы»

Бала өмірдің – мәні мен мағынасы. Ал осы мән-мағынаны қалыптастыратын , білім мен ортаға бейімделудің тірегі –балабақша болып табылады. Әрбір бал-бөбек бүлдіршіндеріміздің сана-сезімін дамытып , дұрыс бағыт – бағдар беру тәрбиешінің басты мақсаты. Осы орайда тәрбиешіге артар үміт пен сенім мол. Тәрбиеленіп жатқан балақайлардың ұлттық санамен дәріптеніп , ақыл – ойын жетіктіріп мектеп баспалдағына дейін жетілдіру – балабақша қызметкерлерінің міндеті.

Сондай-ақ балабақша - баланың өмірге алғаш аттаған қадамы. Осы алғашқы қадамынан баланың болашағы қаланады. Әрбір кішкентай бүлдіршінді өмірге енді аяқ басқан сәтте жүрегінің кілтін тауып , олардың тұлға болып қалыптасуына сүбелі үлес қосатын алтын ұя. Балабақша – болашақтың қақпасы десек , болашақтың қақпасы балабақша табалдырығын аттаған бүлдіршіндердің қадамдарына ертеңге деген сенім , патриоттық сананы меңгерту болып табылады.

Балабақща - бақыт пен ізгіліктің баспалдағы. Ия,осы кішкентай сөзде қаншама мағына жатыр десеңші. Кішкентай бүлдіршін жүзіне күлкі ұялатып,бойы мен ойын сергітіп , бала бойына сезім мен сенім ұялата білген балабақшалар саны қазірде артып келетіні қуантады.

Қазақ халқы қай дәуірде болмасын ұрпақ тәрбиесіне ерекше мән берген. Ұрпақ тәрбиесін ұлт тағдырынан бөліп қарамаған. Тәрбие мәселесінде баланың бойына ұлттық құндылықтарды сіңіруді мақсат тұтқан. « Адамға ең бірінші білім емес , тәрбие берілуі керек. Тәрбиесіз берілген білім –адамзаттың қас жауы » , - деп Әбу Насыр Әл-Фараби айтқандай оқу мен тәрбие бір-бірінен ажырылмастай ұғым.

Осы орайда ұрпақтың тәрбиелі тұлға болып қалыптасуына ықпалын тигізетін балабақшаның орны ерекше. Еліміздің айырықша мақсаттарының бірі – бәсекеге қабілетті жас ұрпақты жан – жақты жетілген , парасатты азамат етіп тәрбиелеу.

Елбасы Н.Ә.Назарбаевтың « Қазақстан – 2030 » жолдауында атап айтқандай бүгінгі тәрбие мен білім өзегін бала бойына қалыптастырар тәрбие ошағына , яғни балабақшаға артқан жүк екендігі сөзсіз.

«Василек» балабақшасы

Тәрбиеші:Жексенбаева Айжан Адилетқанқызы