Балабақшаға арналған ашық сабақ жоспары, мектепке дейінгі балалар

Білім беру саласы: әлеумет Бөлімі:қоршаған ортамен танысу.Тақырыбы:«Менің отбасымның салт дәстүрлері»Мақсаты: «Отбасы» құндылығы туралы түсініктерді кеңейту.

Міндеттер:

Білімділік:суретке қарап шағын әңгіме құрауға ,өз ойларын айқын жеткізуге, үш тілділікке үйрету.

Дамытушылық: әр түрлі тапсырмалар, ойындар арқылы, мақал-мәтел жаттатқызу арқылы сөздік қорларын дамыту.

Тәрбиелік:отбасы мүшелерін сыйлай білуге тәрбиелеу.

Сөздік жұмыс: қария, дария.

Технологиялық қамтамасыз ету: отбасы суреттері, балалардың отбасылық фотосуреттері, дидактикалық ойын "Бұл кімге тиісті?".

Биллингвальды компонент: отбасы-семья-family,ана-мама-mother, әке-отец-fatherТехнологиялар: түсіндіру, әңгімелеу, ойын технологиясы,сұрақ-жауап.

Шаттық шеңбері

Армысың, алтын күнім!

Жарқырап нұрын шашқан.

Армысың, көк аспаным!

Көгіңе самғап ұшсам.

Армысың, жер-анам!

Құшағын бізге ашқан.

Армысыңдар, достарым!

Әрқашан бірге жүріп, бірге ойнаған.

Күтпеген сәт: «Қонаққа Дымбілместің келуі».

Балалар қараңдаршы, бізге бүгін қонаққа Дымбілмес келіпті.

- Сәлеметсің бе , Дымбілмес?

Дымбілмес:

- Сәлеметсіңдер ме? Балалар маған сендерден көмек керек. Білгішбек екеуіміз бәстестік. Егерде мен оның жасырған жұмбақтарын шешіп берсем, ол мені өзінің «Білгіштер» тобына қабылдайды. /жылайды/ Енді қайттім, мен қанша оқысам да басыма түк кірер емес.

- Дымбілмес жылама, Балалар не істейміз? Дымбілмеске қол ұшымызды береміз бе?

- Рахмет, балалар. Міне, Білгішбектің тапсырмалары:

Егер де сендер жұмбақтың жауабын дұрыс шешсеңдер бүгінгі ұйымдастырылған оқу іс әрекетінің тақырыбын да білесіңдер.

1-жұмбақ:

Кім отыр кәріміз,

Қуат берер дәріміз.

Әулиедей аялап,

Ардақтаймыз бәріміз!2-жұмбақ:

Кім менің асыл жан

Жақсылыққа үйретіп,

Жамандықтан шектейді.

Кімге ешкім жетпейді!3-жұмбақ:

Кімім менің ардақты

Алтыннан да салмақты

Қиын-қиын жолдардан

Қорықпаймын ол барда

Кім деген ардақты ат

Өтемін оны ардақтап.

4-жұмбақ:

“Кімім” – деп балаң жырын арнаған

Неге ғана естімеген тәтті үнін

Кімім менің – өмірдегі тірегім

Кімім менің – кеудемдегі жүрегім

Егер менің қасымда сен болмасаң

Бұл өмірде қалай ғана жүремін.

Балалар біз жұмбақтың дұрыс жауабын таптық.

Дымбілмес:

- Рахмет балалар. Алақай, мен енді «Білгіштер» тобына қабылданам. Балалар сендер маған көмектестіңдер. Енді мен Білгішбекке барып жауабымды айтайын. Сау болындар.

- Балалар, біз кімдер туралы айтып отырмыз? Бір сөзбен қалай атаймыз?

- Өте жақсы, балалар, отбасы мүшелері.

Отбасы - адам баласының өсіп-өнер алтын ұясы. Адамның өміріндегі ең қуанышты қызық дәурені осы отбасында өтіп жатады.Олар бізге осы дүниедегі ең жақын, бізді әркезде қолдап ,қол ұшын беріп, көмектесетін, ақыл айтатын,жаман мен жақсыны,оңмен…