Балабақшада жаңа технологиялар мен әдістерді қолдану

Мектепке дейінгі ұйымдарда жаңартылған мазмұнды пайдалана отырып жаңа технологиялар мен әдіс-тәсілдерді қолдану тиімділігі

Хожбанова Жұлдызай Сатывалдиевна

Мемлекетіміздің тұңғыш президенті Н.Ә.Назарбаевтің 2018 жылғы 5 қазанда «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында мектепке дейінгі білім беру сапасын түбегейлі жақсарту керек екендігі жария етілген болатын.Осыған орайжаңартылған білім мазмұны бойынша білім беру ісінде 4К моделіне сүйене отырып, балаға тәрбие және білім беруде:

креативтілікті

коммуникативтілікті

сыни ойлауды

командада жұмыс істей білуге үйрету мақсаты қойылуда.

Себебі жаңартылған білім беру мазмұнына көшкенге дейін педагог өзі мақсатқа жету жолында еңбектенетін, ал қазіргі уақытта бала мақсатқа жету үшін жұмыс жүргізу маңызды. Сондықтан өз ойын ашық айта алатын, дұрыс сөйлеу мәнерін қадыптастырған, қиял-ғажайып шығармашылық қабілеті жоғары, командада жұмыс жасай алатын, сыни ойлап, креативті ойларды ортаға салатын баланың қалыптасуы қазіргі қоғам талабы. Яғни баланың бойында 4К моделі(дағдысы) дамыған болса, бала үні тыңдалса, өз ойын ашық жеткізе алатын сенімді тұлға дамиды.

Мектепке дейінгі білім берудің ескі мазмұннан жаңартылған мазмұнының айырмашылығы -баланың шынайы белсенділігі, ересектермен бірлесе әрекет етуі, баланың қызығушылығы мен қажеттілігінің ескерілуі болып табылады. Сондықтан әрбір педагог білім берудегі көзқарасын өзгертіп, жаңартылған педагогикалық технологияны меңгеруге үлкен бетбұрыс жасауы қажет. Мектепке дейінгі мемлекеттік білім беру стандарты оқу үрдісін ұйымдастыруда жаңа педагогикалық технологияны міндеттейді. Бүгінгі таңда мектепке дейінгі ұйымдарда қолданылатын көптеген педагогикалық инновациялық-технологиялар бар. Мысалы:ойын технологиясы,тәй-тәй технологиясы,әуенді кесте технологиясы, жобалау технологиясы, Триз технологиясы, Монтессори технологиясы, Зайцев технологиясы, ақпараттық комуникативтік технологиясы, дамыта оқыту технологиясы, сын тұрғысынан ойлау технологиясы және т.б. Осы технологиялардың әдіс-тәсілдерін қолдану барысында 4К моделін жүзеге асыруға болады. Ол үшін әдіс-тәсілдерді тиімді таңдау, іс-әрекет барысында балаларға жан-жақты бақылау жүргізу, тапсырмаларды қызығушылықтарын тудыратындай саралап беру қажет. Баланың оқуға деген құштарлығын ояту үшін қолданылатын әдіс тәсілдер мектепке дейінгі тәрбие мен оқы

Оқытудыңбірнешеәдіс-тәсілдері:

«5 Жол өлең» әдісі бойынша баланың сыни ойлау қабілетін арттыруға болады.Бала кез-кезген әңгімені, ертегіні, өлеңді тыңдай отырып өздігінен ойлауды, сөздік қорын көбейтуді, сөздерді бір-біріне байланыстыруды меңгереді. Мысалы «Бауырсақ» ертегісі бойынша бала 5 жол өлең құрастырады.

Бауырсақ-ертегі не туралы екенін біледі.

Домалақ, сарғыш-түсі, пішіні қандай екенін ажыратады.

Домалайды,қашады-не істейтінін ұғынады.

Өлең айтады- іс-әрекетін ажыратады.

Нан-не екенін біледі.

Жобалау әдіс-тәсілдері арқылы тәрбиеші,бала,ата-ана бірлестігі нығаяды. Тәрбиеші бақылаушы және бағыт-бағдар, кеңес беруші болса, ата-ана балаға ізденуге әрекет жасайтын көмекші рөлін атқарады. Ал бала өз кезегінде ізденісі арқылы өздігінен әрекет жасауға яғни зерттеуге, жинақтауға, салыстыруға, таңдау жасап, талдауға машықтанады. Мысалы қызанақтың балалар көкөніс екенін ғана біледі. Одан қалай шырын жасауға, қалай баптап өсіруді, онымен сурет салуға болатыны туралы айтып қызығушылығын тудыруға және оның өз бетінше ізденуіне бағыт бағдар беруге болады.

Ассоциация әдісі арқылы баланың аңғарғыштығын, байқампаздығын, ойлау қабілетін, сөздік қорын арттыруға болады. Мысалы жаз мезгілінің суретін ортаға қойып, сол мезгілге сәйкес суреттерді жан-жағына жабыстырады. Жазда жапырақ жасыл, күн ыстық, суға түсу, жемістердің пісуі т.б.

Зерттеу тәсілі баланың командада жұмыс жүргізуіне, өз бетінше әрекет жасауына, сыни ойлауына мүмкіншілік береді. Балаға зерттеу барысында бағыт бере отырып, бірлесе іс-әрекет жасау арқылы кез-келген нәрсені зерттеуге болады. Тек іс-әрекет барысында барынша қолға ұстап, көзге көріп бала сезінетіндей жағдай жасау арқылы биік нәтижеге шығуға болады. Мысалы бір ғана суға бірнеше зерттеу жұмысын көрсетуге болады.