Балабақшадағы мерекелік шаралардың балаларға маңызы

Қызылора қаласы, «Ер Төстік» бөбекжай бақшасының

әдіскері Аманшейтова Ақгүл Аралбайқызы

І санатты педагог

«Мектепке дейінгі ұйымдарда өткізілетін іс-шаралардың балалар үшін маңызы»

Бала тәрбиесі бір өнер, өнер болғанда ауыр

өнер жеке бір ғылым иесі болуды

тілейтін өнер. М.Жұмабаев

Тәуелсіз еліміздің айбынын асқақтатар, келешегімізді кемелдендірер білімді, саналы, «Мәңгілік Ел» жалпыұлттық идеясына негізделген, өз елінің патриоты болатындай зияткер тұлғаларды тәрбиелеу мектепке дейінгі ұйымдардың қазіргі таңдағы басты міндеттерінің бірі деп атауға болады. балалар мектепке дейінгі ұйымдарда тәрбие мен оқытумен қатар, атаулы мерекелік күндердің де ерекшеліктері мен маңыздылығын түсінеді.

«Мереке»-бұл балалар үшін қуаныш пен шаттықтың, ән айту мен көңілді билер билеудің, жаңаша ойындар ойнау және тағы да басқа бала есінде қаларлықтай керемет қызықты сәттерімен ерекше. Сол себепті де балабақшада әр түрлі мерекелік іс -шараларға қатысу арқылы, тәрбиенің негізгі болып табылатын әдепті болуды, инабаттылықты, мейірімді болуды, қонақжайлылықты тағы да басқа адами құндылықтарды бойына сіңіреді. Мерекелік іс-шараларды балалар жас ерекшеліктеріне сәйкес, дұрыс, сапалы ұйымдастыру арқылы балалардың шығармашылық қабілеттері дамып, қиялы, байқағыштығы және қоршаған ортаны эстетикалық талғаммен қабылдауы, өз ойларын сезімдерін көркем түрде жеткізе білу біліктері қалыптасады. Сонымен бірге, балабақшада әр түрлі іс-шараларды ұйымдастыру барысында балаларға салауатты өмір салты, әлеуметтік дағдысы, танымдық, шығармашылық қабілеттерін қалыптастыруға болады. Мектепке дейінгі ұйымда жоспарланған, ұйымдастырылған әр іс - шараның маңыздылығы ерекше болмақ. Мерекелер балаларды ерте жастан әлеуметтендірудің бірден-бір құралы десек те болады. Осы аталған мақасаттарға біздің бөбекжай бақшамызда мерекелік іс-шаралар ерекше қызығушылықпен ұйымдастырылып, жоғары деңгейлерде өткізіліп келеді. О

1-Қыркүйек білім күні қарсаңында мектепке дейінгі ұйымдарда тақырыптық кеңейтілген оқу қызметтері жоспарланып, өткізіледі.

Осы мереке күні балалардың бойында «Білім күнінің» маңыздылығы және еліміздің Астанасына, онағы әрбір маңызы бар ғимараттарға, өзі тұратын қалсына, туған өлкесіне, мемлекеттік рәміздерге сүйіспеншілікпен қарау, ұлтжанды азамат болу дағдыларын қалыптастырып, бекітеміз. Балалар өміріндегі мерекелер ұйымдастырылатын бағыты мен өткізілу құрылымына қарай үш түрге бөлінеді.

1.Қоғамдық-саяси мерекелер.

2.Тұрмыстық мерекелер.

3.Маусымдық мерекелер.

1.Қоғамдық саяси мерекелерге: