Балабақшаға арналған жаңа жыл мерекесінің сценарийі

Қош келдің, Жаңа жыл!

Мақсаты: Балалардың жаңа жыл мерекесі туралы түсініктерін қалыптастыру.Мерекелік көңіл-күй ортасын ұйымдастыру. Образдық бейнелерді сомдай білуге үйрету, хормен және жеке ән айту шеберліктерін арттыру. Би қимылдарын қызығушылықпен, ырғақты сақтай орындауға төселдіру.

Балалар көңілді әуен ырғағымен мерекелік залға кіреді.

Жаңа жыл кеші «Ақ көбелек» биімен ашылады.

Жүргізуші: Құрметті ата - аналар, әріптестер, бүлдіршіндер сіздерді келе жатқан Жаңа жыл мерекесімен шын жүректен құттықтаймыз! Жаңа жыл әр біріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін дейміз.Балалар, сендер бүгін, сәнді киініп, әдемі болып кетсіңдер. Ал, бүгін балалар, қандай мереке?

Балалар: Жаңа жыл!

Жүргізуші: Балалар бүгін біз Жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық.

Ән: «Жаңа Жыл!» (Дәрібаевтар)

Жүргізуші: Балалар, ортамыздағы әсем не?

Балалар: Шырша!

Жүргізуші: Шыршамыз қандай әдемі! Ойыншықтары неткен көп! Ал, кім бізге шыршаға арналған тақпақтарын айтып береді екен?

Томирис: Армысыңдар халайық!

Бармысыңдар, халайық!

Жаңа жылды жұп жазбай,

Бірге қарсы алайық!

Мансура: Жасыл желек жамылған,

Асыл моншақ тоғылған.

Міне сұлу шыршамыз,

Көптен күтіп сағынған.

Жанбота: Шыршамыз, шыршамыз,

Көңілдіміз баршамыз.

Ән салуға, би билеуге,

Біз дайынбыз бәріміз!

Жансая: Бұл шырша, шырша

Қуаныш жалпыға

Сүйікті шырша,

Жарқыра! Жарқыра!

Зухра: Безендіріп шыршаны

Жыл қуантты баршаны

Той маскарад басталды

Аяз оны басқарды.

Би: «Шырша биі»

Жүргізуші: Балалар, жарайсыңдар. Айтыңдаршы жылда Жаңа жылға бізге қонаққа кім келуші еді?

(Балалардың жауабы)

Әуен ойналады. Залға Аяз ата мен Ақшақар кіреді. Балалар қошеметтеп қарсы алады.

Аяз Ата: Амансыздар ма, Тәуелсіз елдің бақытты ұрпақтары, аяулы аналар, ардақты ұл-қыздарым, бүлдіршін балаларым! Қандай жарқын жүздерің, Қандай әсем жырларың Асулармен алысқан, Асау желмен жарысқан Аталарың сендерге Шаршап келді алыстан (Балалармен амандасады.) Ақшақар; Амансыздар ма, балалар, әріптестер, ата - аналар. Өздеріңді сағынып келдік, жаңа жылдарыңыз құтты болсын, өтіп кеткен Ит жылымызға аман есен саулық тілеп, келер жылымыз Доңыз жылына табыс жыл, береке, бірлік әкелсін деп, тарих жыл болсын деймін. Ақшақар; Аяз ата қарашы, балалардың киімі қандай әдемі. Шырша да әсем безендірілген екен. Бәрі де сұлуланып кетіпті. Шырша шамын жағайық, Жаңа жыл тойын ашайық. Барлығымыз «Шырша жан» «Шамдарыңды жарқырат» деп айтайық. (Барлығы айқайлайды, шырша шамдары жағылады.) Аяз ата: Бәрекелді балалар! Шыршамыз жарқырап, айналаға қуаныш сыйлауда. Шыршаның құрметіне ән айтып, шыршаны айналып өтейік.

Ән: «Шырша жыры» (Бота Бейсенова)

Сұлтан: Аяз ата тыңдаңыз,

Тақпақ айтып берейік.

Ортамызда шыршамыз

Ойнап бірге күлейік.

Ернұр: Ән саламыз, би билеп,

Жырдан шашу төгілді.

Бүгін біздің жаңа жыл,

Қандай қызық көңілді.

Би: «Ақшақар биі»

Айбат: Келді тағы жаңа жыл

Қуантумен біздерді

Құтты болсын жаңа жыл,

Құттықтаймыз сіздерді!

Индира: Тауда туып тауда қскен

Шырша келді ортаға

Қандай жақсы шыршамыз

Ән шырқаймыз бәріміз.

Т. Іңкәр: Жаңа жылды қарсы алып

Жасаймыз біз жылда бір.

Жарқын- жарқын ән салып,

Жалғасады жырға жыр.

Аянат: Ал,балалар, құр тұрмайық

Жаңа жылды шақырайық.

Ән салайық, қол соғайық,

Жаңа жылды қарсы алайық.

Ән: «Ақшақар әні»

Көрініс: «Үш торай»

Автор: Ауылда сүйкімді торайлар болыпты.Олар аулада қар лақтырысып ойнап жүргенде .(торайлар бір-бірден залға қарап қолдарын былғап шығады).Үй торулыдап жүрген қасқырдың даусын есіп торайлар үшікке қарай қашады.(қасқырдың ұлыған даусы).

Қасқыр Санжар:

Мен көкжал қасқырмын

Малшыны састырдым

Аш болсам ұлимын

Ауылды торимын

Торайлар, меннен қорықпаңдаршы, мен сендермен дос болғым келеді (торайлар аң-таң болады). Сол маңда үйшігінде жатқан күшік даладағы дауыстарды естіп, үйшігінен атып шығады.

Күшік Замир:

Мен күшікпін күшікпін

Қырағыда сақ күшік

Түні бойы жатпаймын

Қоралы малды сақтаймын

торайлар, неден қорықтыңдар?

Торайлар: Қасқыр бізді алдап тұрған секілді.