Балабақшада ойын дағдыларын қалыптастыру сабақ жоспары

ТӘРБИЕЛЕУ-БІЛІМ БЕРУ ПРОЦЕСІНІҢ ЦИКЛОГРАММАСЫ

Білім беру ұйымы (балабақша/ шағын орталық, мектепалды сыныбы)

Топ/сынып

Ортаңғы топ

Тобы, топтың реттік саны, атауы

Балалардың жасы

3 жасар балалар

Педагогтің аты-жөні

Жоспардың құрылу кезеңі (апта күндерін, айды, жылды көрсету)

09.01-13.01.2023ж.

Апта күндері

Дүйсенбі

Сейсенбі

Сәрсенбі

Бейсенбі

Жұма

Күн тәртібі

Балаларды қабылдау

Таңғы сүзгі: балалардың терісін, дене қызуын, сыртқы келбетін тексеру. Балаларды жақсы көңіл күймен қарсы алу және оларға қолайлы жағдай жасау. Баланың көңіл күйін, оның жеке пікірін, қызығушылығын анықтау. (сөйлеуді дамыту)

Ата-аналармен әңгімелесу, кеңес беру

"Ұйқы жетіспеушілігінің зияны" тақырыбында ата-аналармен әңгімелесу; балалардың үйде күн тәртібін сақтауларын және уақтылы ұйықтау керектігін талап ету.

Балалардың дербес әрекеті (баяу қимылды ойындар, үстел үсті ойындары, бейнелеу әрекеті, кітаптар қарау және тағы басқа әрекеттер)

"Еңбекке баулу"

Мақсат-міндеттер. Балаларды сумен жұмыс жасағанда гигиеналық дағдыларды сақтауға үйрету: жеңді түру, матаны сулау, құрғату, лас болған кезде шаю. Сумен жұмыс кезінде еңбек дағдылары мен әдеттерін, ұқыптылығын дамыту.

"Еңбекке баулу"

Мақсат-міндеттер. Балаларды топ бөлмесінде реттілікті сақтауға үйрету: ойыншықтарды, құрылыс материалдарын өздігінен орнына жинау, оларды сындырмауға тәрбиелеу.

"Еңбекке баулу"

Мақсат-міндеттер. Балалар белгіленген рет бойынша бірізді киіну, шешіну дағдыларын меңгеруге бәтеңкесінің бауын байлау, түймелерін салу, киімдерін іліп немесе ұқыпты бүктеп қоюға, үлкендердің көмегімен киімін дер кезінде ретке келтіруге, тазалау, кептіру т.б., іскерліктерін дамыту.

"Еңбекке баулу"

Мақсат-міндеттер. Балаларды балабақшадағы ойын бұрышындағы кезекшілікті атқару іскерліктерін жетілдіру.

"Еңбекке баулу"

Мақсат-міндеттер. Балаларды ойыншықтарды құрметтеуге үйрету (оларды таза және ұқыпты ұстау, реттеп, орнына қою).

"Кім шақырғанын тап" сөздік ойыны.

Мақсат-міндеттер. Дидактикалық міндеті: есту анализаторын жаттықтыру, зейін және есту қабілеттерін дамыту, балалардың өз құрбы-құрдастарымен бірігіп ойнауға, достық қатынас орнатуға тәрбиелеу.

Ойын ережесі: балаларға қарамай кім шақырғанын тек дауыс бойынша табу, оның атын дұрыс атау. Дауысын өзгертпей, атын қатты айту.

Ойын әрекеті: кім шақырғанын іздеу.

(сөйлеуді дамыту)

Суреттер қарастыру.

Мақсат-міндеттер: "Қыс қызығы" тақырыбында сюжетті суреттер қарастыру. Сұрақтар қою және толық жауапты талап ету.

(сөйлеуді дамыту, қоршаған ортамен танысу, қазақ тілі)

"Жұп суреттер" үстел үсті ойыны.

Мақсат-міндеттер. Балалардың байқағыштығын, суретте бейнеленген заттардың ұқсастығы мен айырмашылығын таба білу іскерлігін тәрбиелеу; сөздік қорларын жетілдіру: ұқсас, әртүрлі, бірдей.

Ойын ережесі: бірдей суреттерді жинау; кім қателеспесе, сол жеңеді.

Ойын әрекеттері: бірдей суреттерді іздеу.

(танымдық дағдылар)

"Не артық?" үстел үсті ойыны.

