Балабақшаға арналған үлгі материал, мектепке дейінгі балалар

Мен тәжірибе кезеңінде педагог жетекшілігімен, құрылымдалған, еркін ойын түрлерін қолдандым. Іс-тәжірибеде қолдануға жоспарланған перпективалық план мен циклограмманың іс жүзінде қалай орындалатыны мен мақсаттардың дұрыс қойылуын зерттеу мақсатында пайдаландым. Тәжірибе барысында қиыншылықпен басталғанымен де өз нәтижесін берді. Тәжірибе кезіндегі ұйымдастырған ойындарымда балалар түстерді ажырату, ерекшелігін түсіну, айырмашылығын білу, заттарды ретімен орналастыру, еркін сөйлеу сияқты дағдыларын қалыптастыра алды. Балалардың бұл іс-әрекеті сабақ мақсатының күтілетін нәтижеге бағытталып құрылуымен жоспардың жүйелі болуына байланысты деп ойлаймын. Мысалы «болжау ағашы» әдісін пайдаланып ұйымдастырған ойыным, балаларға түсінікті болды, менің жоспарыммен мақсатына сәйкес сабақ аяқталды.

Тәжірибеде ойын түрлерін қолданудың жақсы тұстарынмен кері жақтары сондай-ақ қиындықтары да болды. Мысалы жетістіктеріне тоқталсам ол балаларды жекелей де жұппен де топпен де қалай жұмыс жасау керектігін үйренуге ықпалы болды. Балалар құрылымдалған ойын барысында бір-бірін тыңдау, күту, көмектесу сияқты әдеттерге үйренді. Ал педагог жетекшілігімен ұйымдастырылған ойында олар не істеу керектігін зейін қойып тыңдап содан кейін ойынға кірісуді әдетке айналдырды. Еркін ойын кезінде балалар өз ойларын білдіруге, жеке әңгімелер мен тақпақтарды айтуға үйренді. Балалардың креативті көзқарастары ашыла білді.

Іс-тәжірибе кезеңінде ұйымдастырылған ойындар:

Топтық ойын: «Жапырақтар әлемі».

Ойын мақсаты: Балаларды ептілікке үйрете отырып, топта жұмыс жасай білуге бағыт беру.

Ұйымдастырылуы: Тәрбиеші балалармен бірге шаттық шеңдер жасап, сағат тілі бағытымен шеңбер жасай айналып, қозғалыс барысында ортада үстел үстіндегі жапырақтарды әр бала кезекпен алып, шаттық шеңбер аяқталысымен «сары» және «жасыл» түстерге қарай екі топ болып сапқа тұрады. Екі үстелде де парақша қағаздарда жапырақсыз тоғай бейнеленген, дайын жапырақ қыймаларымен қоса түсті қарындаштар, желімдер бар.

Күтілетін нәтиже: «Балалар топта ережеге сәйкес жұмыс атқара алады»

Ойын шарты: балалар топта жұмыс жасағанда тоғайды жапырақтармен безендіру керек, мейілінше көп жапырақтар орналастырылған топ жеңіске жетеді.Үстелде топтағы әр бала бір жапырақтан жабыстырып парақшаны тәрбиешіге ұсынады. Ал тәрбиеші оны тақтада іліп қояды да қалған жапырақтарды балалар кезекпен уақытқа байланысты жарысып жабыстырып, тәрбиеші белгі бергенге дейін жалғастырады. Егер жапырақтар түсіп қалса оны тәрбиеші жабыстырып көмектеседі.

Ойын қортындысы: көп жабырақтар орналасқан топ жеңіске жетеді, егер «жасыл» түс жеңсе «сары» түсті топ оларға жаз туралы тақпақтар айтып береді, керісінше нәтиже болса «жасыл» түстер келесі топқа күз туралы тақпақтар айтып береді.

Осы ойын кезінде балалар топқа бөліну кезінде біраз қиыншылықтар болды мінездерін көрсетіп, бірақ қызыға келе ұмытылып топта қалай ойнап кеткендерін білмей де қалды. Тәрбиеші нұсқаулығына балалар назар аударып, ойын кезінде көмекке жүгінгендер болды. Жалпы ойын мақсатына жете алды бірақ әліде болса осындай ойындарға келешекте жетілдіру қажет…