Балабақшада денсаулықты сақтауға арналған технологиялар

Баяндама: «Балабақшада денсаулық сақтау технологиясын қолдану»

Дайындаған: тәрбиеші

Адамның денсаулығы ол – барлық уақыттағы айтылатын көкейтесті тақырып.Денсаулықты дәрілермен емдеп қана сақтай алмаймыз.Басқа әдісі,ол – қозғалыс.Денешынықтыру жаттығулары – ұзақ өмір сүру үшін,жұмыс істеуге қабілетті сақтау негізінде ,адам үнемі қозғалыста болу керек.Мектепке дейінгі балалардың психологиялық және денені шынықтыруды қалыптастыру негізі - жас бала кезден басталады. 7 жасқа дейінгі бала алдағы өмірінде қайталанбас дамудың үлкен жолын өтеді.Осы кезеңде ағзаның дамуы ,жеке тұлға болып қалыптасу,мінезі,өзіне және айналадағыларға деген қарым-қатынасы қалыптасады.Бұл кезеңде балаларда салауатты өмір салты туралы білім,практикалық дағдыны қалыптастыру өте маңызды.Спорт және денешынықтыру сабақтарында жүйелі айналасу керектігін, саналы түрде қажеттену керек. Мектепке дейінгі мекеме балалардың денсаулығын дамыту,сақтауды барлық сабақтарда үнемі пайдалануды қамтамасыз ету қажет. Тәрбиеленушілердің денсаулығын сақтау және шынықтыру бағытында әртүрлі формадағы жаттығулар бар.Қазіргі кезде жалпы оны – «денсаулықты сақтау технологиясы» ,- деп атайды.

Денсаулықты сақтау технологиясы, бұл жүйе - денсаулықты сақтаушы және түзетуші,сауықтырушы шара бала мен педагог,ата-ана мен бала,дәрігер мен бала байланысы арқылы жүзеге асады.

Негізгі міндет – баланы өзін-өзі басқаруға дайындау.Қажетті білім, білік, дағдыларын,белгілі бір әдеттерді бала бойына сіңіру.

Денсаулықты сақтау технологиясының мақсаты:

Балалардың денсаулықты сақтау қажеттілігін қамтамасыз ету.

Салауатты өмір салтына байланысты бала бойында білім, білік, дағдыларын қалыптастыру.

Алған білімді күнделікті өмірде қолдануға үйрету.

Денсаулықты сақтау технологиясы әртүрлі іс-әрекетте қолданылады,олар:

1. Денсаулықты сақтау технологиясы

2. Салауатты өмір салтына үйрету технологиясы

3.Түзетушілік технологиялар

Балабақшада балалардың денсаулығын сақтау,тәрбиелеу және дамыту

үрдісінде педагогикалық жағдайлар жасалған.Олардың негізгілері :ойын формасындағы балалардың әртүрлі іс-әрекеттерін ұйымдастыру,сабақты дұрыс ойластырып өткізу,балаларды қажетті құралдармен қамтамасыз ету(ойыншықтар,ойындар,ойнауға қажетті заттар,жаттығулар).Бұл жұмыстар күнделікті тәрбиешілер,музыка жетекшісі және денешынықтыру инструкторымен бірлесе өткізіледі.Осы үрдістің қатысушылары тәрбиешілер, топта денсаулықты сақтау технологиясын тәжірибеде әртүрлі әдіс-тәсілдерін қолдану арқылы балаларға орта жағдайын жасап, салауатты өмір салты дағдыларын үйретуге көңіл бөледі.

Денсаулықты сақтау технологиясы:

Динамикалық үзілістер балалардың шаршауына байланысты сабақ кезінде (2-5 минут) өткізіледі.Олар: көзге арналған жаттығулардың элементтері, сабақ түрлеріне байланысты тыныс алу,саусақ жаттығулары.

Қозғалмалы және спорттық ойындар денешынықтыру сабақтарының бөлігі ретінде күнделікті топсеруенде,топта (қозғалысы аз дәрежедегі ойындар) өткізіледі.Ойындар балалардың жас ерекшелігі мен өткізілетін орын, уақытқа байланысты таңдап алынады.

Релаксация.Балалардың психикалық денсаулықтарының бірқалыпты болуын,жағымды және жағымсыз эмоцияларды реттеуге өткізіледі.Біздің мақсатымыз- балалардың эмоцияларын сезініп және ісін қадағалауды басқару.Осы мақсатта тәрбиешілер ағзаның кейбір мүшелерін және жалпы ағзаны босаңсытуға арналған жаттығуларды қолданады.Жұмыс істеуде классикалық әуендер (Чайковский,Рахманинов),табиғат дыбыстарын қолдану. Балаларға бұл жаттығулар өте ұнайды,себебі онда ойын элементтері бар.Олар бұл босаңсуға арналған жаттығулар ды тез үйренеді.

Саусақ гимнастикасы жеке балалармен немесе бір топ балалармен күнделікті жүргізіледі. Саусақ гимнастикасы ұсақ моториканы жаттықтырады,сөйлеу тілін дамытады,ойлау,зейін аудару,қан айналысын жақсартып,тез реакцияға жаттығады.Әсіресе,тіл мүкістері бар балаларға пайдасы мол.Кез келген ыңғайлы уақытта өткізуге болады.

Көзге арналған жаттығуларын кез келген бос уақытта өткізуге болады.Ол көз бұлшықеттерінің шаршауын тынықтыруға ,қан айналысына көмегін тигізеді.Бұл жаттығуларды өткізгенде педагог көрнекілік арқылы өзі көрсетіп отырады.

Тыныс алу гимнастикасы денешынықтыру-сауықтыру жұмыстарында әртүрлі формада өткізіледі.Балалардың барлық ағза тканьдарында оттек алмасу белсендіріледі.