Мақсат-міндеттер. Дидактикалық міндеті: балаларды заттарды қолданудағы қателерді көре білуге үйрету; байқағыштығын, өз пікірінің дұрыстығын дәлелдей білу іскерлігін дамыту; еңбек құралдары туралы білімдерін бекіту.

Ойын ережесі: артық суреттің ғана бетін жабу; қажетсіз затты кім тапса, сол жеңеді.

Ойын әрекеттері: қажетсіз затты табу және оны ақ қағазбен жабу.

(сөйлеуді дамыту, танымдық дағды)

Санамақтар айтқызу.

"Кел, санайық санамақ"

Бір, екі, үш,

Ал, кәнеки, ұш.

Төрт, бес, алты, жеті,

Мынау - ауыл шеті.

Сегіз, тоғыз, он,

Ал, кәнеки, қон.

Асықпа да саспа,

Бірден қайта баста.

(сөйлеуді дамыту, математика негіздері)

Таңертеңгі жаттығу

Жалпы дамыту жаттығулары (сылдырмақтармен).

1. Бастапқы қалып: аяқ алшақ, дене тік, қол төменде.

1.1. Балалар сылдырмақтарын жоғары көтеріп, екі қолымен сылдырлатады.

1.2. Бастапқы қалып. (жаттығу 4-5 рет қайталанады).

2. Бастапқы қалып: аяқ алшақ, дене тік, қол төменде.

2.1. Қолдарын оң жаққа жіберіп, сылдырмақтарды сылдырлатады.

2.2. Бастапқы қалып.

2.3. Қолдарын сол жаққа жіберіп, сылдырмақтарды сылдырлатады.

2.4. Бастапқы қалып. (жаттығу 4 рет қайталанады).

3. Бастапқы қалып: жерде отырады, аяқ алшақ, сылдырмақ ұстаған қолдары екі жанында.

3.1. аяқтарын жинап, сылдырмақ ұстаған қолдарын жоғары көтеріп, сылдырлатады.

3.2. Бастапқы қалып. (жаттығу 3 рет қайталанады).

4. Бастапқы қалып: аяқ бірге, дене бос, қол төменде.

4.1. Сылдырмақтарын артында ұстап, бір орында тұрып секіру.

4.2. Бастапқы қалып. (жаттығу 3 рет қайталанады).

(дене шынықтыру)

Таңғы ас

Гигиеналық дағдылар

Тамақтану мәдениетін қалыптастыру: қасықты дұрыс ұстау, сорпаны төкпеу, нанды үгітпеу, майлықты дұрыс қолдану, тамақ ішкенде сөйлемеу.

Мақсат-міндеттер: өзін-өзі күту, тамақтану, арақатынасу мәдениеті негіздерін дамыту.

Асты-шашпай төкпей іш,

Сораптамай баппен іш.

Келген асты алдына

Тауысып іш қалдырма.

Тәрбиеші балалардың үстел үстінде дұрыс отыруларын қадағалайды.

(мәдени-гигиеналық дағдылар, көркем сөз)

Ұйымдастырылған іс-әрекетке дайындық

Шаттық шеңбер

Мақсат-міндеттер. Балаларға эмоционалды жағымды көңіл-күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Бақыт толы шеңберге,

Шаттық толы шеңберге

Қол ұстасып келдік біз,

Жан достармыз енді біз.

(сөйлеуді дамыту)

Шаттық шеңбері

Мақсат-міндеттері. Балаларға эмоционалды жағымды көңіл күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Көк аспанда күн күлсін

Бірге күлсін бүлдіршін.

Көк аспанда күн күлсін

Жерге ұдайы нұр құйсын.

(сөйлеуді дамыту)

Шаттық шеңбері

Мақсат-міндеттері. Балаларға эмоционалды жағымды көңіл күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Күн нұрындай көңілім,

Даламдай кең пейілім.

Жүрегім толы мейірім,

Бәріне ортақ шуағым,

Қайырымды боламын.

(сөйлеуді дамыту)

Шаттық шеңбері

Мақсат-міндеттері. Балаларға эмоционалды жағымды көңіл күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Арайлап таң атты,

Алтын сәуле таратты.

Жарқырады күніміз.

Жарқырайды даламыз.

Қайырлы таң,

Қайырлы күн, балалар!

