Балабақшадағы Алтын күз тақырыбындағы тәрбие сағаты

Тақырыбы: « Алтын күз»

Мақсаты:

Балалардың жыл мезгілдері туралы білімін қалыптастыру. Күзгі табиғат ерекшеліктерімен таныстыру.

Көкөністер мен жемістерді ажырата білу дағдыларын жетілдіру.

Күз туралы тақпақтар айту,әңгімелеу арқылы тілдік қорларын молайту.Табиғатты қорғауға, үлкендердің еңбегін бағалай білуге баулу;

Көрнекіліктері: Интереактивті тақта,Күз мезгілінің суреттері. Бақшадағы көкөністер, баудағы жемістер суреттері.Фетрадан жасалған бақтағы жемістер мен бақшадағы көкөністер,дидактикалық материалдар,үлестірмелі құралдар

Әдіс-тәсілдер: Сұрақ-жауап, әңгімелесу,ойын технологиясы,жобалау әдісі.

Қос – тілдік компоненті: жыл мезгілдері-времена года,күз-осень,жаз-лета,қыс-зима,көктем-весна.

Тәрбиеші: Құрметті ата-аналар мен балабақша ұстаздары! Бүгін «Өрімтал»тобының балалары дайындаған «Аяулы Алтын Күз» атты тәрбие сағатына қош келдіңіздер.Ендеше «Өрімтал» тобының балаларын қошеметтеп қарсы алайық.

Оқу қызметінің қызметі:

І. Ұйымдастыру кезеңі.

Балаларды оқу қызметіне дайындау.

Психологиялық ахуал.

Сәлеметсіңдерме, балалар!

Көңіл күйлерің қалай?

Бүгінгі біздің оқу қызметіміз ерекше болмақ, ендеше бәріміз әдемі сұлу болып шаттық шеңберін жасайық.

Шаттық шеңбері:

Қуанамыз ,күлеміз

Бар әлемді сүйеміз.

Қол ұстасып қуанып,

Достармен бір жүреміз.

- Бүгін бізге көптеген қонақтар келіп отыр?Олай болса келген қонақтармен сәлемдесейік.Қараңдаршы, балалар , айнала қандай әдемі болып кеткен.

(Осы кезде сырттан бір дыбыс естіледі,желдің шуы)

-Балалар,тындаңыздаршы бұл не шу?

(Осы кезде әдемі әуенмен Күз ханшайымы келеді)

Күз ханшайымы: Сәлеметсіздер ме, балалар!

Балалар: Сәлеметсіз бе!

Күз ханшайымы:Мен Алтын күзбін.Жайдары жарқын жүзбін. Сендерді көргеніме куаныштымын.Сендерге қонаққа келдім.

Тәрбиеші: Қош келдің, Күз ханшайымы! Төрлет!

Күз ханшайымы: Балалар,мен сендерге бір жұмбақ жасырайын.

Ағайынды бәрі,

Шықса-жасыл,

Түссе-сары. Бұл не?

Балалар: Жапырақ

Күз ханшайымы: Дұрыс таптыңдар, жарайсыңдар! Мен өзіммен алтын жапырақтарымды ала келдім. Әр жапырағымда тапсырмалар бар. Егер де тапсырмаларымды орындасаңдар, менің де сендерге деген сыйлығым бар.

Тәрбиеші: Әрине,Күз ханшайымы! Біздің балалар кез келген тапсырманы орындауға дайын.Кел жайланып отырып, балалармен бірге тапсырманы орындайық.

Ой қозғау.

Тәрбиеші: -Балалар бір жылда қанша мезгіл бар?

Қазір жылдың қай мезгілі?

Күз мезгілінің ерекшеліктері қандай?

Жарайсыңдар балалар.Енді Күз ханшайымының тапсырмаларына тоқталайық.

1-тапсырма: Күз айларын ата. (қыркүйек, қазан, қараша)

Тәрбиеші: Ендеше ортаға Күз айларын шақырайық.

1-бала Арман:(қыркүйек)

Бірінші қыркүйек

Білімге бастады.

Мал мен аң тұр билеп

Құс шарлап аспанды.

2-бала Айдай:(қазан)

Жаңартқан ғаламды

Жаңбырлы ғажап ай.

Осынау заманды

Орнатқан қазан ай.

3-бала Айбар:(қараша)

Мол байлық тергені,

Шаттығы қаншалық.

Қарашы өрледі

Қараша ән салып.

Тәрбиеші: 1 тапсырманы өте жақсы орындап шықтыңдар балалар.Енді ары қарай тапсырмаларды көрейік.

2 тапсырма:Күз мезгілі туралы тақпақтар айтуАймира: Жайдарлы күз, алтын күз,

Аяулы күз, жарқын күз,

Дәнге толып ен дала

Дариядай шалқар күз!

Елжас:Сап-сары маңай

Сап-сары тоғай

Соңғы әнін айтып

Құс кетті қайтып

Нұрсезім:Алақай,алақай

Шаттанды балақай

Күз түсті дән пісті

Айтамыз алғысты

Санжар: Күзім-ау,күзім-ау

Мінезің бұзық-ау

Жаңбырың сіркіреп

Келгенің қызық-ау!

Айбар: Еңбек қызып қырларда,

Бидай толды қырманға.