Балабақшадағы Жаңа жыл мерекесіне арналған ертеңгілік

Жасыл шырша жанында

Зал іші әсем безендірілген. Жаңа жылдық киімдер киген балалар залға әуен ырғағымен еркін билеп кіреді. Шыршаны айналып барлығы билейді.

Жүргізуші:Армысыздар құрметті ата-аналар, қонақтар, балалар! Жаңа жылдарыңыз құтты болсын! Жаңа жыл тек қана жаңа табыс, береке, бірлік әкелсін дейміз!

Шырша тойы құтты болсын,

Жыр тойында би билеп ән салайық!

Қыс қызығы басылмай ұласады,

Қуанышы көп болсын жаңа жылда, -

Дей отырып, біздің «Жасыл шырша жанында» атты ертеңгілігімізді бастаймыз.

Жүргізуші:

Музыка әуенімен ортаға жылан кіреді.

Жүргізуші: Балалар, ортамызға ескі жыл келіпті. Кәнекей, балалар, жылан жылымен амандасайық.

Балалар:Сәлеметсіз бе, жылан жылы!

Жылан жылы: Амансыңдар ма, балалар, ата-аналар, қонақтар! Жаңа жылдарыңыз құтты болсын!Жаңа жыл сендерге молшылық, бақыт әкелсін.

Аппақ қардай көңіліміз пәк болсын,

Аппақ қардай арымыз да ақ болсын!

Жаңа жылға жаңа қадам басайық,

Бір алламыз жанымызға жақ болсын

Жүргізуші:

Жаңа жылдық тойда біз,

Көтерейік өнер біз.

Тақпақ айтып, ән салсақ,

Риза болар ескі жыл

Ән: «Шырша жыры»

Тақпақтар:

Күлдірген:

- Сәлеметсіздер ме, балалар, ата-аналар! Жаңа жылдарыңыз құтты болсын! Балалар мен күлдіргенмін. Мен сендерге сиқырлы қалтамды ала келдім. Сиқырлы қалтаның ішінде не бар екен? (балалардың жауабы)

- Жоқ, бұл сыйлық емес. Сиқырлы қалтамның ішінде ойыншықтар бар. Мен сендер ойнасын деп әкелдім. Кәнекей, балалар, «Шыршаны кім тез әшекелейді» ойынын ойнап жіберейік.

Ойын: «Шыршаны кім тез әшекелейді»

Күлдірген:Ой, балалар, сендер қандай епті, жылдам екенсіңдер. Балалар, мына қарларым еріп бара жатыр, мына жер жылы екен ғой, маған далаға шығу керек. Балалар, мен қарды қатырып келейін. Содан соң ойынымызды жалғастырамыз.

Тақпақтар:

Жүргізуші:

Бақша іші мереке,

Ойын күлкі, асқақ ән.

Жаңа жылды қарсы алып,

Мерекені бастаған.

Тақпақтар:

БИ: «Шыршалар»

Жылан: Рахмет, балалар! Балалар, мен сендерді ұмытпаймын, сендерге сенемін. Міне сендермен қоштасатын кез келді. Сау болыңдар, балалар. Жақсылап жаңа жылқы жылын қарсы алыңдар!

Балалар: Сау болыңыз!

Жүргізуші: Балалар, біздің шыршамыз көңілсіз тұр ғой. Шыршамыздың шамдарын жандыратын Аяз атамызды шақырайық!

Балалар: Аяз ата! Аяз ата! Аяз ата!

(Аяз ата кіреді)

Аяз ата: Сәлеметсіздер ме, ата-аналар, қонақтар, балалар!

Жаңа жылдарыңыз құтты болсын!

Қандай жарқын жүздерің,

Қандай әсем өздерің.

Асаулармен алысқан,

Асау желмен жарысқан.

Аталарың сендерді,

Сағынып келді алыстан.

Жүргізуші: Қош келдіңіз, Аяз ата! Төрлетіңіз! Сіз алыс жолдан шаршап келдіңіз! Аяз ата, шырша шамын жағайық, қуанып бір қалайық!

Аяз ата: Балалар, мен мына сиқырлы таяғыммен шыршаны жарқыратып жіберейін.

Қуант бізді таңырқат,

Шамдарыңды жарқырат!

(шам жағады, балалар қол шапалақтайды)

Жүргізуші: Рахмет! Аяз ата бірақ сіздің Ақша қарыңыз қайда?

Аяз ата: Жаңа орманда қатты боран болып екеуіміз екі жаққа ажырап кеттік. Менде Ақша қарымның қайда екенін білмеймін, қатты уайымдап тұрмын.

Музыка әуенімен Мыстан кіріп келеді.

Мыстан: Сәлеметсіздер ме, балалар! Мені жоғалттыңдарма, мен Ақша қармын. / Ақша қар болып киінеді/

Жүргізуші: Балалар бұл кім өзі?

Балалар: Мыстан кемпір

Мыстан: Жооқ мен Ақша қармын. Шашымды көрмейсіңдер ме? Бірақ мен кәртайып қалдым.

Аяз ата: Кет, сен Ақша қар емессің. Қане айт Ақша қарым қайда?

Жүргізуші: Аяз ата ашуланбаңыз. Мыстан, бізге Ақша қар керек. Жаңа жылда бір – бірімізді ренжітпейік. Айта қойшы Ақша қар қайда?

/Мыстан ашуланып/

Мыстан: Мен адастырып жібердім. Ол менен №2 балабақшаның «Балдәурен» тобының мерекесі қай жерде болып жатыр деп сұрады. Мен болсам оны №3 бала-бақшаға жібердім.

Жүргізуші: Неге олай істедіңіз?

Мыстан: Менің де осында келгім келді. Сендер мені кіргізбейсіңдер ғой?