(сөйлеуді дамыту)

Шаттық шеңбері

Мақсат-міндеттері. Балаларға эмоционалды жағымды көңіл күй мен ұйымдастырылған іс-әрекетке мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Кел, балалар, күлейік,

Күлкіменен түлейік!

Қабақ түйген не керек,

Көңілді боп жүрейік!

Кел, балалар, күлейік!

Күлкіменен түлейік!

Күлкі көңіл ашады,

Күліп өмір сүрейік! (сөйлеуді дамыту)

Білім беру ұйымының кестесі

бойынша ұйымдастырылған іс-әрекет

Дене шынықтыру

"Ақшақарлар билейді".

Мақсат-міндеттер. Балалардың сап түзеп бірінің артынан бірі шеңбер бойымен арақашықтық сақтап, бағытты өзгертіп жүгіру қабілетін қалыптастыру; қойылған заттардың арасымен "жылан" тәрізді еңбектеу дағдысын жетілдіру; бір жағы 20-30 см биік қиғаш тақтайдың үстімен жүруге үйрету.

Дене шынықтыру

"Әдемі билейміз".

Мақсат-міндеттер. Балаларда еденге тігінен тұрған құрсаудан еңбектеуге үйрету; еңбектеу кезінде епті болуға тәрбиелеу; арқан бойымен жүру кезінде тепе-теңдікті сақтау дағдыларын қалыптастыру; сап түзеп шеңберге, шеңберден сапқа ауысу дағдыларын жетілдіру.

Музыка

"Ақшақарлар билейді".

Мақсат-міндеттер. Балаларды әнді ықыласпен тыңдай білуге үйрету; әннің сөздік мазмұнын эмоционалды қабылдауға және сипатын ажырата білу қабілетін дамыту; төмен және жоғары дыбыстарды ажырата білу қабілетін жетілдіру; ырғақты сезіне білу қабілетін дамыту; музыка әуенімен жүгіруге және алға-артқа секіру дағдысын қалыптастыру; музыка әуенімен бірге би қимылдарын еркін орындауға үйрету; музыкалық аспапта ойнау қабілетін қалыптастыру; қардың пайдасы туралы ұғымдарын кеңейту.

Дене шынықтыру

"Ақшақарлар секілді билейміз".

Мақсат-міндеттер. Балаларда сап түзеп бірінің артынан бірі шеңбер бойымен арақашықтық сақтап, бағытты өзгертіп жүгіру қабілетін қалыптастыру; қойылған заттардың арасымен "жылан" тәрізді еңбектеу дағдысын жетілдіру; бір жағы 20-30 см биік қиғаш тақтайдың үстімен жүру іскерліктерін дамыту.

Қазақ тілі

«Қыс бізбен қар атысып ойнайды». Қыс жыл мезгілі

Мақсат-міндеттер. Қар туралы шағын өлең жолдарын қайталап оқу, сөздерді анықтап айтуды үйрету; жақсы көңіл күйлерін білдіруді үйрету. Қазақ тілін түсінуді, «қыс» сөзімен қарапайым сөз тіркестерін жасауды, сәйкесінше, сын есімдердің жалғауларын өзгертуді үйрету. Артикуляциялық аппаратын, сөйлеуін, есту арқылы қысқы табиғатқа туралы ақпаратты қабылдауын дамыту. «Қыс» тақырыбы бойынша сөйлесуді есту арқылы қабылдауын, есту зейінін, көру арқылы қабылдауын, ойлау қабілетін, жағымды эмоцияларын көрсете білу қабілетін дамыту. Байқағыштық қасиеттерін, сұлулық сезімдерін, көркем сөзге құштарлығын дамыту.

2- таңғы ас

Балаларға тамақ ішер алдында қолды жуу, тамақтану кезінде дұрыс отыруларын қадағалау, ескерту жасау; орындыққа сүйенбей, шынтақты дұрыс қойып отыруларын қатаң қадағалау; тамақ ішер алдында балалардың бір-біріне астың дәмді болуын тілеп; тамақтан соң алғыс айту. (мәдени-гигиеналық дағдылар, дербес әрекет)

Серуенге дайындық

Балаларды серуенге ынталандыру; серуенге ойын жабдықтарын іріктеу; балалармен жеке әңгімелесулер; шалбарын, бас киімі мен бәтеңкесін реттілікпен киюін қадағалау. (мәдени-гигиеналық дағдылар, дербес әрекет)

Серуен

Қолғапқа түскен ақша қарды бақылау. (қоршаған ортамен танысу, сөйлеуді дамыту)

Мақсат-міндеттер. Балаларға қолғапқа түскен, салмағы жеңіл, көлемі кішкентай, ақша қарды бақылауға үйрету; ақша қардың оюға, гүлге ұқсағандығын байқату; көрген құбылыстан жағымды әсер алуға ынталандыру.

