Балабақшадағы жаңа жыл ертеңгілігіне арналған сценарий

Жүргізуші: Ақ киімді, денелі, ақ сақалды

Соқыр мылқау танымас тірі жанды

Үсті – басы ақ қырау, түсі суық

Басқан жері сықырлап, келіп қалды

-Балалар бүгінгі жаңа жыл мерекесімен сендерді құттықтаймын. Бүгін сендер қандай әдемі және қызықты киімдерді киіп келгенсіңдер. Балалар қараңдаршы біздің шыршамыз қандай сұлу.

Ән: «Жаңа жыл».

Жүргізуші: Ал, енді балалар бізге қонаққа келген Аққаланы ортамызға шақырайық.

Балалар: - Аққала –ау,-ау,-ау.

Аққала: -Сәлеметсіңдер ме балалар! Сендерді жаңа жыл мерекесімен құттықтаймын. Балалар, сендер бүгін қандай сұлусыңдар, киген киімдерін де қандай әдемі.

Жүргізуші: -Сәлеметсіз бе Аққала! Бізге қонаққа келемін деп шаршаған шығарсыз, отырып дем алыңыз. Балалар сізге тақпақтарын айтқыларып берсің.

1 бала: О, алаақай жаңа жыл!

Құтты болсын балалар.

Құтты болсын жаңа жыл!

2 бала: Өлеңде әзір,ән әзір,

Ойын да әзір, бәрі әзір,

Кел,Жаңа жыл, біздерге,

Кел, Жаңа жыл, Жаңа жыл!

3 бала: Жаңа жыл, Жаңа жыл!

Не әкелдің сен бізге

Бау – бақшан толған гүл,

Төлдерін семіз бе?

4 бала: Аспан жерге төгеді,

Ақ күмісін уыстап

Жаңа жыл да келеді,

Бізге қарай жылыстап.

Аққала: -Балалар сендермен бірге би билеп, ойнағым келеді. Мен сендерге «Әдемі үйректер» биін дайындап әкелдім. Ал, қанеки бірге билейікші.

Би: «Әдемі үйректер».

Жүргізуші: -Жарайсыңдар балалар, әдемі биледіндер. Балалар аққала сендермен бірге ойнағысы келіп тұр. Ол сендер үшін бір ойын дайындап әкеліпті.

Аққала: -Иә, балалар мен сендерге өте қызық ойын әкелдім, ойнаймыз ба?

Балалар: -Иә, ойнаймыз.

Ойын: «Қар лақтыру».

Жүргізуші: -Балалар біздің мерекемізде кімдер жоқ?

Балалар: Аяз ата мен Ақшақар

Жүргізуші: -Дұрыс айтасыңдар балалар, бізге Аяз ата мен ақшақар қыз жетіспейді. Ал ендеше балалар бәріміз бірге аяз атаны шақырайық.

Балалар: Аяз ата ау, ау, ау.

Жүргізуші:- Балалар, естіп тұрсыңдар ма? Біреу келе жатыр. Аяз ата келеді

Аққала: -Балалар сендер аяз ата туралы ән білесіңдер ғой, соны Аяз атаға айтып беріндерші.

Ән: «Аяз ата».