Балабақшамен қоштасуға арналған мерекелік сценарий 6 бет

«Қош бол, сүйікті балабақшам!»

Тәрбиеші: Қымбатты ата – аналар, балабақша қызыметкерлері! Біз бүгін бірнеше жыл мәпелеп, күтіп тәрбиелеген бүлдіршіндерімізді ұямыздан, мектепке шығарып салғалы отырмыз.

Өтті қызық көп күндер, Бес жасқа да жеттіңдер. Барасыңдар мектепке, Бір белестен өттіңдер. Өсті ақыл ойларың, Өсті міне, бойларың. Қуанышқа ортақпын, Құтты болсын тойларың,-деп сүйікті балабақшасымен қимастықпен қоштасатын балаларымызды құрметпен қарсы алайық.

Сұңғақ бойлы, биязы мінезді-Бибінұр. Әлихан- топтың сабырла да ұяңы, деп ортаға Бибінұр мен Әлиханды шақырамыз.

Білімді де жан-жақты, Тамаша, жақсы топтың баласы. Тақпақ айтып тақылдайды, Мінезі темір, қайсар жігіт-Заңғардай, Қазақ қызы нәзік болсын Қарақаттай,-деп ортаға шақырамыз.

Бота көзді – Ақнұрдай, Салмақты бала – Айболдай. Инабатты – Айару, Ержүрек – Дінмұхамбет. Сабырлыда сүйкімді – Ақмаржан, Биші де спортшы – Шадияр. Салмақтыда, сүйкімді – Мирланды,-деп ортаға шақырамыз.

(Жеңіл музыка әуенімен қолдарына гүл ұстап балалар залға кіреді) Балалардың құттықтау сөздері: 1.Бибіұр: Орын берген бақшадан, Раушан апай жақсы адам. Сондықтанда біз үшін, Артықсыз өзіңіз басқадан.

2.Қарақат: Қасымызда күні бойы, Бәйек болып жүргені. Ұлдай апайды ардақтап, Құрметтейміз біз сізді.

3.Димаш: Талай – талай баспалдақты аттармыз, Ата – ананың үмітінде ақтармыз. Бекзада апай сізден алған ақылды, Есімізде өмір бойы сақтармыз.

4. Шадияр: Баулап баптап өсірдіңіз, Бұзықтық етсек кешірдіңіз. Ұмытпаймыз сөзіңізді, ұмытпаймыз өзіңізді, Салтанат апайға мың алғыс.

5.Заңғар: Ойыншықтар кеседе, Шанышқы мен тарелке. Орындық шкаф, төсекте, Бәрі өзі келеме? Соның бәрін табатын, Шаршамайтын күлетін, Зыр жүгіріп жүретін, Айтжамал апайға мың алғыс.

6.Ақнұр: Сүйген өз қызын, өз ұлын, Бөбегім деп аянбай. Балабақша өз үйім, Апайлар болды анамдай.

7.Айару: Оқимыз, білім аламыз, Болашақ жолын саламыз. Балабақшамен қоштасып, Біз мектепке барамыз.

8.Әлихан: Витамин жеп қолынан, Өскен сәби баламыз. Ләззат апай сізге де, Алғыс айтып барамыз.

9.Айбол: Тәтті тамақ пісіретін, Айран сүтін ішкізетін. Гүлзат апай сізгеде, Алғыс айтып барамыз.

10.Ақмаржан: Балабақшам сүйікті, Ән салдыртты билетті. Жаңагүл апайға рахмет, Өнерлі болуды үйретті.