- Балалар, қолдарыңды созып, алақандарыңды ашыңдаршы.

- Қолғаптарға не түсті?

- Иә, ақша қарлар түсіп жатыр.

- Ақша қарлар оюлы

Күн көзіне жылтырайды.

Ақша бұлттың гүлдері

Баяу ұшып, асықпайды.

- Ақша қарлар неге ұқсайды?

- Жарайсыңдар, ақша қарлар кішкентай гүлдерге ұқсайды.

Еңбекке баулу тапсырмалары: балаларды сұхбатхана орындықтарын қардан тазалауға шақыру.

Мақсат-міндеттер: балаларды қарапайым еңбек әрекеттерін жасауға машықтандыру; тазалыққа, еңбексүйгіштікке тәрбиелеу.

"Қолғап" қимылды жаттығуы. (дене шынықтыру, сөйлеуді дамыту)

Балаларды педагогтің соңынан көркем сөз жолдарының ырғағына, мазмұнына сай қимылдарды жасап, жағымды көңіл-күйге бөленуді үйрету; бүкіл дене бұлшық еттерін, түйсікті, есте сақтау қабілетін дамыту.

- Балалар, ал қазір қолғаптарымызбен әдемі жаттығулар жасап, ойнап көрейік.

- Қане, қолғапты киеміз, (алақандарды өзара уқалау)

Бір қолды салып көреміз, (бір қолмен екінші қолды сипау)

Екінші жұп қолғапты (екінші қолымен бірінші қолды сипау)

Киіп алсақ – жарап тұр. (алақандарымен ары-бері бұраңдау)

Біз татумыз, біз біргеміз,

Шапалақтап, секіреміз.

Оп-оп! Шапалақ!

Секір, секір! Шапалақ!

Жаттығу бірнеше рет қайталанады.

"Тегіс жолмен жүреміз" ойын жаттығуы. (дене шынықтыру)

Мақсат-міндеттер: алға қарай жылжи отырып, қос аяқпен секіруге жаттықтыру.

Қарды бақылау (қардың жерге түсуі). (қоршаған ортамен танысу, көркем әдебиет, сөйлеуді дамыту, дене шынықтыру)

Мақсат-міндеттер. Балаларға қардың жоғарыдан төмен ақырындап түскеніне көңіл аудару, қардың көп болғанын байқату; зейінін, түйсігін, ой-қиялын дамыту.

- Міне, міне, қар жауды (екі алақанды екі жаққа жайып, жоғары көрсету),

Міне, жинады тауды (шапалақтау).

Міне, ақшақарым-ай (алақандарды ашып, айналдыру),

Тоңды саусақтарым-ай (алақандарды бір-біріне қою).

Міне, міне, қар жауды (екі алақанды екі жаққа жайып, жоғары көрсету),

Міне, жинады тауды (шапалақтау),

Міне, басты балақай (қол белде, аяқпен сап түзегендей болып жүреді),

Аяқпенен тәй-тәй (қол белде, аяқпен сап түзегендей болып жүреді).

Д. Ахметова

Еңбекке баулу тапсырмалары: балаларды қарды күректермен күреп, жүруге арналған жолдарды жасауға шақыру.

Мақсат-міндеттер: балаларды ересектің үлгісіне еріп, қарапайым еңбек әрекеттерін жасауға машықтандыру; топтастырымен бірге әрекет етуге баулу; жағымды эмоцияларды дамыту.

"Кім тыныш?" қимылды ойыны. (дене шынықтыру)

Балаларды бір бағытта тыныш жүру әдебіне үйрету, аяқтың табанын толық басып және аяқ ұшымен жүріп қимылдау дағдыларын қалыптастыру; сигналға сай қозғалуға ынталандыру.

- Балалар, қазір аяқтарымызды нық басып, менің соңымнан сайға қарай жүрейік.

Сайға қарай адымдаймыз,

Түрлі дыбысты тыңдаймыз.

Көрейік. Бұл қай бұрыш?

Тыңдайық. Тыныш ... Тыныш ...